సినిమా హీరోలు కనబడితే వారిని చూసేందుకు, ఫొటోలు దిగేందుకు సామాన్య జనాలు ఎగబడటం సాధారణం. ఐతే ఆ హీరోలు ఎలాంటి మూడ్లో ఉన్నారు.. మనం వారిని ఎక్కడ కలిశాం.. వారి ప్రైవసీ సంగతేంటి.. ఇలాంటివన్నీ కొంచెం చూస్కోవాలి. ఫొటోలు, సెల్ఫీలు దిగేటపుడు కనీసం అనుమతి అడగాలి.
అలా కాకుండా మన కోణంలో మనం ఆలోచిస్తూ దూసుకెళ్లిపోతే ఇబ్బందులు తప్పవు. ముంబయి ఎయిర్పోర్టులో షారుఖ్ ఖాన్తో్ సెల్ఫీ దిగే ప్రయత్నం చేసిన ఒక అభిమానికి ఇలాగే చేదు అనుభవం ఎదురైంది. ఎయిర్పోర్ట్ నుంచి తన మేనేజర్ పూజా దడ్లానితో కలిసి బయటికి వస్తుండగా.. ఆయన్ని మీడియా వాళ్లతో పాటు అభిమానులు చుట్టుముట్టారు. ఐతే షారుఖ్ నడిచి వస్తుండగా.. ఒక ఫ్యాన్ అత్యుత్సాహం ప్రదర్శించాడు.
సెల్ఫీకి పోజ్ ఇవ్వమని కనీసం షారుఖ్ను అడక్కుండానే.. పక్కన నడుస్తూ మొబైల్తో ఫొటో తీయడానికి ప్రయత్నించాడు. ఇది షారుఖ్కు చికాకు తెప్పించింది. వెంటనే చేత్లో ఆ అభిమానిని పక్కకు నెట్టేశాడు. ఈ వీడియో సోషల్ మీడియాలోకి రావడం.. వైరల్ అయిపోవడం చకచకా జరిగిపోయాయి. అభిమానితో షారుఖ్ దురుసుగా ప్రవర్తించాడంటూ కొందరు ఆయన్ని విమర్శిస్తుంటే.. కనీసం సెల్ఫీ కోసం పర్మిషన్ కూడా అడక్కుండా ఆ అభిమాని అత్యుత్సాహం ప్రదర్శించడాన్ని కొందరు తప్పుబడుతున్నారు.
అభిమానిని నెట్టేసే దృశ్యం మాత్రమే చూస్తే.. షారుఖ్ కొంచెం దురుసుగా ప్రవర్తించినట్లు అనిపించినా.. మొత్తం వీడియో చూస్తే మాత్రం అభిమానిదే తప్పు అని అర్థమవుతుంది. ఇలాంటి సందర్భాల్లో చిరాకు పుట్టి స్టార్లు ఫోన్లు విసిరేసిన సందర్భాలు కూడా చాలానే ఉన్నాయి. వాళ్లతో పోలిస్తే షారుఖ్ కాస్త బెటర్గానే రియాక్టయినట్లే.
రిలీజైన రోజు నుంచి వీకెండ్ దాకా చెడుగుడు ఆడేసిన లెనిన్ ఎట్టకేలకు అఖిల్ కెరీర్ లో ఒక హిట్టుని చేర్చేసింది.…
టాలీవుడ్ అగ్రశ్రేణి డ్యాన్స్ మాస్టర్లు ఇద్దరి మధ్య వివాదం రాజుకుంది. జానీ మాస్టర్, శేఖర్ మాస్టర్ మధ్య ఘర్షణ చోటు…
మలయాళ హీరో అయినప్పటికీ సలార్ నుంచి పృథ్విరాజ్ సుకుమారన్ కు మన దగ్గర కూడా ఫాలోయింగ్ ఏర్పడింది. ఆ నమ్మకంతోనే…
ఘట్టమనేని మూడో తరం నుంచి మొదటి వారసుడు జయకృష్ణ తొలి సినిమా శ్రీనివాస మంగాపురం జూలై 30 విడుదలకు రెడీ…
ఏపీలో అరెస్టుల పర్వం కొనసాగుతోంది. ఇప్పటికే ప్రముఖులపై అసభ్యకరమైన రీతిలో వ్యాఖ్యలు చేసిన కారణంగా ప్రశ్న రావణ్ సహా పలువురు…
టాలీవుడ్ ప్యాన్ ఇండియా సినిమాల వ్యవహారం అదిగో పులి ఇదిగో తోక కథలా మారిపోయింది. ఒక డేట్ వేయడం, దానికి…