నిఖిల్ సైలెంట్ అయిపోయాడేంటి ?

ఏడాదికి ఎక్కువ సినిమాలు చేసే యంగ్ హీరోల లిస్టులో నిఖిల్ ముందుంటాడు. ప్రతీ ఏడాది నిఖిల్ నుండి మూడు లేదా రెండు సినిమాలు గ్యారెంటీ. గతేడాది కార్తికేయ 2 తో పాన్ ఇండియా హిట్ కొట్టిన నిఖిల్ చివర్లో 18 పేజెస్ సినిమాతో ప్రేక్షకుల ముందుకొచ్చాడు. ఆ సినిమా నిఖిల్ కి ఆశించిన విజయం అందించలేదు. 18 పేజెస్ వచ్చి ఐదు నెలలవుతుంది. ఇంత వరకూ నిఖిల్ నెక్స్ట్ సినిమా సందడి లేనేలేదు.

ఎడిటర్ గ్యారీ తో ‘స్పై’ అనే మూవీ చేస్తున్నాడు నిఖిల్. ఈ మధ్య ఓ అప్ డేట్ వదిలి మళ్ళీ సైలెంట్ అయిపోయాడు. అలాగే సుధీర్ వర్మ డైరెక్షన్ లో ఓ యాక్షన్ థ్రిల్లర్ చేశాడు. అది ఐదు రోజుల మినహా ఘాట్ కంప్లీట్ అయింది. ఆ సినిమా గురించి కూడా ఎలాంటి అప్ డేట్ లేదు. మరి ఐదు నెలల్లో ఒక్క అప్ డేట్ కూడా లేకుండా నిఖిల్ ఎందుకు సైలెంట్ అయినట్టు ?

బహుశా తన నెక్స్ట్ పాన్ ఇండియా మూవీ స్పై రిలీజ్ డేట్ లాక్ అవ్వకపోవడమే కారణమా ?. అన్నీ భాషల్లో ఒకే సారి రిలీజ్ ప్లాన్ చేస్తున్నారు కాబట్టి సరైన డేట్ చూసి ఓ నెల పాటు గట్టి ప్రమోషన్స్ చేయాలని చూస్తున్నాడు కాబోలు. ఏదేమైనా నిఖిల్ ఇప్పటి నుండే ప్రమోషన్స్ మొదలు పెడితే బెటర్ అప్పటికి సినిమాకి కొంత హైప్ వస్తుంది. లాస్ట్ మినట్ ప్రమోషన్స్ చేస్తే 18 పేజెస్ ఓపెనింగ్సే రిపీట్ అవుతాయి.