రెండేళ్ల కింద‌ట సాయిధ‌ర‌మ్ తేజ్‌కు జ‌రిగిన రోడ్డు ప్ర‌మాదం టాలీవుడ్‌ను పెద్ద షాక్‌కే గురి చేసింది. ముందు అది చిన్న ప్ర‌మాదంలాగే క‌నిపించినా.. త‌ర్వాత త‌ర్వాత దాని తీవ్ర‌త అర్థ‌మైంది. ఆసుప‌త్రిలో కొన్ని వారాల పాటు ఉన్న తేజు.. పూర్తిగా కోలుకుని బ‌య‌టికి రావ‌డానికి ఏడాది దాకా స‌మ‌యం ప‌ట్టింది. అత‌ను కోలుకున్నాక చేసిన సినిమానే.. విరూపాక్ష. ఈ రోజే ఆ సినిమా ప్రేక్ష‌కుల ముందుకు వ‌చ్చింది. మంచి టాక్ తెచ్చుకున్న ఈ మిస్ట‌రీ థ్రిల్ల‌ర్‌.. బాక్సాఫీస్ ద‌గ్గ‌ర మంచి ఫ‌లిత‌మే రాబ‌ట్టేలా క‌నిపిస్తోంది.
ఐతే సినిమాలో అన్నీ బాగున్నా.. హీరో సాయిధ‌ర‌మ్ తేజ్ లుక్, త‌న స్క్రీన్ ప్రెజెన్సే కొంచెం తేడాగా అనిపించాయి. అలాగ‌ని తేజు బేసిగ్గానే అంత అనుకోవ‌డానికి వీల్లేదు. గ‌తంలో అత‌ను చేసిన సినిమాల్లో చాలా ఉత్సాహంగా క‌నిపించేవాడు. స్క్రీన్ ప్రెజెన్స్ కూడా బాగుండేది. ఈ సినిమాలో మాత్రం తేజు చాలా డ‌ల్లుగా క‌నిపించాడు. అత‌డి క‌ద‌లిక‌లు కూడా నెమ్మ‌దిగా అనిపించాయి.
కొన్ని స‌న్నివేశాల్లో ఓకే అనిపించినా.. కొన్ని సీన్ల‌లో మాత్రం తేజు నీర‌సంగా అనిపించాడు. దీన్ని బట్టి చూస్తే అత‌ను పూర్తిగా కోలుకోవ‌డానికి ముందే ఈ చిత్రంలో న‌టించిన‌ట్లున్నాడు. యాక్సిడెంట్ తాలూకు ప్ర‌భావం శారీర‌కంగానే కాక మాన‌సికంగా కూడా తేజు మీద ప‌డిందేమో.. అందుకే అత‌ణ్ని దాన్నుంచి బ‌య‌ట‌కు తీసుకురావ‌డానికి సినిమానే మార్గంగా భావించి కుటుంబ స‌భ్యులు ఈ సినిమాను మొద‌లుపెట్టించి ఉండొచ్చేమో.
మొత్తానికి తేజును ఇలా డ‌ల్లుగా చూడ‌టం మెగా అభిమానుల‌కు కొంచెం ఇబ్బందిగానే అనిపించినా.. ఓవ‌రాల్‌గా సినిమా అయితే ప్రేక్ష‌కుల‌ను ఆక‌ట్టుకుంటుండ‌టం.. మంచి టాక్ రావ‌డం సంతోష‌మే. తేజుకు యాక్సిడెంట్ అయిన స‌మ‌యంలోనే రిలీజైన రిప‌బ్లిక్ ఫ్లాప్ అయింది. ఇప్పుడు విరూపాక్ష‌తో తేజు బౌన్స్ బ్యాక్ అయిన‌ట్లే.
This post was last modified on April 21, 2023 2:16 pm
ప్ర‌పంచంలోనే అత్యంత ధ‌నికుల జాబితాలో ఉండే ముకేష్‌ అంబానీ కుటుంబానికి ఇండియాలో అస‌లు పోటీయే లేదు. ఎప్ప‌టిక‌ప్పుడు వారి సంప‌ద…
పులివెందుల‌లో జ‌రుగుతున్న స్థానిక ఎన్నిక‌ల పోలింగ్‌ను ప‌రిశీలించేందుకు వెళ్లిన జ‌గ‌న్‌కు అడుగ‌డుగునా ప‌రాభ‌వాలు ఎదుర‌య్యాయి. ఆయ‌న అడుగు పెట్టీ పెట్ట‌డంతోనే…
అనంతపురం జిల్లా రాప్తాడు ప్రభుత్వ పాఠశాలలో పదవతరగతి విద్యార్థినిపై రంపంతో దాడి చేసిన ఘటన యావత్ రాష్ట్రాన్ని కలవరపాటుకు గురించేసింది.…
ప్ర‌ధాని మోడీ మెడ‌లు వంచుతామ‌ని.. ఆయ‌న‌ను గ‌ద్దె నుంచి దింపుతామ‌ని తెలంగాణ ముఖ్య‌మంత్రి రేవంత్ రెడ్డి వ్యాఖ్యానించారు. ఆదివారం ఢిల్లీలోని…
తమిళ సినిమాలో సెన్సేషనల్ జోడీ అంటే శింబు, నయనతారలదే. వీళ్లిద్దరూ కలిసి నటించిన తొలి చిత్రం ‘వల్లభ’ అప్పట్లో పెను…
దేశంలోని ముఖ్యమంత్రుల పనితీరు మీద తరుచుగా సర్వేలు జరుగుతుండటం మనకు తెలిసిందే. ముఖ్యమంత్రుల పనితీరు, ప్రజాదరణను బట్టి వారికి ర్యాంకులు…