కొందరు హీరోలను నెగెటివ్ షేడ్స్ ఉన్న పాత్రల్లో అస్సలు ఊహించుకోలేం. మాస్ రాజా రవితేజ కూడా ఆ కోవకే చెందుతాడు. ‘డిస్కో రాజా’ లాంటి కొన్ని సినిమాల్లో మాత్రమే రవితేజ పాత్రలో ప్రతినాయక ఛాయలు కనిపిస్తాయి. ఆ సినిమా అంచనాలను అందుకోలేక బాక్సాఫీస్ దగ్గర చతికిలపడ్డ సంగతి తెలిసిందే. కట్ చేస్తే ఇప్పుడు మాస్ రాజా నుంచి వచ్చిన కొత్త సినిమా ‘రావణాసుర’లో తన పాత్రను చూసి జనాలు షాకైపోయారు.
సినిమాలో చివరి 20 నిమిషాల ముందు వరకు కూడా రవితేజ పాత్ర పూర్తి నెగెటివ్గా సాగుతుంది. అతను మరీ కర్కశంగా హత్యలు చేస్తాడు. రేప్లు కూడా చేస్తాడు. ముఖ్యంగా ఒక సన్నివేశంలో మేఘా ఆకాష్ను రేప్ చేసి.. ఆ తర్వాత గొంతు కోసి హత్య చేసినట్లు చూపిస్తారు. ఇలాంటి సన్నివేశాల్లో రవితేజను చూసి షాకవ్వని వాళ్లు ఉండరు. మామూలుగా స్టార్ ఇమేజ్ ఉన్న ఏ హీరోనూ ఇలాంటి సన్నివేశాల్లో చూసి ప్రేక్షకులు జీర్ణించుకోలేరు.
రవితేజ లాంటి అందరి ఆమోదం ఉన్న, నెగెటివిటీ లేని హీరోను ఇలాంటి సీన్లలో చూడటం పెద్ద షాకే. ఆ తర్వాత ఈ పాత్రలో ట్విస్ట్ ఉన్నప్పటికీ.. సినిమాలో చాలా వరకు పూర్తి నెగెటివ్గా సాగుతున్న క్యారెక్టర్ను చూస్తే ప్రేక్షకులకు అస్సలు మింగుడుపడదు. చివర్లో పాత్రలోని అసలు కోణం బయటికి వచ్చినా సరే.. అంతకుముందు చూసిన సీన్లు బలంగా ముద్ర వేసుకుపోతాయి. స్టార్ హీరోలను ఇంత నెగెటివ్గా చూపిస్తే.. ఇలాంటి సినిమాలు వర్కవుట్ కావడం కష్టమే. సినిమాకు డివైడ్ రావడానికి ఇది కూడా ఒక కారణం కావచ్చు.
ఐతే ఏమాటకు ఆ మాటే చెప్పుకోవాలి. రవితేజ నెగెటివ్ షేడ్స్ను పండించిన విధానం మాత్రం అమోఘం. తాను రేప్ చేసిన చంపేసిన అమ్మాయి శవం ముందు వచ్చి అమాయకంగా పెర్ఫామెన్స్ ఇచ్చే సన్నివేశంతో పాటు సినిమాలో చాలా చోట్ల పెర్ఫామన్స్ అదరగొట్టాడు మాస్ రాజా. ఎంతైనా కెరీర్ ఆరంభంలో విలన్ పాత్రలు కూడా చేసిన అనుభవ ంఉంది కదా. కాబట్టి భవిష్యత్తులో ఏదైనా సినిమాలో మళ్లీ ఫుల్ లెంగ్త్ విలన్ రోల్ చేయాల్సి వచ్చినా రవితేజ ఇరగదీసేస్తాడనడంలో సందేహం లేదు.
This post was last modified on April 8, 2023 6:50 pm
ఏపీలో ఎన్నికల పోరు ముగియడంతో ప్రధాన పార్టీలకు చెందిన కీలక నేతలు కాస్త ఊపిరి పీల్చుకుంటున్నారు. తమ కుటుంబ సభ్యులు,…
ఇంకో మూడు నెలల్లో ఆగస్ట్ 15 విడుదల కాబోతున్న పుష్ప 2 ది రైజ్ విడుదల తేదీలో ఎలాంటి మార్పు…
సింగల్ స్క్రీన్లు అధిక శాతం తాత్కాలికంగా మూతబడి, కుంటినడనన మల్టీప్లెక్సులను నెట్టుకొస్తున్న టైంలో ఈ వారం చెప్పుకోదగ్గ రిలీజ్ లవ్…
నిన్న ఊరించి ఊరించి ఆలస్యంగా విడుదల చేసిన కల్కి 2898 ఏడిలోని బుజ్జి మేకింగ్ వీడియో చూసి అభిమానుల నుంచి…
కుప్పం నియోజకవర్గం చంద్రబాబు నాయుడుకు పెట్టని కోట. 1983లో తెలుగుదేశం పార్టీ ఏర్పాటు చేసిన తర్వాత ఇక్కడ టీడీపీ తప్ప…
స్టార్ ఇమేజ్ ఎంత ఉన్నా అనూహ్యమైన మార్పులు చోటు చేసుకుంటున్న డిజిటల్ మార్కెట్ వాళ్ళకో సవాల్ గా మారిపోయింది. కరోనా…