జూనియ‌ర్ ఎన్టీఆర్ కొత్త సినిమా షూటింగ్ మొద‌ల‌య్యే క్ష‌ణాల కోసం అభిమానుల నిరీక్ష‌ణ ఇప్ప‌టిది కాదు. ఆర్ఆర్ఆర్ త‌ర్వాత త్రివిక్ర‌మ్‌తో అనుకున్న సినిమా క్యాన్సిల్ అయి.. కొర‌టాల శివ‌తో కొత్త చిత్రాన్ని ప్ర‌క‌టించి రెండేళ్లు దాటిపోయింది. ఈ సినిమా ర‌క‌ర‌కాల కార‌ణాల వ‌ల్ల బాగా ఆల‌స్యం అయింది. ఆర్ఆర్ఆర్‌కు సంబంధించి తార‌క్ అన్ని ప‌నులూ ముగించాక కూడా ఏడాదికి కానీ ఈ సినిమా ప్రారంభోత్స‌వం జ‌రుపుకోలేదు.
కొన్ని రోజుల కింద‌టే హైద‌రాబాద్‌లోని ఒక హోట‌ల్లో ఈ సినిమా ముహూర్త వేడుక జ‌రిగిన సంగ‌తి తెలిసిందే. ఈ వేడుక‌కే చాలా టైం తీసుకోవ‌డంతో ఇక షూటింగ్ మొద‌ల‌య్యేది ఎప్పుడో అని అభిమానులు సందేహించారు. కానీ వాళ్లు ఎక్కువ రోజులు నిరీక్షించాల్సిన అవ‌స‌రం లేక‌పోయింది. శ‌నివార‌మే ఈ సినిమా షూటింగ్ మొద‌లైపోయింది.
ఎన్టీఆర్ కొత్త సినిమా అప్‌డేట్స్ కోసం అభిమానులు విప‌రీతంగా గొడ‌వ చేస్తుండ‌టాన్ని చాలా రోజులుగా గ‌మ‌నిస్తూనే ఉన్నాం. ఈ విష‌యంలో తార‌క్ సైతం కొంత అస‌హ‌నం వ్య‌క్తం చేశాడు. ఐతే షూటింగ్ మొద‌లైన విష‌యాన్ని చిత్ర బృందం అధికారికంగానే ఒక వీడియో ద్వారా వెల్ల‌డించింది. నైట్ సెట‌ప్‌తో ఉన్న సెట్లోకి ఎన్టీఆర్ న‌డుచుకుంటూ వెళ్ల‌డం.. అత‌ణ్ని కొర‌టాల శివ ఆహ్వానించ‌డం ఈ వీడియోలో చూపించారు.
ఐతే తార‌క్‌ను వెనుక నుంచి మాత్ర‌మే చూపించారు. లుక్ రివీల్ చేయ‌లేదు. చూస్తుంటే.. తార‌క్ గ‌డ్డంతో షూట్‌కు హాజ‌రైనట్లు క‌నిపిస్తోంది. సెట్‌ను డీప్‌గా చూపించ‌క‌పోయినా.. లావిష్‌గానే ఉన్న‌ట్లు క‌నిపిస్తోంది. వీడియో చివ‌ర్లో వస్తున్నా.. అంటూ ఎన్టీఆర్ ఆగ‌మ‌నాన్ని చాటి చెప్పారు. తార‌క్ స‌ర‌స‌న జాన్విక‌పూర్ న‌టించ‌నున్న ఈ చిత్రం వ‌చ్చే ఏడాది ఏప్రిల్ 5కు విడుద‌ల కాబోతున్న‌ట్లు ఇంత‌కుముందే ప్ర‌క‌టించిన సంగ‌తి తెలిసిందే.
This post was last modified on April 2, 2023 8:38 am
ప్రధాని మోదీ, హోం మంత్రి అమిత్ షాలు చేసింది అత్యంత అరుదైన నేరం, వారు న్యాయ ప్రక్రియ నుంచి ఎప్పటికీ…
ప్ర‌పంచంలోనే అత్యంత ధ‌నికుల జాబితాలో ఉండే ముకేష్‌ అంబానీ కుటుంబానికి ఇండియాలో అస‌లు పోటీయే లేదు. ఎప్ప‌టిక‌ప్పుడు వారి సంప‌ద…
పులివెందుల‌లో జ‌రుగుతున్న స్థానిక ఎన్నిక‌ల పోలింగ్‌ను ప‌రిశీలించేందుకు వెళ్లిన జ‌గ‌న్‌కు అడుగ‌డుగునా ప‌రాభ‌వాలు ఎదుర‌య్యాయి. ఆయ‌న అడుగు పెట్టీ పెట్ట‌డంతోనే…
అనంతపురం జిల్లా రాప్తాడు ప్రభుత్వ పాఠశాలలో పదవతరగతి విద్యార్థినిపై రంపంతో దాడి చేసిన ఘటన యావత్ రాష్ట్రాన్ని కలవరపాటుకు గురించేసింది.…
ప్రధాని మోడీ మెడ‌లు వంచుతామ‌ని.. ఆయ‌న‌ను గ‌ద్దె నుంచి దింపుతామ‌ని తెలంగాణ ముఖ్య‌మంత్రి రేవంత్ రెడ్డి వ్యాఖ్యానించారు. ఆదివారం ఢిల్లీలోని…
తమిళ సినిమాలో సెన్సేషనల్ జోడీ అంటే శింబు, నయనతారలదే. వీళ్లిద్దరూ కలిసి నటించిన తొలి చిత్రం ‘వల్లభ’ అప్పట్లో పెను…