సినీ పరిశ్రమలో ఫోకస్ అంతా ఎప్పుడూ హీరో హీరోయిన్లు, దర్శకులు, నిర్మాతలు, సంగీత దర్శకుల చుట్టూనే తిరుగుతుంటుంది. నటీనటుల్లో క్యారెక్టర్ ఆర్టిస్టుల గురించి.. టెక్నీషియన్లలో మిగతా వారి గురించి పట్టించుకునేవారు తక్కువ. మీడియాలో కూడా వీరికి పెద్దగా ప్రాధాన్యం దక్కదు. చాలామంది క్యారెక్టర్ ఆర్టిస్టుల పేర్లు కూడా తెలియకుండానే ఏళ్లకు ఏళ్లు గడిచిపోతుంటాయి. కొద్దిమంది మాత్రమే పాపులర్ అవుతారు.
మీడియాలో, సోషల్ మీడియాలో హైలైట్ అవుతారు. తెలుగు విషయానికి వస్తే రావు రమేష్ లాంటి కొద్దిమంది మాత్రమే పాపులర్. ఎంతో ప్రతిభ ఉండి కూడా మరుగున పడిపోయిన క్యారెక్టర్ ఆర్టిస్టులు చాలామంది ఉన్నారు. ఈ మధ్య గోపరాజు రమణ అనే ఒక ప్రతిభావంతుడైన క్యారెక్టర్ ఆర్టిస్టు వెలుగులోకి వచ్చాడు. ఆయన చాలా ఏళ్లు సీరియళ్లతో పాటు సినిమాల్లో చిన్న చిన్న పాత్రలతో నెట్టుకొచ్చారు. మిడిల్ క్లాస్ మెలోడీస్, అశోక వనంలో అర్జున కళ్యాణం, స్వాతిముత్యం లాంటి సినిమాలు ఆయన పేరు జనాలకు తెలిసేలా చేశాయి.
ఇప్పుడు ఇలాంటి ఇంకో ప్రతిభావంతుడైన క్యారెక్టర్ ఆర్టిస్టు వెలుగులోకి వస్తున్నాడు. ఆయన పేరు.. మురళీధర్ గౌడ్. ఈ పేరు చెబితే ఆ మనిషి ఎవరు అనేది తెలియకపోవచ్చు. కానీ ‘డీజే టిల్లు’లో సిద్ధు జొన్నలగడ్డ తండ్రిగా నటించిన వ్యక్తి అంటే వెంటనే కనెక్ట్ అవుతారు. ఈ సినిమా కంటే ముందే చాలా చిత్రాల్లో నటించినా మురళీధర్కు పెద్దగా గుర్తింపు రాలేదు. కానీ డీజే టిల్లులో నేచురల్ పెర్ఫామెన్స్తో మురళీధర్ గౌడ్ బలమైన ముద్రే వేశాడు.
ఆ తర్వాత మరికొన్ని చిత్రాలు ఆయనకు పేరు తెచ్చాయి. లేటెస్టుగా ‘బలగం’ సినిమయాతో ఆయన పేరు మార్మోగుతోంది. ఇందులో తన భార్య పుట్టింటి వాళ్లు తనను గౌరవించలేదని అలిగి ఏళ్ల పాటు ఆ ఇంటి గడప తొక్కని అల్లుడి పాత్రలో ఆయన అదరగొట్టేశారు. ఈ సినిమాతో మురళీధర్కు మామూలు పేరు రాలేదు. ఆయన పేరు ఇప్పుడు అందరికీ బాగానే తెలుస్తోంది. విశేషం ఏంటంటే.. మురళీధర్ సినిమాల్లోకి అనుకోకుండా వచ్చారు. ఎలక్ట్రిసిటీ డిపార్ట్మెంట్లో పని చేస్తూ అప్పుడప్పుడూ నాటకాలు వేసిన ఆయన.. రిటైర్మెంట్ తర్వాత సినిమాల్లోకి వచ్చి పేరు సంపాదించడం విశేషం.
This post was last modified on April 1, 2023 5:15 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…