మాములుగా స్టార్ హీరోల సినిమాలకు అన్ని వర్గాలు చూసే విధంగా సెన్సార్ సర్టిఫికెట్ తెచ్చుకుంటారు. ఒకవేళ అధికారులు ఏదైనా అభ్యంతరం వ్యక్తం చేస్తే దానికి తగ్గట్టు మ్యూట్లు కట్లు చేసుకుని కనీసం యు/ఏ తో సర్దుకుంటారు. కేవలం A అంటే అడల్ట్స్ ఓన్లీ (పెద్దలకు మాత్రమే) ఇస్తే మాత్రం ప్రాక్టికల్ గా చాలా ఇబ్బందులుంటాయి. 18 ఏళ్ళ వయసు లోపలి వాళ్ళను థియేటర్లో అనుమతించడానికి అవకాశం ఉండదు.
చాలా మటుకు సింగల్ స్క్రీన్లు దీన్ని పట్టించుకోకుండా టికెట్ ఉంటే చాలు పంపిస్తాయి. కానీ అధిక శాతం మల్టీప్లెక్సులు కఠినంగా అమలు చేస్తాయి. తాజాగా రవితేజ రావణాసురకు A వచ్చింది. అంటే వయొలెన్స్ ఏదో గట్టిగానే దట్టించారన్న మాట. క్రైమ్ థ్రిల్లర్ అనే హింట్ ఆల్రెడీ ట్రైలర్ లో ఇచ్చారు కానీ కామెడీ పాటలు తదితర అంశాలు ఉన్నట్టు చూపించారు కాబట్టి ఫ్యామిలీస్ ఛాయస్ గా పెట్టుకోవచ్చనే అందరూ అనుకున్నారు.
తీరా చూస్తే ఇప్పుడీ ట్విస్టు. దర్శక నిర్మాతలు ఒరిజినాలిటీ పోకూడదని ఇలా రా వెర్షన్ ని ఇవ్వాలనుకున్నారో ఏమో తెలియదు. ముప్పై ఆరు కట్లు ఇచ్చిన దసరానే యు/ఏతో బయట పడింది. అందులోనూ హింస ఓ రేంజ్ లో ఉంది. జనం దాన్నేమీ పట్టించుకోకుండా హిట్ చేశారు. మరి రావణాసురలో అంత వయొలెంట్ కంటెంట్ ఏముందో చూడాలి.
సుధీర్ వర్మ దర్శకత్వం వహించిన ఈ సినిమాలో మొత్తం ఆరుగురు హీరోయిన్లు కనిపిస్తారట. సుశాంత్ చాలా కీలకమైన పాత్ర పోషించాడు. ధమాకా, వాల్తేరు వీరయ్య వరస సక్సెస్ ల తర్వాత రావడంతో ఈ మూవీ మీద మంచి క్రేజ్ అయితే ఉంది. కానీ గ్రౌండ్ లెవెల్ లో ఆశించిన స్థాయిలో బజ్ పెరగడం లేదు. అందుకే ప్రమోషన్ స్పీడ్ పెంచారు. ఇప్పుడు చూస్తేనేమో సెన్సార్ ఏ ఇచ్చింది. రవితేజ రిస్క్ చేసి ఏదైనా ప్రయోగానికి సిద్ధపడినందు వల్లే ఇలా జరిగిందో ఏమో లెట్ వెయిట్ అండ్ సీ.
This post was last modified on March 31, 2023 8:08 pm
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…