నేచురల్ స్టార్ నాని తన కొత్త సినిమా ‘దసరా’ను ప్రమోట్ చేసే క్రమంలో సుకుమార్ గురించి చేసిన ఒక వ్యాఖ్య వివాదాస్పదం అయింది. ఈ సినిమాను కొన్ని వారాల నుంచి దేశవ్యాప్తంగా పలు నగరాల్లో ప్రమోట్ చేస్తున్నాడు నాని.
ఈ సందర్భంగా ఒక బాలీవుడ్ మీడియా సంస్థ ప్రతినిధి అతణ్ని ఆసక్తికర ప్రశ్న అడిగాడు. మిగతా స్టార్ హీరోలు పెద్ద పెద్ద దర్శకులతో పాన్ ఇండియా సినిమాలు చేస్తుంటే.. మీరేంటి ఒక కొత్త దర్శకుడి చిత్రంతో (దసరా గురించి ప్రస్తావిస్తూ) పాన్ ఇండియా రిలీజ్కు రెడీ అయ్యారు అని అడిగాడు.
దీనికి నాని బదులిస్తూ.. ‘”పెద్ద దర్శకులకు వాళ్ల సొంత ఇండస్ట్రీలో ఉన్న పేరు వేరే ఇండస్ట్రీలో లేదు కదా? అంటే వాళ్లు వేరే పరిశ్రమకు వెళ్తే అక్కడ కొత్త అన్నమాటే. సుకుమార్ గారికి తెలుగులో గొప్ప పేరు ఉండొచ్చు. కానీ ‘పుష్ప’ తర్వాతే ఆయనకు మిగతా ఇండస్ట్రీల్లో పాపులారిటీ వచ్చింది. నా డైరెక్టర్ ఇప్పుడు అన్ని చోట్లా కొత్తవాడే. కానీ ‘దసరా’ తర్వాత అతడికి పేరొస్తుంది” అని వ్యాఖ్యానించాడు నాని.
ఐతే ఉదాహరణ కింద సుకుమార్ పేరు చెప్పి ఆయన్ని కించపరిచాడని, నానికి పొగరెక్కువైందని కొందరు సోషల్ మీడియాలో కామెంట్లు చేస్తున్నారు. ఈ వివాదంపై నాని స్పందించాడు. తాను తన దర్శకుడిని సపోర్ట్ చేస్తూ మంచి ఉద్దేశంతో చెప్పిన మాటను తప్పుగా అర్థం చేసుకున్నారని.. సుకుమార్ను తక్కువ చేసే ఉద్దేశం తనకు ఎంతమాత్రం లేదని.. ఆయనంటే తనకు ఎంతో గౌరవం ఉందని నాని స్పష్టం చేశాడు. ‘దసరా’తో దర్శకుడిగా పరిచయం అవుతున్న శ్రీకాంత్.. సుకుమార్ శిష్యుడే కావడం గమనార్హం.
This post was last modified on March 25, 2023 12:05 pm
ఫొటోల పిచ్చి అనండి.. ప్రచార పిచ్చి అనండి.. ఏదేమైనా ఏపీలోని వైసీపీ ప్రభుత్వం చేజేతులా చేసుకున్న వ్యవహారం ఇప్పుడు పీకల…
నిఖిల్ కెరీర్ లోనే అత్యంత భారీ బడ్జెట్ తో రూపొందుతున్న స్వయంభు షూటింగ్ వేగమందుకుంది. సుమరు ఎనిమిది కోట్ల బడ్జెట్…
ఆంధ్రప్రదేశ్ ఎన్నికల ప్రచారం వాడి వేడిగా సాగుతున్న సమయంలో గత ఏడాది జగన్ సర్కారు ప్రవేశపెట్టిన ల్యాండ్ టైట్లింగ్ యాక్ట్…
టీడీపీ అధినేత చంద్రబాబు వైసీపీ కీలక నాయకుడు, మంత్రి పెద్దిరెడ్డి రామచంద్రారెడ్డికి మాస్ వార్నింగ్ ఇచ్చారు. ఆయన బరిలో ఉన్న…
మరో వారం రోజుల్లో (మే 13న) జరగనున్న ఆంధ్రప్రదేశ్ అసెంబ్లీ ఎన్నికల్లో తెలుగుదేశం-జనసేన-భాజాపా కూటమికి సంఘీభావం తెలుపుతూ ఎన్నారై టీడీపీ…
ఆర్ఆర్ఆర్ సినిమా అద్భుత విజయం సాధించినప్పటికీ.. ఆ చిత్రంలో రామ్ చరణ్తో పోలిస్తే జూనియర్ ఎన్టీఆర్ పాత్రలో అంత బలం…