సూపర్ స్టార్ మహేష్ బాబు అభిమానులు ఉగాది ముంగిట నిరాశాజనకమైన మూడ్లో ఉన్నారు. ఈ పండక్కి త్రివిక్రమ్ దర్శకత్వంలో మహేష్ నటిస్తున్న కొత్త సినిమా టైటిల్, ఫస్ట్ లుక్ వస్తాయని కాస్త ప్రచారం జరగడంతో అభిమానులు చాలా ఎగ్జైట్ అయ్యారు. కానీ తీరా చూస్తే అలాంటిదేమీ లేదని తేలిపోయింది. ఇంకో రెండు నెలలకు మహేష్ తండ్రి కృష్ణ పుట్టిన రోజు కానుకగా ఈ సినిమా టైటిల్, ఫస్ట్ లుక్ లాంచ్ చేయాలని చిత్ర బృందం ఫిక్సయినట్లు తెలుస్తోంది.
కృష్ణ మరణానంతరం వస్తున్న తొలి పుట్టిన రోజు కావడంతో ఆ రోజును ప్రత్యేకంగా మార్చాలని మహేష్ భావిస్తున్నట్లున్నాడు. కుదిరితే టీజర్ కూడా ఆ రోజు వదిలే అవకాశాలు లేకపోలేదు. మహేష్ కెరీర్లో ప్రతిష్టాత్మకంగా తెరకెక్కుతున్న సినిమాకు సంబంధించి తొలి విశేషాలను తన తండ్రి జయంతికి రిలీజ్ చేస్తే బాగుంటుందని మహేష్ భావించడాన్ని అభిమానులు కూడా స్వాగతించాల్సిందే.
ఇదిలా ఉంటే.. ఈ సినిమా రిలీజ్ విషయంలోనూ అభిమానులు సందిగ్ధంలో ఉన్నారు. ముందు ఏప్రిల్ 28కి అనుకున్న ఈ చిత్రాన్ని.. ఆ తర్వాత ఇండిపెండెన్స్ డే వీకెండ్లో ప్రేక్షకుల ముందుకు తెస్తారని ప్రచారం జరిగింది. ఆ తర్వాత కొత్త డేట్ గురించి ఎలాంటి సంకేతాలు ఇవ్వలేదు. కట్ చేస్తే.. ఇప్పుడేమో మెగాస్టార్ చిరంజీవి తన కొత్త సినిమా ‘భోళా శంకర్’ను ఆగస్టు 11కు ఖాయం చేసుకున్నారు.
తమ హీరో సినిమా ఉండగా.. చిరు పోటీకి వచ్చాడేంటి అనుకుంటున్నారు మహేష్ ఫ్యాన్స్. కానీ వాస్తవం ఏంటంటే.. ఆగస్టు రేసు నుంచి మహేష్ సినిమా ఎప్పుడో తప్పుకుంది. షూటింగ్ అనుకున్నదాని కంటే చాలా లేటుగా మొదలవడంతో ఈ సినిమా దసరాకైనా వస్తుందా అన్నది డౌటే. వచ్చే ఏడాది సంక్రాంతికి రావచ్చనే అంచనాలు కూడా ఉన్నాయి.
This post was last modified on March 22, 2023 12:32 pm
నాని ది ప్యారడైజ్ షూటింగ్ చివరి ఘట్టానికి వచ్చేసింది. ఇంకో వారం పది రోజుల్లో గుమ్మడికాయ కొట్టేలా ఉన్నారు. కీర్తి…
దేశవ్యాప్తంగా ప్రస్తుతం ఉన్న పరిణామాలను గమనిస్తే.. ఉత్తరాది రాష్ట్రాల్లో ప్రధాన మంత్రి నరేంద్ర మోడీ ఇమేజ్కు యువత పెద్ద ఎత్తున…
సూపర్ స్టార్ కృష్ణ మనవడు జయకృష్ణ డెబ్యూ ఫలితం తేలిపోయింది. కుర్రాడి నటనకు కాసిన్ని ప్రశంసలు దక్కినప్పటికీ కంటెంట్ పరంగా…
త్వరలోనే ఏపీలో స్థానిక సంస్థల ఎన్నికలకు తెరదీయనున్నారు. సెప్టెంబరు-అక్టోబరు మధ్య మునిసిపాలిటీ… నవంబరు-డిసెంబరు మధ్య కార్పోరేషన్లు, జనవరిలో పంచాయతీ ఎన్నికలు…
శ్రీలంకతో జరగబోయే రెండు టెస్టుల సిరీస్ నుంచి బుమ్రా గాయం కారణంగా తప్పుకున్నాడు. అయితే అతని స్థానంలో సీనియర్ బౌలర్…
ప్రధాని నరేంద్ర మోదీ వీడియోను ఫేస్బుక్ నుంచి తొలగించిన వ్యవహారంపై కేంద్ర ప్రభుత్వం స్పందించింది. సోషల్ మీడియా దిగ్గజం మెటా…