ఒక హిందీ సినిమాకు బ్లాక్ బస్టర్ టాక్ వచ్చి ఎన్ని సంవత్సరాలు అయ్యిందో గుర్తు చేసుకోవడం కష్టం. అందులోనూ కరోనా తర్వాత పరిస్థితి నార్త్ బాక్సాఫీస్ కు మరీ దారుణంగా మారిపోయింది. ఆర్ఆర్ఆర్, కెజిఎఫ్ 2, కాంతార లాంటి సౌత్ డబ్బింగులు లేకపోతే అలో లక్ష్మణా అంటూ గగ్గోలు పెట్టాల్సి వచ్చేది. పఠాన్ దీన్ని సమూలంగా మార్చేసింది. కంటెంట్ ఎంత రొటీన్ యాక్షన్ తో ఉన్నా మాస్ కి నచ్చేలా ఒక సూపర్ స్టార్ ని చూపిస్తే కనక కనక వర్షం ఎలా కురుస్తుందో నిర్మాణ సంస్థ యష్ రాజ్ ఫిలింస్, దర్శకుడు సిద్దార్థ్ ఆనంద్ 1000 కోట్లను దాటించేసి మరీ నిరూపించారు.
ఈ రోజు పఠాన్ 50 రోజులను పూర్తి చేసుకుంది. అది కూడా ఆషామాషీగా కాదు. ఇవాళ్టికి దేశవ్యాప్తంగా 800 స్క్రీన్లలో, ప్రపంచవ్యాప్తంగా మరో 135 థియేటర్లలో ఆడుతూనే ఉంది. వీటిలో రెగ్యులర్ షోలు, షిఫ్టింగ్ లు అన్నీ కలిసే ఉన్నాయి. ఇది మాములు ఫీట్ కాదు. ఎందుకంటే ప్యాన్ ఇండియా సినిమాలకే ఫిఫ్టీ డేస్ అనేది కష్టంగా మారింది. ఆస్కార్ తెచ్చిన ట్రిపులార్ సైతం కౌంట్ పరంగా ఇంత నెంబర్ తెచ్చుకోలేదు. ఆ రకంగా చూస్తే షారుఖ్ ఖాన్ బ్రాండ్ ఇమేజ్ ఇక్కడ ఏ స్థాయిలో పని చేసిందో అర్థం చేసుకోవచ్చు. ఇంకో రెండు వారాలకు పైగా ఈజీ రన్ ఉంటుందని ట్రేడ్ చెబుతోంది.
ఈ జోరు కారణంగా పఠాన్ ఓటిటి స్ట్రీమింగ్ ని వాయిదా వేసుకున్నారు. ఈ వారంలోనే అనౌన్స్ మెంట్ ఉండబోతోంది. థియేటర్ లో చూసింది కాకుండా ఎడిట్ చేయని అన్ కట్ వెర్షన్ ని అమెజాన్ ప్రైమ్ లో తీసుకురాబోతున్నారు. వ్యూస్ పరంగా భారీ రికార్డులు నమోదవ్వడం ఖాయమని డిజిటల్ వర్గాలు అంచనా వేస్తున్నాయి. పఠాన్ తర్వాత కొత్త రిలీజులు చాలనే వచ్చాయి కానీ అవేవి కింగ్ ఖాన్ మీద పెద్ద ప్రభావం చూపించలేకపోయాయి. సెల్ఫీ, షెహజాదా డిజాస్టర్ కాగా తూ ఝూటి మై మక్కర్ డీసెంట్ గా వర్కౌట్ చేసుకుని లాభాలతో బయటపడేలా ఉంది.
This post was last modified on March 15, 2023 11:48 am
బీఆర్ఎస్ అధినేత, మాజీ ముఖ్యమంత్రి కేసీఆర్ ఏదో అనుకుంటే ఇంకేదో అయింది. జాతీయ రాజకీయాల్లో చక్రం తిప్పాలనే కలలు గన్న…
కాంగ్రెస్ పీసీసీ చీఫ్ షర్మిల సంచలన వ్యాఖ్యలు చేశారు. కొన్నాళ్లుగా వైసీపీ అధినేత, సొంత అన్నపై ఆమె తీవ్రస్థాయిలో యుద్ధం…
పెద్ద హీరోల పుట్టిన రోజులు, ఇంకేదైనా ప్రత్యేక సందర్భాలు వస్తే అభిమానులు వాళ్లు నటిస్తున్న కొత్త చిత్రాల నుంచి అప్డేట్స్…
ఆంధ్రప్రదేశ్లో జనాభా పరంగా అగ్రస్థానంలో ఉండే కాపు కులస్థుల కోసం ఉద్యమించిన నాయకుడిగా వంగవీటి మోహనరంగా తర్వాత ఓ మోస్తరు…
ఎన్నికలు జరగబోతున్నపుడు అనుకోకుండా కొన్ని విషయాలు కీలకంగా మారి అధికార పక్షాలను తీవ్ర ఇబ్బందుల్లోకి నెట్టేస్తుంటాయి. అవి ఎన్నికల ఫలితాలనే…
భారీ నమ్మకంతో రోజుల తరబడి ప్రమోషన్లు చేసిన ఆ ఒక్కటి అడక్కుకి మిక్స్డ్ టాక్ కొనసాగుతోంది. మాములుగా ఇలాంటి సినిమాలకు…