అసలే వాయిదాల మీద వాయిదాలు పడుతూ వచ్చిన శాకుంతలం ఎట్టకేలకు ఏప్రిల్ 14 విడుదలను లాక్ చేసుకుని రెండు వారాల క్రితమే ప్రకటన ఇచ్చిన సంగతి తెలిసిందే. దర్శకుడు గుణశేఖర్ తో పాటు నిర్మాణ భాగస్వామిగా ఉన్న నిర్మాత దిల్ రాజు పోటీ తదితర అంశాలు అన్నీ నిశితంగా పరిశీలించే ఆ డేట్ ని లాక్ చేసుకున్నారు. ఎలాగూ ఆ నెల చివర్లో పొన్నియన్ సెల్వన్ 2 వస్తుంది కాబట్టి ఆలోగా వీలైనంత రాబట్టుకుంటే రెండు వారాల్లో ప్రాజెక్టు సేఫ్ అయిపోతుంది. మణిశర్మ పాటలు మెల్లగా మ్యూజిక్ లవర్స్ కి ఎక్కేస్తున్నాయి. ట్రైలర్ అంచనాలు పెంచేలానే వచ్చింది.
ఎంత ప్లాన్డ్ గా చేసుకున్నా సమంతా సినిమాకు కాంపిటీషన్ సెగలు తప్పడం లేదు. లారెన్స్ చాలా గ్యాప్ తీసుకుని చేసిన రుద్రుడు అదే డేట్ కి వస్తోంది. ఇది కూడా భారీ బడ్జెట్ తో రూపొందిందే. ఊర మాస్ దెయ్యం కథలకు కేరాఫ్ అడ్రెస్ గా నిలిచే లారెన్స్ ఈసారి మళ్ళీ యాక్షన్ బ్యాక్ డ్రాప్ తీసుకున్నాడు. తెలుగు మార్కెట్ లోనూ తనకు మంచి పట్టుకుంది. ఎంత విమర్శలు వచ్చినా కాంచన 3 డబ్బింగ్ వెర్షన్ బయ్యర్లకు మంచి లాభాలు తెచ్చింది. తమిళంలో గ్రాండ్ రిలీజ్ ఇస్తారు కాబట్టి శాకుంతలంకు అరవ రాష్ట్రంలో స్క్రీన్ కౌంట్ పరంగా చిక్కులొస్తాయి.
ఇక్కడితో అయిపోలేదు. విజయ్ ఆంటోనీ బిచ్చగాడు 2 సైతం ఏప్రిల్ పధ్నాలుగే కావాలని నిన్నే అఫీషియల్ గా ప్రకటన ఇచ్చింది. చాలా ఏళ్లుగా హిట్ లేకుండా మొహం వాచిపోయిన ఈ హీరో మీద ఇక్కడ పెద్దగా అంచనాలేం లేవు కానీ ఆ టైంకంతా హైప్ ఎలా ఉంటుందో చెప్పలేం. తక్కువ అంచనా వేయడానికి లేదు. నిఖిల్ స్పైని కూడా ఆ సమయానికే అనుకున్నారు కానీ ఇప్పుడీ ట్రయాంగిల్ వార్ చూసి వెనక్కు తగ్గక తప్పదు. శాకుంతలం వీటితో తలపడి గెలవడం తప్ప వేరే ఆప్షన్ లేదు. వారం ముందు రవితేజ రావణాసుర ఆల్రెడీ కర్చీఫ్ వేసేసి రెడీగా ఉన్నాడు.
కలర్ ఫోటోతో పెద్ద గుర్తింపు తెచ్చుకుని రైటర్ పద్మభూషణ్ రూపంలో మొదటి థియేట్రికల్ హిట్ అందుకున్న సుహాస్ కు ఈ…
మే మొదటి వారం కొత్త రిలీజులు నిరాశపరిచిన నేపథ్యంలో అందరి కళ్ళు రాబోయే శుక్రవారం మీద ఉన్నాయి. స్టార్ హీరోలవి…
ఆంధ్రప్రదేశ్లో గత అసెంబ్లీ ఎన్నికలు జరగడానికి ముందే ప్రభుత్వ వ్యతిరేకత తీవ్ర స్థాయికి చేరుకుని వైకాపా ఘనవిజయం సాధించబోతున్న సంకేతాలు…
రెగ్యులర్ కథల జోలికి వెళ్లకుండా డిఫరెంట్ గా ప్రయత్నిస్తూ కార్తికేయ 2తో పెద్ద బ్లాక్ బస్టర్ ఖాతాలో వేసుకున్న యూత్…
రాజకీయాలు మారాయి. ఒకప్పుడు భర్తలు ఎన్నికల రంగంలో ఉంటే.. భార్యలు ఉడతా భక్తిగా ప్రచార కార్యక్రమాలు చూసుకునే వారు. అది…
ఎదురుచూసేకొద్దీ బాక్సాఫీస్ కు జోష్ ఇచ్చే సినిమాలు రావడం అంతకంతా ఆలస్యమవుతూనే ఉంది. థియేటర్లు వెలవెలబోతున్నాయి. తెగుతున్న సింగల్ డిజిట్…