Movie News

పల్లెటూరి అనుబంధాలే అసలైన బలగం

యాభై సినిమాల మైలురాయికి చేరువలో ఉన్న నిర్మాత దిల్ రాజు చిన్న చిత్రాలను ప్రోత్సహించే ఉద్దేశంతో ఎస్విసి కాకుండా తన పేరు మీదే కొత్త ప్రొడక్షన్ హౌస్ ప్రారంభించిన సంగతి తెలిసిందే. ఇందులో నేటివిటీ ప్రాధాన్యంగా కొత్త టాలెంట్ ని ఎంకరేజ్ చేసే ఉద్దేశంతో మొదలుపెట్టామని ఆ మధ్య రాజుగారు చెప్పారు. అందులో భాగంగానే బలగంని ప్రేక్షకుల ముందుకు తీసుకొస్తున్నారు. ఇప్పటికే తెలుగు రాష్ట్రాల్లో టీమ్ విస్తృతంగా తిరుగుతూ ప్రమోషన్లు గట్రా చేస్తోంది. కొన్ని చోట్ల ప్రీమియర్లు జరిగాయి. ఇవాళ ట్రైలర్ లాంచ్ జరిగింది.

అదో స్వచ్ఛమైన పల్లెటూరు. ఊరందరికీ తల్లో నాలుకలా నడుచుకునే ఓ తాత. వయసు అనుభవం అన్నిటిలోనూ ఆ పెద్ద మనిషి మాటంటే అందరికీ గౌరవం. పేరెంత ఉన్నా మనవడు(ప్రియదర్శి)మాత్రం జాలీగా తిరుగుతూ ఉంటాడు. సరే పెళ్ళైతే దారిలో పడతాడేమోనని ఓ చక్కని పిల్ల(కావ్య కళ్యాణ్ రామ్)తో సంబంధం ఖాయం చేస్తారు. అయితే కాబోయే అల్లుడు మీద మామకు మంచి అభిప్రాయం ఉండదు. ఈలోగా ఈ కుటుంబంలో ఓ విషాదం తలెత్తుతుంది. తాత కాలం చేస్తాడు. ఆ తర్వాత జరిగే పరిణామాలు ఆ యువకుడి జీవితాన్ని ఎలా మలుపు తిప్పాయనేదే స్టోరీ.

కథను దాచకుండా స్పష్టంగా చూపించేశారు. తెలంగాణ విజువల్స్, బాష యాస అన్నీ సహజంగా ఉన్నాయి. కమెడియన్ గా పేరు తెచ్చుకున్న వేణు ఈ బలగంతో దర్శకుడిగా మారాడు. భీమ్స్ సెసిరోలియో సంగీతం, ఆచార్య వేణు ఛాయాగ్రహణం లాంటి మంచి టీమ్ నే సెట్ చేసుకున్నారు. కమర్షియల్ సినిమాలకు గ్రాండియర్లకు ఆదరణ ఎక్కువగా దక్కుతున్న ట్రెండ్ లో అసలు ఎలాంటి క్యాస్టింగ్ ఆకర్షణలు లేకుండా కేవలం కంటెంట్ ని నమ్ముకుని బలగం బృందం థియేటర్లలో అడుగు పెడుతోంది. మార్చి 3న పెద్దగా పోటీ లేకపోవడంతో మంచి రిలీజ్ ప్లాన్ చేసుకున్నారు.

This post was last modified on February 27, 2023 10:42 pm

Share

Recent Posts

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

27 minutes ago

ఆమె వ‌ద్ద‌ని.. ఆమెతోనే రెండు సినిమాల‌కు కాంట్రాక్ట్

వ‌చ్చే శుక్ర‌వారం ద‌క్షిణాదిన మంచి అంచ‌నాల మ‌ధ్య విడుద‌ల కాబోతున్న సినిమా.. ఆకాశంలో ఒక తార‌. దుల్క‌ర్ స‌ల్మాన్ హీరోగా…

2 hours ago

జ‌గ‌న్ పత్రికకు రూ.10 కోట్ల పరువునష్టం నోటీసు

ఏపీ రాజ‌ధాని అమరావతి ప్రాంతంలో భూముల వ్యవహారంపై తమ కుటుంబానికి సంబంధించి అసత్య ఆరోపణలతో కథనాలు ప్రచురించారంటూ వైసీపీ అధినేత‌…

2 hours ago

మాకు ఆ సీఈఓనే కావాలంటూ లక్ష సంతకాలు

ప్రపంచ టెక్నాలజీ రంగంలో ప్రస్తుతం ఆర్టిఫిషియల్ ఇంటెలిజెన్స్ కీలక శక్తిగా ఎదుగుతోంది. ఈ మార్పులో ఎన్విడియా సంస్థ పోషిస్తున్న పాత్ర…

2 hours ago

న్యాయ వ్యవస్థకు సవాలుగా మారిన ఖాళీ కుర్చీలు

న్యాయం కోసం కోర్టు మెట్లు ఎక్కిన సామాన్యుడికి తీర్పు ఎప్పుడు వస్తుందో తెలియని పరిస్థితి నెలకొంది. కేసు నమోదు చేసినప్పటి…

3 hours ago

ఇంతకీ తారక్ లైనప్ ఏంటి?

జూనియర్ ఎన్టీఆర్ హీరోగా అనిల్ రావిపూడి సినిమా గురించి నిన్న వచ్చిన ప్రకటన ఇటు సినీ రంగంలో, అటు అభిమానుల్లో…

4 hours ago