Movie News

హాలీవుడ్ క్రిటిక్స్ అవార్డుల్లో RRR విజయకేతనం

ఇంకో ఇరవై రోజుల కంటే తక్కువ వ్యవధిలో జరగనున్న ఆస్కార్ సంబరానికి ముందే ఆర్ఆర్ఆర్ సెలబ్రేషన్స్ గ్రాండ్ గా మొదలయ్యాయి. ఈ రోజు హాలీవుడ్ క్రిటిక్స్ అసోసియేషన్ ప్రకటించిన నాలుగు విభాగాల్లో ట్రిపులార్ పురస్కారం దక్కించుకుని శబాష్ అనిపించుకుంది. ఉత్తమ అంతర్జాతీయ చిత్రం, యాక్షన్ సినిమా, నాటు నాటు పాట, స్టంట్స్ క్యాటగిరీలలో విపరీతమైన పోటీని తట్టుకుని మరీ విన్నర్ గా నిలిచింది. మరికొన్ని అనౌన్స్ మెంట్లు క్రమంగా జరుగుతున్న తరుణంలో నెంబర్ పెరిగే అవకాశం లేకపోలేదు. అవతార్ 2, టాప్ గన్ మావరిక్ లాంటి టాప్ కాంపిటీషన్ ఉందక్కడ

రాజమౌళి, కీరవాణి, రామ్ చరణ్ తో పాటు టీమ్ లోని కీలక సభ్యులు ప్రత్యక్షంగా హాజరయ్యారు. టాలీవుడ్ అభిమానులకు అంతగా అవగాహన లేదు కానీ ఈ హెచ్ సిఏ ఇచ్చే అవార్డులకు ఇంటర్నేషనల్ లెవెల్ లో గొప్ప ప్రామాణికత ఉంది. ఊరికినే పాపులారిటీ ఆధారంగా ఇచ్చేయరు. ఎన్నో అంశాలను నిశితంగా పరిశీలించిన తర్వాతే విజేతను నిర్ణయిస్తారు. అందుకే ఆస్కార్ ముంగిట జరిగే ఈ వేడుకకు అంత ప్రాధాన్యం దక్కుతుంది. తారకరత్న పెద్దకర్మ మార్చ్ 2 జరగనున్న నేపథ్యంలో అది పూర్తి చేసుకున్నాక జూనియర్ ఎన్టీఆర్ అమెరికా బయలుదేరి వెళ్లబోతున్నాడు

తెలుగువారు గర్వపడే పరిణామాలివి. జక్కన్న వీటిని ఇండియన్ ఫిలిం మేకర్స్ అందరికీ అంకితం ఇస్తున్నానని తన బృందంలో ప్రతి ఒక్కరు కష్టపడటం వల్లే ఈ స్థాయి దాకా వచ్చామని వినమ్రంగా చెప్పిన తీరు ఆహుతులను ఆకట్టుకుంది. గత పది నెలలుగా ఆర్ఆర్ఆర్ ప్రమోషనే ప్రపంచంగా గ్లోబల్ ఆడియన్స్ ని దాన్ని చేరువ చేయడంలో రాజమౌళి పడిన కష్టానికి తగ్గ ఫలితం ఇప్పుడు కనిపిస్తోంది. జపాన్ లాంటి దేశంలో ఏకంగా వంద రోజులకు పరుగులు పెడుతూ ఇప్పటికీ హౌస్ ఫుల్ పడటం దానికో ఉదాహరణ మాత్రమే. రాబోయే రోజుల్లో ఇంకెన్ని అద్భుతాలు వినాలో

This post was last modified on February 25, 2023 10:13 am

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

56 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

3 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

3 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

3 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

13 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago