ఒక పెద్ద సినిమా విడుదల తేదీని ప్రకటించినంత మాత్రాన ఖచ్చితంగా ఆ డేట్ కే కట్టుబడి ఉంటారన్న గ్యారెంటీ లేని పరిస్థితులు పరిశ్రమలో నెలకొన్నాయి. గత మూడు నాలుగేళ్లలో ఏ ఒక్క స్టార్ హీరో చిత్రం చెప్పిన టైంకి వచ్చిన దాఖలాలు లేవు.
తాజాగా త్రివిక్రమ్ శ్రీనివాస్ దర్శకత్వంలో రూపొందుతున్న మహేష్ బాబు 28 ఆగస్ట్ పదకొండున రిలీజ్ అవుతుందని బుట్టబొమ్మ ప్రమోషన్ ఇంటర్వ్యూలలో నిర్మాత నాగ వంశీ చెప్పిన సంగతి తెలిసిందే. ఫ్యాన్స్ దానికి బలంగా ఫిక్స్ అయిపోయారు. అయితే ఇన్ సైడ్ టాక్ ప్రకారం ఇది వాయిదా పడొచ్చని తెలిసింది.
చిరంజీవి భోళాశంకర్ ని ఏప్రిల్ రేస్ నుంచి తప్పించి దాని స్థానంలో అఖిల్ ఏజెంట్ ని తేవడం ఇటీవలే జరిగిన సరికొత్త డెవలప్ మెంట్. రెండింటి నిర్మాత ఒకరే కాబట్టి ఈ సౌలభ్యం కుదిరింది.
అయితే మెగా మూవీ ఎప్పుడనే ప్రశ్నకు సమాధానంగా ఆగస్ట్ 11 అనుకుంటున్నారట. అదేంటి అప్పుడు మహేష్ ఆల్రెడీ లాక్ చేసుకున్నాడుగా అంటే అప్పటికి షూటింగ్ అవ్వదనే మాట వినిపిస్తోంది. కేవలం అయిదు నెలల్లో పోస్ట్ ప్రొడక్షన్ తో సహా మొత్తం పూర్తి చేయాలంటే హడావిడిగా పరుగులు పెట్టాల్సి ఉంటుంది. ఇది త్రివిక్రమ్ స్టైల్ కి విరుద్ధం.
అందుకే దాని బదులు అక్టోబర్ లో దసరా పండగను టార్గెట్ గా పెట్టుకుందామని సితార టీమ్ ప్రాధమికంగా ఫిక్స్ అయినట్టు తెలిసింది. అఫీషియల్ గా ఇంకా ఏదీ ఖరారు కాలేదు. ఇదంతా తెలిసే భోళా శంకర్ కి ఆ డేట్ కి వదిలే ప్రతిపాదనతో ఫ్రెష్ గా ముందుకొచ్చింది.
ఇండిపెండెన్స్ డేతో కలిపి పెద్ద వీకెండ్ ఆ వారంలో వచ్చే సినిమాలకు కలిసి వస్తుంది. అందుకే మహేష్ 28కి దాన్ని అందుకున్నారు. ప్రస్తుతం టర్కీలో ఉన్న మహేష్ తిరిగి రాగానే కొత్త షెడ్యూల్ మొదలవుతుంది. ఎప్పటికప్పుడు బ్రేకులు పడుతూ వచ్చిన ఈ ఫ్యామిలీ కం యాక్షన్ ఎంటర్ టైనర్ ఎప్పుడు వచ్చినా రికార్డుల ఊచకోత ఖాయమని ఫ్యాన్స్ ఎదురుచూస్తున్నారు
This post was last modified on February 20, 2023 6:05 am
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…