Movie News

షారుఖ్ నుంచి ముందుంది అస‌లు మోత‌

బాలీవుడ్ సూప‌ర్ స్టార్ షారుఖ్ ఖాన్ క‌మ్ బ్యాక్ మామూలుగా లేదు. ఒక మోస్త‌రు హిట్టు కోసం ద‌శాబ్దంన్న‌ర పాటు ఎదురు చూసిన అత‌ను.. ప‌ఠాన్ సినిమాతో సెన్సేష‌న‌ల్ క‌మ్ బ్యాక్ ఇచ్చాడు. ఈ చిత్రం వ‌ర‌ల్డ్ వైడ్ రూ.1000 కోట్ల క‌లెక్ష‌న్ల మార్కు దిశ‌గా దూసుకెళ్తోంది.

దీంతో షారుఖ్ క‌రువంతా తీరిపోయిన‌ట్లే. షారుఖ్ స‌క్సెస్ బాలీవుడ్‌కు కూడా గొప్ప ఉత్సాహాన్నిచ్చింది. మ‌ళ్లీ ఓ హిందీ సినిమా చూసేందుకు ఈ స్థాయిలో ప్రేక్ష‌కులు థియేట‌ర్ల‌కు రావ‌డంతో త‌మ క‌ష్టాలు తొల‌గిపోయిన‌ట్లే అని భావిస్తున్నారు. ఇక షారుఖ్ త‌ర్వాతి సినిమాల లైన‌ప్ చూస్తుంటే ఆయ‌న అభిమానుల ఉత్సాహం మామూలుగా లేదు. ఇంకో రెండేళ్ల‌లో షారుఖ్ ఎవ్వ‌రూ అందుకోలేని స్థాయికి వెళ్లిపోతాడ‌ని వాళ్లు అంచ‌నాలు క‌డుతున్నారు.

ఈ ఏడాది ఇంకో ఆరు నెల‌ల‌కే జ‌వాన్ సినిమాతో ప్రేక్ష‌కుల ముందుకు రాబోతున్నాడు షారుఖ్. ఆ సినిమా తీస్తున్న‌ది త‌మిళ ద‌ర్శ‌కుడు అట్లీ. అత‌ను క‌మ‌ర్షియ‌ల్ సినిమాలు తీయ‌డంలో దిట్ట‌. స్టార్ హీరోల‌ను వారి అభిమానులే కాక మాస్ మెచ్చేలా ప్రెజెంట్ చేస్తాడ‌ని అత‌డికి పేరుంది.

ప‌ఠాన్‌ను మించిన ఎలివేష‌న్లు, యాక్ష‌న్ ఆ సినిమాలో ఉంటాయ‌ని భావిస్తున్నారు. ఇప్పుడు హిందీ ప్రేక్ష‌కులు ఆశిస్తున్న‌ది ఇలాంటి సినిమాలే. అట్లీ మినిమం గ్యారెంటీ సినిమా అందిస్తాడ‌ని అంచ‌నా. దీని త‌ర్వాత షారుఖ్ నుంచి రానున్న‌ది రాజ్ కుమార్ హిరానితో చేస్తున్న డంకి.

మున్నాభాయ్ ఎంబీబీఎస్ మొద‌లుకుని సంజు వ‌ర‌కు హిరాని అన్నీ బ్లాక్‌బ‌స్ట‌ర్లే ఇచ్చాడు. టాప్ స్టార్‌తో ఆయ‌న జ‌త క‌డితే బాక్సాఫీస్ రికార్డులు బ‌ద్ద‌లు కావాల్సిందే. ప‌ఠాన్, జ‌వాన్ ప‌క్కా మాస్ సినిమాలు కాగా.. డంకి కంటెంట్ రిచ్ సినిమాగా ఉంటుంద‌న్న‌ది స్ప‌ష్టం.

షారుఖ్ ఫాం అందుకుని మంచి కంటెంట్ హిరాని మార్కు సినిమా చేస్తే దానికి ఆకాశ‌మే హ‌ద్దు అవుతుంది. అప్పుడు మ‌రోసారి బాక్సాఫీస్ రికార్డులు తిర‌గ‌రాయ‌డం ఖాయం.

This post was last modified on February 7, 2023 11:37 am

Share

Recent Posts

ఐపీఎల్‌తో ధోని మొత్తం ఆదాయం ఎంత?

ఐపీఎల్‌లో ఆటగాడిగా మహేంద్ర సింగ్ ధోనీ సంపాదన రూ.200 కోట్ల మార్కును దాటింది. 2008లో రూ.6 కోట్లతో మొదలైన అతడి…

22 minutes ago

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

3 hours ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

3 hours ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

3 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

4 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

4 hours ago