పాత సినిమాల రీ రిలీజుల ప్రహసనం కొనసాగుతోంది. సంక్రాంతి టైంలో వీటి హడావిడి తగ్గింది కానీ మళ్ళీ ఇప్పుడు రీ స్టార్ట్ చేశారు. అయితే ఈసారి పూర్తి వెనక్కు వెళ్ళిపోయి 1991 మెగాస్టార్ బ్లాక్ బస్టర్ గ్యాంగ్ లీడర్ ని థియేటర్లలో తీసుకొస్తున్నారు. అయితే ఇంత పాత సినిమా అది కూడా యూట్యూబ్ వందల ఛానల్స్ లో అందుబాటులో ఉన్న దాన్ని విడుదల చేస్తే జనం చూస్తారా అనేది అనుమానంగానే ఉంది. ఇది వాల్తేరు వీరయ్య బ్లాక్ బస్టర్ సక్సెస్ ని క్యాష్ చేసుకోవడానికే తప్పించి మరో కారణం లేదంటున్నాయి ట్రేడ్ వర్గాలు. పైగా ఇప్పటి టికెట్ రేట్లతో వర్కౌట్ అవుతుందానేది డౌట్.
ఇదంతా పక్కనపెడితే గ్యాంగ్ లీడర్ చిరంజీవి కెరీర్ టాప్ ఫైవ్ మూవీస్ లో ఈజీగా చోటు దక్కించుకునే ఎవర్ గ్రీన్ క్లాసిక్. ఒక మిడిల్ క్లాస్ ఫ్యామిలీ కథలో కమర్షియల్ అంశాలను అద్భుతంగా జోడించి దర్శకులు విజయ్ బాపినీడు దీన్ని తీర్చిదిద్దిన తీరు బాక్సాఫీస్ వద్ద కనక వర్షం కురిపించింది. బప్పీలహరి స్వరపరిచిన పాటలు అప్పట్లో లహరి ఆడియో క్యాసెట్ కంపెనీకి లక్షల రూపాయల లాభం ఆర్జించి పెట్టింది. చిరు విజయశాంతిల హుషారైన జంట, కిక్కిచ్చే డాన్సులు, విజిల్స్ వేయించే ఫైట్లు వెరసి గ్యాంగ్ లీడర్ ఒక కంప్లీట్ మాస్ ప్యాకేజ్ అన్న మాట నిజమే.
కానీ ఇప్పటి యూత్ దీనికి ఎంత మేరకు కనెక్ట్ అవతారనేది చెప్పలేం. పైగా టీవీలో ఆన్ లైన్లో బోలెడు సార్లు చూశాక మళ్ళీ బిగ్ స్క్రీన్ మీద ఎంజాయ్ చేసేందుకు వస్తారానేది వేయి డాలర్ల ప్రశ్న. ఆ మధ్య ఘరానా మొగుడుని ఇలాగే విడుదల చేస్తే ప్రింట్ నాణ్యత లేక ఫ్యాన్స్ అసంతృప్తి వ్యక్తం చేశారు. 4కె జమానాలో నాసిరకం క్వాలిటీ ఉంటే పబ్లిక్ ఒప్పుకోవడం లేదు. అందుకే గ్యాంగ్ లీడర్ కి క్వాలిటీ చాలా ముఖ్యం. ఫిబ్రవరి 11న రాబోతున్న గ్యాంగ్ లీడర్ కు ఒక్క రోజు ముందు కళ్యాణ్ రామ్ అమిగోస్ రిలీజ్ కానుంది. దాని తాకిడిని తట్టుకుని చిరు ఎలాంటి పోటీ ఇస్తారో చూడాలి.
This post was last modified on February 5, 2023 7:33 pm
సౌత్ ఇండియన్ ఫిలిం ఇండస్ట్రీలో చేసిన రెండు సినిమాలతోనే చాలా ప్రామిసింగ్గా అనిపించిన వారసుల్లో ధ్రువ్ విక్రమ్ ఒకడు. అర్జున్…
సుకుమార్ లాంటి స్టార్ డైరెక్టర్ తీసే సినిమాలో.. ఓ పెద్ద హీరో నటించినపుడు చిన్న సన్నివేశమైనా సరే సుక్కునే తీయాల్సి…
ఆంధ్రప్రదేశ్ మంత్రి రోజా చాలా ఏళ్ల పాటు జడ్జిగా వ్యవహరించిన జబర్దస్త్ షోలో స్కిట్లు చేసే కమెడియన్లతో ఆమెకు మంచి…
టీడీపీ అధినేత చంద్రబాబుకు.. బిగ్ బ్రేక్ వచ్చింది. ఇప్పటి వరకు కేంద్రంలోని పెద్దలు ఎవరూ.. ముఖ్యంగా బీజేపీ అగ్రనాయకులుగా ఉన్నవారు…
ఏపీలో సంచలనం చోటు చేసుకుంది. ఎన్నికల వేళ అధికార పార్టీకి అనుకూలంగా వ్యవహరిస్తున్నారన్న ఆరోపణల నేపథ్యంలో ఇప్పటికే చాలా మంది…
ఏపీలో ఎన్నికలకు మరో వారం రోజులు మాత్రమే గడువు ఉంది. ఈ నెల 13న అంటే వచ్చే సోమవారం.. ఎన్నికల…