Movie News

జపాన్ లో RRR వంద రోజులు – వాటే రికార్డ్

అసలు భారతదేశంలోనే ఒక సినిమా శతదినోత్సవం జరుపుకోవడం చూసి ఎంత కాలమయ్యిందో చెప్పమంటే ఠక్కున చెప్పడం కష్టం. లాంగ్ రన్ లు మాయమైపోయి మహా అయితే మూడు నాలుగు వారాలు బలంగా నిలబడితే చాలు బ్లాక్ బస్టరనే పరిస్థితికి ఎప్పుడో వచ్చేశాం.

అడవి రాముడు ఏడాది ఆడటం, పసివాడి ప్రాణం అయిదు ఆటలతో నూర్రోజుల వేడుక చేసుకోవడం, సమరసింహారెడ్డి రూపాయికి అయిదు రూపాయలు లాభం ఇవ్వడం ఇవన్నీ చరిత్రలో మిగిలిపోయిన గొప్ప అద్భుతాలు. ఇప్పుడు ట్రెండ్ కు తగ్గట్టు జనాల మైండ్ సెట్ కూడా మారిపోయి కేవలం కలెక్షన్లను మాత్రమే సక్సెస్ కి కొలమానంగా చూస్తున్నారు

అలాంటిది జపాన్ లో ఒక తెలుగు సినిమా అది డబ్బింగ్ వెర్షన్ అయినా సరే హండ్రెడ్ డేస్ పోస్టర్ వేసుకోవడమంటే చిన్న విషయం కాదు. డైరెక్ట్ గా 42 కేంద్రాల్లో, షిఫ్టింగ్ తో కలిపి 114 సెంటర్లలో ఈ సంబరం జరుపుకోనుంది. ఈ మేరకు రాజమౌళి తన అఫీషియల్ ట్విట్టర్ హ్యాండిల్ ద్వారానే ఈ స్వీట్ షాకింగ్ న్యూస్ ని పంచుకున్నారు.

కలెక్షన్ల పరంగా ఆల్రెడీ నెంబర్ వన్ గా ఉన్న ముత్తుని పక్కకు తోసేసిన ఆర్ఆర్ఆర్ జపాన్ లో ఇప్పటిదాకా ఏ ఇండియన్ మూవీకి సాధ్యం కానీ అరుదైన ఘనతను సొంతం చేసుకుంది. ఇటీవలే డాల్బీ విజన్ ప్రింట్ ని అప్ డేట్ చేస్తే దానికీ హౌస్ ఫుల్స్ పడ్డాయి.

గోల్డెన్ గ్లొబ్ సాధించడం, ఆస్కార్ నామినేషన్లలో నాటు నాటుకి చోటు దక్కడం, అకాడెమి ఈవెంట్ జరిగే మార్చి దగ్గరకొచ్చే కొద్దీ అంతర్జాతీయ ఫిలిం మేకర్స్ మద్దతు ట్రిపులార్ కి దక్కడం వగైరా పరిణామాలు జక్కన్న వైపు సానుకూల గాలులు వీచేలా చేస్తున్నాయి.

దానికి తోడు ఇప్పుడీ జపాన్ రన్ ఇంటర్నేషనల్ మీడియాని సైతం ఆశ్చర్యానికి గురి చేస్తోంది. పనిగట్టుకుని ప్రమోషన్ కోసం రామ్ చరణ్ జూనియర్ ఎన్టీఆర్ లు అంత దూరం ఎందుకు వెళ్లారో ఇప్పుడు ఫలితం చూశాక అర్థమవుతోంది. తెలుగు సినిమా గర్వాన్ని అందనంత ఎత్తులో నిలబెట్టిన ఆర్ఆర్ఆర్ ఇంకా చైనాకు వెళ్ళలేదు. అక్కడేం సెన్సేషన్ చేస్తుందో

This post was last modified on January 28, 2023 3:16 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

4 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

5 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

6 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

6 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

7 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

7 hours ago