ప్రేమకు పెళ్లికి వయసుతో సంబంధం లేదన్న మాట వాస్తవం. ఇది చరిత్ర ఎన్నోసార్లు ఋజువు చేసింది. ఎవరి మీద ఎప్పుడు ఎవరికి మనసు మళ్లుతుందో చెప్పడం కష్టం. అందుకే తెరమీద ప్రేమకథలు అంతగొప్ప ఆదరణ పొందుతాయి. ఏఎన్ఆర్ మూగమనసులతో మొదలుపెట్టి నాగచైతన్య ఏ మాయ చేశావే దాకా ప్రతి క్లాసిక్ వెనుక ఎన్నో మధురమైన జ్ఞాపకాలుంటాయి. దానికి ప్రముఖ నిర్మాత దిల్ రాజు సైతం మినహాయింపు కాదు. యాభై పడికి దగ్గరగా ఉన్న టైంలో రెండో వివాహం చేసుకోవడం ఇండస్ట్రీలోనే కాదు సోషల్ మీడియా సగటు జనాల్లో కూడా మంచి ఆసక్తి రేపడం ఎవరూ మర్చిపోలేదు.
పెళ్లి ఫోటోలు గట్రా చూడటం తప్ప అంతకు మించి కథా కమామీషు ఏమి తెలియదు. ఫైనల్ గా దిల్ రాజు సతీమణి వైఘా రెడ్డినే క్లారిటీ ఇచ్చారు. ఓ ఇంటర్వ్యూలో మాట్లాడుతూ తమ ప్రేమ ఎక్కడ మొదలైందో చెప్పేశారు. ఆమె ఎయిర్ హోస్టెస్ గా పని చేస్తున్నప్పుడు ఓసారి రాజుగారు పెన్ను కావాలని అడగటంతో పరిచయం షురూ అయ్యింది. అక్కడి నుంచి మెల్లగా మాటలు కలపడం ఫోన్ నెంబర్లు తీసుకోవడం జరిగిపోయాయి. రెండో వివాహం గురించి సీరియస్ గా ఆలోచిస్తున్న టైంలో తేజస్విని(వైఘా మొదటి పేరు) గురించి కూలంకషంగా విశ్లేషించుకున్నాకే ఓకే చెప్పారట.
మరో ట్విస్టు ఏంటంటే వైఘా రెడ్డికి వివాహానికి ముందు సినిమాల మీద పెద్దగా ఇష్టం లేదు. లవ్ మొదలయ్యాకే గూగుల్ చూసి దిల్ రాజు దర్శకుడు కాదు నిర్మాతని తెలిసిందట. ఈ తెలియనితనమే ఆమెలో దిల్ రాజుని ఆకట్టుకున్న మరో అంశం. ఎట్టకేలకు పెద్దలను ఒప్పించిన ఈ జంట నిజ జీవితంలో ఒక వారసుడుకి తల్లితండ్రులు కావడం మరో మధుర ఘట్టం. స్క్రీన్ మీద నడిచే సింపుల్ లవ్ స్టోరీకి ఏ మాత్రం తీసిపోని రీతిలో ఉన్న రాజుగారి ప్రేమకథ తెరమీదకొచ్చినా బాగుంటుంది. అప్పట్లో మా నాన్నకు పెళ్లి, స్వాతి టైపు సినిమాలు ఈ కాన్సెప్ట్ తో రూపొందినవే. హిట్టయ్యాయి కూడా
This post was last modified on January 17, 2023 9:05 am
చిన్నారి పెళ్ళికూతురు సీరియల్తో చిన్న వయసులోనే దేశవ్యాప్తంగా భారీగా అభిమాన గణాన్ని సంపాదించుకున్న అమ్మాయి అవికా గోర్. ఆ గుర్తింపుతోనే…
నందమూరి అభిమానులు ఎన్నో ఏళ్ల నుంచి ఎదురు చూస్తున్న ప్రకటన రానే వచ్చింది. నందమూరి బాలకృష్ణ ముద్దుల తనయుడు మోక్షజ్ఞ…
టీడీపీ నాయకుడు, ఎమ్మెల్యే ఆదిమూలంపై వచ్చిన ఆరోపణలతో రాజకీయంగా వైసీపీ పుంజుకునే అవకాశం వచ్చిందనే చర్చ జరిగింది. నిన్న మొన్నటి…
బెంగళూరులో స్థానికేతరుల ఆధిపత్యం గురించి లోకల్స్ గొడవ చేయడం ఎప్పట్నుంచో ఉన్న సమస్య. ఈ మధ్య ఈ గొడవ మరింత…
వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ…
ఏపీ మాజీ సీఎం, వైసీపీ అధినేత జగన్ చాలా చాలా వెనుకబడి పోయారు. 11 మంది ఎమ్మెల్యేలు, 13 మం…