నిర్మాతల పై బన్నీ ఫ్యాన్స్ ఒత్తిడి 

సంక్రాంతి బడా సినిమాలతో సందడి మొదలైపోయింది. కానీ బన్నీ ఫ్యాన్స్ కి మాత్రం హ్యాపీ నెస్ లేదు. పుష్ప 2 అప్ డేట్ కోసం ఎప్పటి నుండో ఎదురుచూస్తున్న అల్లు అర్జున్ ఫ్యాన్స్ కి ఎలాంటి న్యూస్ అందడం లేదు.ఇప్పటికే అప్ డేట్ ప్లీజ్ అంటూ ఫస్ట్ టైమ్ ఫ్యాన్స్ రోడ్డెక్కారు. అయినా టీం వారిని పట్టించుకోవడం లేదు. పుష్ప 2 షూటింగ్ జరుగుతుందో లేదో కూడా ఫ్యాన్స్ కి తెలియని పరిస్థితి. 

ఇక అవతార్ 2 సినిమాతో పాటు పుష్ప 2 టీజర్ వస్తుందని ఆశించిన బన్నీ ఫ్యాన్స్ కి నిరాశే మిగిలింది. లాస్ట్ మినట్ లో గ్లిమ్స్ లోని బన్నీ డైలాగ్ లీక్ అవ్వడం, వర్క్ ఇంకా కంప్లీట్ అవ్వకపోవడంతో అనుకున్న టైమ్ కి యూనిట్ పుష్ప 2 గ్లిమ్స్ రిలీజ్ చేయలేకపోయారు. సంక్రాంతికి పుష్ప 2 నుండి అప్ డేట్ ఉందనే టాక్ విన్పిస్తుండటంతో ఫ్యాన్స్ మళ్ళీ ఆశలు పెట్టుకుంటున్నారు. 

సంక్రాంతికి పుష్ప 2 గ్లిమ్స్ వచ్చే అవకాశం ఉందా ? లేదా అనేది కూడా మేకర్స్ నుండి లీక్ రావడం లేదు. దీంతో అల్లు అర్జున్ ఆర్మీ అని పిలుచుకునే ఫ్యాన్స్ అంతా అప్ డేట్ లేదా పుష్ప అంటూ మైత్రి నిర్మాతలపై ఒత్తిడి తెస్తున్నారు.

ప్రస్తుతం సంక్రాంతి రిలీజ్ లు , డిస్ట్రిబ్యూషన్ , ప్రమోషన్స్ తో ఊపిరి ఆడనంత బిజీగా ఉన్న మైత్రి నిర్మాతలు పుష్ప అప్ డేట్ ఇచ్చే అవకాశం అయితే లేదు. మరి ప్రచారంలో ఉన్నట్టు సంక్రాంతికి టీజర్ ఉంటుందా ? లేదా చూడాలి.