పది రోజుల క్రితం హఠాత్తుగా ఊడిపడినట్టు ఇచ్చిన ఖుషి రీ రిలీజ్ ప్రకటన అంచనాలకు మించి రచ్చే చేసేలా ఉంది. ఆన్ లైన్ లో అడ్వాన్స్ బుకింగ్స్ తాలూకు టికెట్లు హాట్ కేకుల్లా అమ్ముడుపోవడమే దానికి నిదర్శనం. నిజానికి ఈ ట్రెండ్ బాగా డౌన్ అయ్యిందని ఇటీవలే వచ్చిన కొన్ని పాత సినిమాలు భయపెట్టాయి. వర్షం, బాద్షా, మాయాబజార్,ప్రేమదేశం తదితరాలకు పెద్ద స్పందన రాలేదు. చాలా చోట్ల కనీసం థియేటర్ రెంట్లు కిట్టుబాటు కాక రద్దయిన షోలు ఉన్నాయి. సహజంగానే రెండు నెలల క్రితం తమ్ముడు, జల్సాలను చూసిన ఫ్యాన్స్ Kushiని ఏ మాత్రం చూస్తారోననే సందేహం వచ్చింది.
కానీ వాటిని పటాపంచలు చేస్తూ ఖుషి టికెట్లు వేగంగా అమ్ముడుపోతున్నాయి. హైదరాబాద్, విజయవాడ లాంటి ప్రధాన నగరాల్లో ఏడెనిమిది షోలు వేసినా ఈజీగా హౌస్ ఫుల్ అయ్యే సూచనలు కనిపిస్తున్నాయి. ఇయర్ ఎండింగ్ ని పవర్ స్టార్ బ్లాక్ బస్టర్ తో సెలెబ్రేట్ చేసుకోవాలని అభిమానులు గట్టిగా ఫిక్స్ కావడంతో ఈ రెస్పాన్స్ కనిపిస్తోంది. ఓటిటిలోనే కాదు ఖుషి యూట్యూబ్ లోనే ఫ్రీగా అందుబాటులో ఉంది. అలాంటిది ఈ స్థాయిలో చూడాలనుకోవడం ఆశ్చర్యమే. అయితే ఓవర్సీస్ లో మాత్రం సింగల్ థియేటర్లు తప్ప కార్పొరేట్ చైన్లు దీని మీద అంతగా ఆసక్తి చూపించడం లేదని సమాచారం.
కొన్ని చోట్ల Pawan ఫ్యాన్స్ అల్లరికి ఎగ్జిబిటర్లు జంకుతుండగా అభిమాన సంఘాలు హామీగా ఉండి షోలు వేయిస్తున్నాయి. మొత్తానికి తక్కువ టైంలో అయినా నిర్మాత ఏఎం రత్నంకు మంచి ఫలితమే వచ్చేలా ఉంది. ఇరవై ఏళ్ళ క్రితం బాక్సాఫీస్ రికార్డులకు కేరాఫ్ అడ్రెస్ గా నిలిచిన ఖుషి నిజంగా స్క్రీన్ మీద చూడాల్సిన లవ్ అండ్ మ్యూజికల్ ఎంటర్ టైనర్, పవన్ భూమికల నటన, మణిశర్మ పాటలు ప్లస్ బీజీఎమ్, కామెడీ, యాక్షన్ దేనికవే సినిమా ప్రేమికులను ఉర్రూతలూపాయి. మరి ఇంత గ్యాప్ తర్వాత వస్తున్న సిద్దు సిద్దార్థ్ రాయ్ సంవత్సరం చివర్లో ఎంత రచ్చ చేస్తాడో.
This post was last modified on December 28, 2022 1:43 pm
తమిళంలో సూపర్ స్టార్ రజినీకాంత్ ఎన్నో ఏళ్ల పాటు నంబర్ వన్ హీరోగా కొనసాగారు. రజినీ ఉండగా ఆయన్ని మించే స్టార్ రాబోడని అంతా…
చిరంజీవి పుట్టినరోజు ఇంకో ఆరు రోజుల్లో రానుంది. రెండు కీలక అప్డేట్స్ కోసం అభిమానులు ఎదురు చూస్తున్నారు. మెగా 158…
ఇంకో పది రోజుల్లో టాక్సిక్ విడుదల కానుంది. కెజిఎఫ్ తర్వాత సుమారు నాలుగేళ్ల విలువైన కాలాన్ని దీని కోసమే ఖర్చు…
ఏపీలో వచ్చే సెప్టెంబరులో నిర్వహించాలని భావిస్తున్న స్థానిక సంస్థల ఎన్నికలను బ్యాలెట్ విధానంలోనే నిర్వహించాలని రాష్ట్ర ఎన్నికల సంఘం నిర్ణయించింది. దీంతో…
తెలంగాణాలో స్థానిక ఎన్నికలు దగ్గర పడుతున్న కొద్ది అధికార, ప్రతిపక్ష పార్టీల మధ్య విమర్శలు జోరందుకుంటున్నాయి. దీంతో రాజకీయ వేడి రాజుకుంటుంది.…
విజయనగరం జిల్లాలోని భోగాపురంలో అధునాతన వసతులతో నిర్మించిన అల్లూరి సీతారామరాజు అంతర్జాతీయ గ్రీన్ ఫీల్డ్ విమానాశ్రయం కార్యకలాపాలు ఆదివారం అర్ధరాత్రి…