చాలా తక్కువ టైంలో యూత్లో మంచి ఫాలోయింగ్, స్టార్ ఇమేజ్ సంపాదించి సంచలనం రేపాడు విజయ్ దేవరకొండ. ఐతే వచ్చిన సక్సెస్ను నిలబెట్టుకోవడంలో అతను కొంచెం తడబడుతున్న సంగతి తెలిసిందే.
డియర్ కామ్రేడ్, వరల్డ్ ఫేమస్ లవర్, లైగర్.. ఇలా వరుసగా మూడు డిజాస్టర్లు అతడి ఖాతాలో పడ్డాయి. అంతకుముందు రెండు సినిమాల సంగతేమో కానీ.. లైగర్ రిజల్ట్ మాత్రం విజయ్ కాన్ఫిడెన్స్ను బాగానే దెబ్బ తీసినట్లు కనిపిస్తోంది. దాన్నుంచి వెంటనే బయటికి వద్దామన్నా కుదరడం లేదు.
సమంతతో చేస్తున్న ఖుషి మూవీ ఆమె అనారోగ్యం కారణంగా తాత్కాలికంగా ఆగిన సంగతి తెలిసిందే. వేరే సినిమాను మొదలుపెడదామని విజయ్ చేస్తున్న ప్రయత్నాలు ఒక కొలిక్కి రావడానికి టైం పట్టింది. జెర్సీ దర్శకుడు గౌతమ్ తిన్ననూరితో కథా చర్చలు జరిపిన విజయ్ అతడితో సినిమాను ముందుకు తీసుకెళ్లడానికి సిద్ధమయ్యాడు.
ఐతే ఈ సినిమాకు నిర్మాతను సెట్ చేసుకోవడంలో కొంచెం టైం పట్టినట్లు కనిపిస్తోంది. ఐతే అగ్ర నిర్మాత దిల్ రాజు ఈ ప్రాజెక్టులోకి రావడంతో టెన్షన్ లేకపోయింది. ఆయన స్క్రిప్టు విషయంలో కొన్ని అభ్యంతరాలు చెప్పడం.. ఆ మేరకు మార్పులు చేర్పులు చేయడం.. అంతా ఓకే అనుకుని షూటింగ్కు గ్రీన్ సిగ్నల్ ఇవ్వడం అన్నీ జరిగిపోయినట్లు సమాచారం. రాజు పచ్చ జెండా ఊపడంతో మరి కొన్ని రోజుల్లోనే ఈ సినిమాను సెట్స్ మీదికి తీసుకెళ్లబోతున్నారట.
విజయ్ మంచి ఫాంలో ఉండగా అతడితో సినిమా చేయడానికి రాజు గట్టిగా ప్రయత్నించాడు. కానీ కుదర్లేదు. కానీ ఇప్పుడు విజయ్ వరుస ఫెయిల్యూర్లతో ఇబ్బంది పడుతున్న టైంలో అతను రాజుకు దొరికాడు. రామ్ చరణ్తో ఒక సినిమా ఓకే అయినట్లే అయి క్యాన్సిల్ కావడంతో గౌతమ్కు విజయ్తో హిట్టు కొట్టి తనేంటో రుజువు చేసుకోవడం చాలా అవసరం.
This post was last modified on December 15, 2022 7:21 am
గత ఏడాది కుంభమేళా సందర్భంగా కెమెరాల కళ్లలో పడి విపరీతమైన పాపులారిటీ సంపాదించిన అమ్మాయి.. మోనాలిసా. మధ్యప్రదేశ్లోని ఇండోర్కు చెందిన…
ఇరాన్తో యుద్ధం విషయంలో అమెరికా అధ్యక్షుడు డొనాల్డ్ ట్రంప్ రాంగ్ స్టెప్ వేశారా? నాణేనికి ఒక వైపే చూశారా? అంటే..…
ప్రభాస్ కెరీర్లో ‘బాహుబలి-2’ తర్వాత అత్యధిక వసూళ్లు సాధించిన చిత్రంగా నిలిచిన ‘కల్కి’ మెజారిటీ ప్రేక్షకులను ఆకట్టుకుంది. కేవలం రెండు…
దేశంలో గతంలో ఎన్నడూ లేని విధంగా పలు కీలక అంశాలు చోటు చేసుకుంటున్నాయి. ఏకంగా ప్రధాని పైనే గత ఐదేళ్లలో…
ఏపీలో కడుపేదల కోసం పీ 4 ఫార్ములాను రూపొందించి దానిని అమలు చేస్తున్న ముఖ్యమంత్రి చంద్రబాబు నాయుడు ఇప్పుడు కలెక్టర్ల…
మార్చి 15 నుంచి థియేటర్లలో ప్రదర్శించే సినిమాలకు సబ్ టైటిల్స్, క్లోజ్డ్ క్యాప్షన్స్ తప్పనిసరి చేయనుండటం మూవీ లవర్స్ లో…