తెలుగు అమ్మాయి అయిన అంజలి.. తమిళంలో ఒక టైంలో మంచి రేంజికే వెళ్లింది. నటనకు ప్రాధాన్యం ఉన్న పాత్రలతో మంచి గుర్తింపు సంపాదించుకుని మిడ్ రేంజ్ సినిమాల్లో వరుసగా అవకాశాలు అందుకుంది. రచ్చ గెలిచాక ఇంటికి వచ్చి ఇక్కడా ‘సీతమ్మ వాకిట్లో సిరిమల్లె చెట్టు’, ‘గీతాంజలి’ లాంటి చిత్రాలతో సత్తా చాటింది.
ఐతే తనతో కలిసి ‘జర్నీ’తో పాటు ‘బెలూన్’ సినిమాలో జంటగా నటించిన జైతో కలిసి ఆమె ఒక టైంలో సహజీవనం చేసిన సంగతి అందరికీ తెలిసిందే. అప్పుడు తమ బంధాన్ని వాళ్లు దాచుకోవాలని కూడా ప్రయత్నించలేదు. జ్యోతిక నటించిన ఒక సినిమా ప్రమోషన్లో భాగంగా భార్య పక్కనుండగా దోసె వేయమంటూ సూర్య ఒక ఛాలెంజ్ ఏదో విసిరితే.. అంజలి పక్కనుండగా జై ఈ ఛాలెంజ్ను ట్రై చేయడం గమనార్హం. అప్పుడే వారి మధ్య బంధం బహిర్గతం అయింది. కానీ తర్వాత ఏమైందో ఏమో.. వీళ్లిద్దరూ విడిపోయారు. పెళ్లి వైపు అడుగులు వేయలేదు.
కొన్నేళ్ల నుంచి అంజలి సింగిల్గానే ఉంటోంది. కానీ ఇటీవల ఆమె పెళ్లి గురించి సోషల్ మీడియాలో రకరకాల ప్రచారాలు జరుగుతున్నాయి. వాటి గురించి స్పందిస్తూ.. ఒకప్పటి తన రిలేషన్షిప్ గురించి కూడా కామెంట్ చేసింది అంజలి.
“కొన్నేళ్ల ముందు నేను ఒక విషపూరితమైన బంధం (టాక్సిక్ రిలేషన్షిప్)లో ఉన్నా. ఐతే ఇప్పుడు ఆ వ్యక్తి పేరు చెప్పాలనుకోవడం లేదు. ఆ రిలేషన్షిప్పై ఎన్నో ఆశలు పెట్టుకున్నా. కానీ అది నేను ఊహించుకున్నంత అందంగా లేదు. ఇండస్ట్రీలోని వ్యక్తితో నేను రిలేషన్లో ఉన్నట్లు ఎక్కడా చెప్పలేదు. ఇండస్ట్రీలో నాకెంతోమంది సన్నిహితులున్నారు. నేను ఎవరితో సన్నిహితంగా ఉంటానన్నది నా వ్యక్తిగత విషయం. ఇక నాకు అమెరికాకు చెందిన ఓ వ్యక్తితో పెళ్లయిపోయిందని ఈ మధ్య వార్తలు వచ్చాయి. వాటిలో ఎలాంటి నిజం లేదు. నన్ను అన్ని విధాలా గౌరవించే వ్యక్తి దొరికినపుడు కచ్చితంగా పెళ్లి చేసుకుంటా” అని అంజలి పేర్కొంది.
This post was last modified on December 13, 2022 11:24 am
ప్యాన్ ఇండియా సినిమాల వాయిదా పర్వం కొనసాగుతూనే ఉంది. జూన్ 13 విడుదలను లాక్ చేసుకుని ఆ మేరకు తమిళనాడు…
సీనియర్ జర్నలిస్ట్ రవిప్రకాష్ గురించి తెలుగు నాట తెలియనివారెవరు.? మీడియాకి సంబంధించి ‘సీఈవో’ అన్న పదానికి పెర్ఫెక్ట్ నిర్వచనంగా రవిప్రకాష్…
బుల్లితెర యాంకర్, బిగ్ బాస్ రియాల్టీ షో ఫేం శ్యామల, వైఎస్సార్ కాంగ్రెస్ పార్టీ తరఫున ఆంధ్ర ప్రదేశ్లో ఎన్నికల…
బీఆర్ఎస్ అధినేత, మాజీ ముఖ్యమంత్రి కేసీఆర్ ఏదో అనుకుంటే ఇంకేదో అయింది. జాతీయ రాజకీయాల్లో చక్రం తిప్పాలనే కలలు గన్న…
కాంగ్రెస్ పీసీసీ చీఫ్ షర్మిల సంచలన వ్యాఖ్యలు చేశారు. కొన్నాళ్లుగా వైసీపీ అధినేత, సొంత అన్నపై ఆమె తీవ్రస్థాయిలో యుద్ధం…
పెద్ద హీరోల పుట్టిన రోజులు, ఇంకేదైనా ప్రత్యేక సందర్భాలు వస్తే అభిమానులు వాళ్లు నటిస్తున్న కొత్త చిత్రాల నుంచి అప్డేట్స్…