‘హిట్-2’ థియేటర్లలోకి దిగేసింది. ‘హిట్-3’ విషయంలో సస్పెన్స్ కూడా వీడిపోయింది. కొన్ని రోజుల నుంచి ప్రచారం జరుగుతున్నట్లే ‘హిట్’ ఫ్రాంఛైజీ మూడో సినిమాలో నేచురల్ స్టార్ నానీనే హీరోగా నటించబోతున్నాడు. కొత్త దర్శకుడైన శైలేష్ కొలనును నమ్మి హిట్ ఫ్రాంఛైజీలో వరుసగా రెండు సినిమాలు నిర్మించిన నాని.. వాటితో కమర్షియల్గా మంచి ఫలితాన్నే అందుకున్నాడు. ‘హిట్’ డీసెంట్ హిట్ కాగా.. ‘హిట్-2’కు బంపర్ క్రేజ్ వచ్చింది.
పెట్టుబడి మీద రెట్టింపు ఆదాయం వచ్చేలా ఈ సినిమాకు మంచి బిజినెస్ జరిగింది. ఈ సినిమా మీద ఉన్న కాన్ఫిడెన్స్తో ‘హిట్-3’కి ఆల్రెడీ గ్రీన్ సిగ్నల్ ఇచ్చేశాడు నాని. ఐతే మీడియాలో ప్రచారం జరిగినట్లు నిజంగానే ‘హిట్-3’లో నాని హీరోగా నటిస్తాడా అని అందరూ ఉత్కంఠగా ఎదురు చూశారు. ‘హిట్-2’ చివర్లో ఆ సస్పెన్సుకు తెరదించేశారు. రూత్ లెస్ పోలీసాఫీసర్ పాత్రలో నాని సీన్లోకి ఎంట్రీ ఇవ్వడం.. అతను మామూలోడు కాదంటూ పక్కనున్న వాళ్లు బిల్డప్ ఇవ్వడం.. ‘హిట్: ది థర్డ్ కేస్’ అని టైటిల్ పడడం జరిగాయి.
నాని ఎంట్రీతో ‘హిట్-2’ థియేటర్లు హోరెత్తిపోతున్న మాట వాస్తవం. కాకపోతే ఎక్కువగా కెరీర్లో సాఫ్ట్ క్యారెక్టర్లే చేశాడు నాని. పోలీస్ పాత్రలో ఇప్పటిదాకా కనిపించింది లేదు. అలాంటోడు రూత్ లెస్ పోలీసాఫీసర్ పాత్రలో ఎలా మెప్పిస్తాడన్నది ఆసక్తికరం. ‘హిట్-2’కు టాక్ పాజిటివ్గానే ఉన్నప్పటికీ.. మరీ ట్రైలర్తో పెరిగిన అంచనాలను సినిమా అందుకోలేకపోయిందనే టాక్ కూడా వినిపిస్తోంది. అంతిమంగా ఈ చిత్రం ఓ మోస్తరు ఫలితంతో సరిపెట్టుకుంటుందా.. చిత్ర బృందం అంచనా వేస్తున్న స్థాయిలో పెద్ద హిట్ అవుతుందా అన్నది కూడా ఆసక్తికరం.
సినిమా రిజల్ట్ అయితే నెగెటివ్గా ఉండదు కాబట్టి ‘హిట్-3’ పట్టాలెక్కడం గ్యారెంటీ. కానీ ‘హిట్-2’ మీద కొన్ని నెగెటివ్ కామెంట్లు కూడా పడుతున్న నేపథ్యంలో ఆ సినిమా మరింత మెరుగ్గా ఉండేలా చూసుకోవాలి. ‘హిట్’ ఫ్రాంఛైజీ సినిమాలంటే ఒక ఫార్మాట్లో నడుస్తాయి అనే అభిప్రాయాన్ని కూడా ఆ చిత్రంతో బ్రేక్ చేయాల్సిందే. కాబట్టి నాని-శైలేష్ల ముందు పెద్ద టాస్క్ ఉందనడంలో సందేహం లేదు.
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…