ఒకప్పుడు కొత్త సినిమాలు వస్తే చాలు వీకెండ్ మాములు రోజులు అనే తేడా లేకుండా కనీసం వారంపాటు థియేటర్లు జనంతో కళకళలాడేవి. ఇప్పుడా ట్రెండ్ మారిపోయింది. పబ్లిక్ బాగా బిజీ అయిపోయారు. శని ఆదివారాలు తప్పించి మిగిలిన టైంలో అదే పనిగా హాలుకు వచ్చే సమయం ఉండటం లేదు. స్టార్ హీరోలకు ఇబ్బంది లేదు. ఎలాగోలా ఆడియన్స్ వస్తారు. ఎటొచ్చి మీడియం రేంజ్, బాలీవుడ్ హాలీవుడ్ మూవీస్ కి పెద్ద తంటా వచ్చి పడింది. ముఖ్యంగా మల్టీప్లెక్సులకు ఈ సమస్య తీవ్రం. ఉదయం పదకొండు నుంచి సాయంత్రం ఆరు దాకా కనీస టికెట్లు తెగక క్యాన్సిలవుతున్న షోలు బోలెడు
అందుకే సదరు కంపనీలు కొత్త ఎత్తుగడలతో మూవీ లవర్స్ ని రప్పించే ప్రయత్నం చేస్తున్నాయి. అందులో భాగంగా పివిఆర్ ఒక పధకాన్ని తీసుకొచ్చింది. పదిహేను వందలు ఒక్కసారి కడితే చాలు మూడు నెలల్లో ముప్పై సినిమాలు చూసేయొచ్చు. అంటే ఒక్క టికెట్ కేవలం 50 రూపాయలు పడుతుంది. ఎలా చూసుకున్నా ఇది డెడ్ చీప్ ఆఫర్. ఈ ధరలో రీ రిలీజులు కూడా రావడం లేదు. కాకపోతే నెలకు పది అంటే వారానికి కనీసం రెండు లేదా మూడు సినిమాలు చూడాల్సి ఉంటుంది. అది కూడా సోమవారం నుంచి శుక్రవారం మాత్రమేననే మెలిక పెట్టారు. ఊరట ఏంటంటే ఫ్రైడే రిలీజులను ఎంజాయ్ చేయొచ్చు.
ప్రస్తుతానికి తెలుగు రాష్ట్రాల్లో హైదరాబాద్ కు మాత్రమే పరిమితం చేశారు. మరికొన్ని నగరాలకు విస్తరించే ఆలోచన జరుగుతోంది. ఏదైతేనేం ఇదో మంచి ఎత్తుగడనే. సింగల్ స్క్రీన్లు సైతం ఇలాంటి ఆలోచనతో ముందుకెళ్తే తప్ప రాబోయే రోజుల్లో ఆక్యుపెన్సీలు కష్టంగా ఉండేలా కనిపిస్తున్నాయి. అసలే థియేటర్లకు పోటీగా ప్రతివారం ఓటిటిలలో కొత్త సినిమాలు, వెబ్ సిరీస్ లు, టాక్ షోలంటూ విపరీతమైన కంటెంట్ అందుబాటులోకి వస్తోంది. అలాంటాప్పుడు డబ్బు టైం ఖర్చు పెట్టుకుని కస్టమర్ రావాలంటే ఏదో ఒక మేజిక్ జరిగే తీరాలి. ఇదేదో రాబోయే రోజుల్లో మార్పుకు సూచనగా కనిపిస్తోంది
This post was last modified on December 2, 2022 10:34 am
గత ఏడాది కుంభమేళా సందర్భంగా కెమెరాల కళ్లలో పడి విపరీతమైన పాపులారిటీ సంపాదించిన అమ్మాయి.. మోనాలిసా. మధ్యప్రదేశ్లోని ఇండోర్కు చెందిన…
ఇరాన్తో యుద్ధం విషయంలో అమెరికా అధ్యక్షుడు డొనాల్డ్ ట్రంప్ రాంగ్ స్టెప్ వేశారా? నాణేనికి ఒక వైపే చూశారా? అంటే..…
ప్రభాస్ కెరీర్లో ‘బాహుబలి-2’ తర్వాత అత్యధిక వసూళ్లు సాధించిన చిత్రంగా నిలిచిన ‘కల్కి’ మెజారిటీ ప్రేక్షకులను ఆకట్టుకుంది. కేవలం రెండు…
దేశంలో గతంలో ఎన్నడూ లేని విధంగా పలు కీలక అంశాలు చోటు చేసుకుంటున్నాయి. ఏకంగా ప్రధాని పైనే గత ఐదేళ్లలో…
ఏపీలో కడుపేదల కోసం పీ 4 ఫార్ములాను రూపొందించి దానిని అమలు చేస్తున్న ముఖ్యమంత్రి చంద్రబాబు నాయుడు ఇప్పుడు కలెక్టర్ల…
మార్చి 15 నుంచి థియేటర్లలో ప్రదర్శించే సినిమాలకు సబ్ టైటిల్స్, క్లోజ్డ్ క్యాప్షన్స్ తప్పనిసరి చేయనుండటం మూవీ లవర్స్ లో…