Movie News

సుకుమార్ సాధించాడు.. మరి శిష్యుడు?

ఒక దర్శకుడు ఒక కథను ఒక హీరోతో తీద్దామనుకుని ప్రయత్నం చేసి.. ఏవో కారణాలతో అక్కడ దుకాణం సర్దుకుని వేరే హీరో దగ్గరికి వెళ్లిపోవడం.. అదే కథను ఆ హీరోతో తెరకెక్కించడం టాలీవుడ్లో కొత్త కాదు. టాలీవుడ్లో ఇలాంటి సినిమాల లిస్టు తీస్తే చాలా పెద్దదే అవుతుంది. ఈ మధ్య ఇలాంటి చేతులు మారిన సినిమాలు చాలానే కనిపిస్తున్నాయి.

గత కొన్నేళ్లలో జూనియర్ ఎన్టీఆర్‌తో సినిమా చేసేందుకు అంగీకారం కుదిరాక.. ఏవో కారణాలతో వాటిని పక్కన పెట్టి వేరే హీరోలతో జట్టు కట్టిన దర్శకులు ముగ్గురు ఉండడం విశేషం. తారక్‌తోనే తన డైరెక్టోరియల్ డెబ్యూ చేయడానికి గ్రీన్ సిగ్నల్ తెచ్చుకుని ఆ తర్వాత అతడి కాంపౌండ్ నుంచి బయటికి వచ్చి అదే కథతో అల్లు అర్జున్ హీరోగా ‘నా పేరు సూర్య’ చేశాడు వక్కంతం వంశీ.

కానీ ఆ సినిమా దారుణంగా బోల్తా కొట్టి తారక్ ఈ సినిమా చేయకపోవడం మంచిదే అనుకునేలా చేసింది. ఇక ‘ఆర్ఆర్ఆర్’ తర్వాత తారక్‌తో ఒక సినిమాకు అంగీకారం కుదిరి, కొన్ని నెలలు ట్రావెల్ చేశాక.. త్రివిక్రమ్ దాన్ని క్యాన్సిల్ చేసుకుని మహేష్ బాబుతో ఓ చిత్రాన్ని పట్టాలెక్కిస్తున్నాడు. ఐతే తారక్ కోసం అనుకున్న కథ వేరు. మహేష్‌తో చేయబోయేది వేరని సమాచారం. ఇక తారక్‌‌తో సినిమా క్యాన్సిల్ అయిన మరో దర్శకుడు బుచ్చిబాబు సానా.

అతను తారక్ కోసం సిద్ధం చేసిన కథనే రామ్ చరణ్‌తో తీయబోతున్నాడు. ఇంతకుముందు బుచ్చిబాబు గురువు సుకుమార్.. మహేష్ కోసం అనుకున్న కథనే మార్చి బన్నీతో ‘పుష్ప’ తీశాడు. బన్నీ వచ్చాక కథ, పాత్రల రూపు రేఖలు మారిపోయాయి కానీ.. నేపథ్యం అయితే అదే. ‘పుష్ఫ’ బ్లాక్‌బస్టర్ అయి మహేష్ రిగ్రెట్ కావాల్సిన పరిస్థితి కల్పించింది. ఇప్పుడిక బుచ్చిబాబు వంతొచ్చింది. చరణ్‌తో అతను తీయబోయే సినిమా ఎలాంటి ఫలితం అందుకుంటుందనే ఆసక్తి అందరిలోనూ ఉంది.

మంచి అండర్‌స్టాండింగ్‌తోనే తారక్‌కు బై చెప్పి చరణ్‌తో జట్టు కడుతున్నాడు బుచ్చిబాబు. మరి తన గురువు లాగే అతను కూా పెద్ద హిట్ కొట్టి తారక్ అండ్ ఫ్యాన్స్ ఆ సినిమా చేయనందుకు రిగ్రెట్ అయ్యేలా చేస్తాడేమో చూడాలి.

This post was last modified on November 29, 2022 6:26 pm

Share

Recent Posts

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

4 minutes ago

ధోనీ ఎందుకింత స్పెషల్?

ధోనీ బ్యాటింగ్‌కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…

4 minutes ago

ఈసీ vs యోగి… ఇది ఊహించలేదే..!

డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…

15 minutes ago

ధోనీ లేకుండా CSK… ఇప్పుడు మారాల్సింది ఏంటి?

ఐపీఎల్‌లో చెన్నై సూపర్ కింగ్స్‌కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…

25 minutes ago

అంతా ఎప్పటిలాగే ఉంటుందని చెప్పనన్న నాదెళ్ల

మైక్రోసాఫ్ట్‌ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…

53 minutes ago

మాట నిలబెట్టుకోవడానికి కింగ్ పరుగులు

లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…

1 hour ago