టాలీవుడ్లో వివాదాలకు పూర్తి దూరంగా ఉండే నటుడు శ్రీకాంత్. సినిమాల పరంగా అయినా, వ్యక్తిగత జీవితంలో అయినా ఆయన నెగెటివ్ న్యూస్లతో వార్తల్లో నిలిచిన దాఖలాలు దాదాపు కనిపించవు. ఐతే ఆయన తన భార్య ఊహతో పాతికేళ్ల వివాహ బంధానికి తెరదంచేస్తున్నారని.. కొంత కాలంగా విభేదాల నేపథ్యంలో ఈ జంట విడాకులకు సిద్ధం అవుతోందని వెబ్ మీడియాతో పాటు సోషల్ మీడియాలో ప్రచారం జరగడం చర్చనీయాంశంగా మారింది.
ఎంతో అన్యోన్యమైన జంటలా కనిపించే శ్రీకాంత్-ఊహ మధ్య విబేదాలేంటి.. పైగా పిల్లలు ఎదిగి వచ్చాక ఈ వయసులో విడాకులేంటి అని అంతా ఆశ్చర్యపోయారు. ఐతే నిప్పు లేకుండా పొగ రాదు కదా అన్నట్లుగా కొందరు ఈ విషయాన్ని నమ్మడం మొదలుపెట్టారు. కానీ ఈ లోపే శ్రీకాంత్ స్పందించాడు. విడాకుల వార్తలపై ఆయన కొంచెం తీవ్రంగానే స్పందించారు.
తాను ఊహ కలిసి హ్యాపీగా ఉన్నామని, ప్రస్తుతం తాము ఒక టూర్లో ఉన్నామని ముందుగా ఒకరిద్దరు జర్నలిస్టులకు ఫోన్ చేసి క్లారిటీ ఇచ్చారు శ్రీకాంత్. ఆ తర్వాత ఆయన ఈ విషయమై మరింతగా మీడియాకు క్లారిటీ ఇచ్చారు.
“ఊహకు నేను విడాకులు ఇస్తున్నట్లు వెబ్ సైట్లు, యూట్యూబ్ ఛానెళ్లలో ప్రచారం జరుగుతోంది. కొన్ని వెబ్ సైట్లలో ఈ ఫేక్ వార్తను చూసి ఊహ ఆందోళనకు గురైంది. ఈ ప్రచారంపై బంధువుల నుంచి ఫోన్లు వస్తుంటే వివరణ ఇచ్చుకోలేకపోతున్నా. నాపై అసత్య ప్రచారం చేస్తున్న వెబ్ సైట్లు, యూట్యూబ్ ఛానెళ్లపై సైబర్ క్రైమ్ పోలీసులకు ఫిర్యాదు చేస్తా. నిరాధారమైన వదంతులు ప్రచారం చేస్తున్న వెబ్ సైట్లు, యూట్యూబ్ ఛానెళ్లపై కఠిన చర్యలు తీసుకోవాలి” అని శ్రీకాంత్ మీడియాకు రిలీజ్ చేసిన ప్రెస్ నోట్లో పేర్కొన్నారు. సెలబ్రెటీల వ్యక్తిగత జీవితాల గురించి మరీ ఈ స్థాయిలో దుష్ప్రచారం చేయడం బాధాకరమే.
This post was last modified on November 22, 2022 7:28 pm
జాతీయ రాజకీయాల్లో చక్రం తిప్పాలని ఆశపడ్డ బీఆర్ఎస్ అధినేత, మాజీ ముఖ్యమంత్రి కేసీఆర్ గతంలో ఏ చిన్న అవకాశం దొరికినా…
తన 12 మెట్ల కిన్నెర వాయిద్యంతో జాతీయస్థాయిలో గుర్తింపు పొంది రాష్ట్రపతి రాంనాథ్ కోవింద్ చేతుల మీదుగా పద్మశ్రీ అవార్డు అందుకున్న కిన్నెర మొగులయ్య…
ప్రతి సినిమాకు విభిన్నంగా కొత్తగా ప్రయత్నిస్తున్న సుహాస్ తాజాగా ప్రసన్నవదనంతో థియేటర్లలో అడుగు పెట్టాడు. ఈ ఏడాది అంబాజీపేట మ్యారేజీ…
దర్శకుడు శేఖర్ కమ్ముల సెన్సిటివ్ సినిమాలు తీస్తాడనే పేరే కానీ సీరియస్ సబ్జెక్టులు టచ్ చేస్తే అవుట్ ఫుట్ ఏ…
పీసీసీ అధ్యక్షుడు, తెలంగాణ సీఎం రేవంత్ రెడ్డి పట్ల కాంగ్రెస్ అధిష్ఠానం ఫుల్ ఖుషీగా ఉందని తెలిసింది. లోక్సభ ఎన్నికల…
తెలంగాణ ప్రధాన ప్రతిపక్షం బీఆర్ ఎస్కు భారీ షాక్ తగిలింది. ప్రస్తుతం బీఆర్ ఎస్ ఎమ్మెల్సీగా ఉన్న దండే విఠల్రావు…