వచ్చే నెల విడుదల కాబోతున్న హిట్ 2 ది సెకండ్ కేస్ మీద అంచనాలు మెల్లగా ఎగబాకుతున్నాయి. మేజర్ ప్యాన్ ఇండియా సక్సెస్ తర్వాత చేసిన మూవీ కావడంతో అడవి శేష్ ప్రమోషన్ల విషయంలో ప్రత్యేక శ్రద్ధ తీసుకుంటున్నాడు. నిర్మాత నాని దసరాకు కాస్త బ్రేక్ ఇచ్చి మరీ ఆడియన్స్ కి చేరువ చేసేందుకు తన వంతు చేయాల్సింది పూర్తిగా ఇస్తున్నాడు. టీజర్ కట్ లో చూపించిన వయొలెన్స్ మీద యుట్యూబ్ నిబంధనలు విధించడంతో నెక్స్ట్ ట్రైలర్ లో ఏ స్థాయిలో కంటెంట్ ఉంటుందోనని ఫ్యాన్స్ ఎదురు చూస్తున్నారు. క్రైమ్ లవర్స్ కి హిట్ 2 మీద మంచి హోప్స్ ఉన్నాయి.
ఇంకా ఇది రిలీజ్ కాకుండానే హిట్ 3కి సంబంధించిన లీకులు సోషల్ మీడియాలో చక్కర్లు కొడుతున్నాయి. దాని ప్రకారం హిట్ 3ని మల్టీస్టారర్ గా రూపొందిస్తారట. అడవి శేష్ తో పాటు నాని, విజయ్ సేతుపతిలు ఇందులో భాగం పంచుకుంటారని వాటి సారాంశం. టైటిల్ లో మూడో నెంబర్ ఉంది కాబట్టి దానికి కనెక్ట్ అయ్యేలా ముగ్గురు హీరోలనే లాజిక్ తో దర్శకుడు శైలేష్ కొలను దీన్ని ప్లాన్ చేశారు కాబోలు. ఈ మధ్య జరిగిన ఈవెంట్లో శేష్ ఇచ్చిన క్లూ ఇదే అయ్యుండొచ్చు. హిట్ 2 ఎండ్ క్రెడిట్స్ లో నెక్స్ట్ సీక్వెల్ లో ఏ హీరో ఉంటాడో చెప్తామని అన్నాడు కదా బహుశా వీళ్ళనే రివీల్ చేయొచ్చు.
ఈసారి అమెరికా నేపథ్యంలో కథ నడవనుందని సమాచారం. అందరూ సూపర్ హీరోల మల్టీ వర్స్ తీస్తుంటే ఇలా క్రైమ్ డ్రామాతో కొనసాగింపులు చేయడం టాలీవుడ్ లో ఇదే మొదటిసారి. మాములుగా వెబ్ సిరీస్ లకు ఇలా జరుగుతుంది కానీ ఈ తరహా ప్రయోగాలు చేయడం మంచిదే. అయితే ఇదే హిట్ పార్ట్ 1 హిందీలో రీమేక్ చేసినప్పుడు డిజాస్టర్ కావడం అంతు చిక్కని విషయం. మరి ఇప్పుడీ తర్వాతి భాగాలను డబ్బింగ్ రూపంలో వదులుతారా లేదా మరోసారి రిస్క్ చేసి చూస్తారా అనేది వేచి చూడాలి. పర్ఫెక్ట్ రిలీజ్ టైమింగ్ తో వస్తున్న హిట్ 2కి టాక్ వస్తే మళ్ళీ హిట్టు పడ్డట్టే.
This post was last modified on November 22, 2022 11:34 am
ఆంధ్రప్రదేశ్ రాజకీయాలు అంటేనే బూతులు. మంత్రులూ, ఎమ్మెల్యేలు తేడా లేకుండా విపక్ష నాయకుల మీద బూతులతో విరుచుకుపడే తీరు రాజకీయాలంటేనే…
ఉమ్మడి విశాఖపట్నం జిల్లాలోని అనకాపల్లి పార్లమెంటు నియోజకవర్గంలో తీవ్ర కలకలం రేగింది. వైసీపీ వర్సెస్ బీజేపీ కార్యకర్త ల మధ్య…
నారా రోహిత్ చాలా గ్యాప్ తర్వాత నటించిన సినిమా ప్రతినిధి-2. ఒకప్పుడు తీరిక లేకుండా సినిమాలు చేస్తూ ఒకే సమయంలో…
రాయ్ బరేలీ నుండి పోటీకి దిగుతుంది అనుకున్న కాంగ్రెస్ అధినేత్రి సోనియాగాంధీ కుమార్తె ప్రియాంకా గాంధీ ఎందుకు పోటీ చేయలేదు…
హీరోయిన్లు కొందరిని ట్రెడిషనల్ లుక్లో చూడ్డానికి ఇష్టపడతారు. ఇంకొందరికి సెక్సీ లుక్ బాగుంటుంది. కానీ కొంతమంది మాత్రమే ట్రెడిషనల్ లుక్లో…
ప్యాన్ ఇండియా సినిమాల వాయిదా పర్వం కొనసాగుతూనే ఉంది. జూన్ 13 విడుదలను లాక్ చేసుకుని ఆ మేరకు తమిళనాడు…