బాక్సాఫీస్ దగ్గర కన్నడ సినిమాల డ్రీమ్ రన్ కొనసాగుతోంది. కొన్ని నెలల కిందటే ‘కేజీఎఫ్-2’ ఎలా వసూళ్ల మోత మోగించిందో తెలిసిందే. డివైడ్ టాక్ను కూడా తట్టుకుని ఏకంగా రూ.1200 కోట్ల వసూళ్ల మార్కును దాటేసిందా చిత్రం. ఆ తర్వాత కిచ్చా సుదీప్ సినిమా ‘విక్రాంత్ రోణ’ సైతం పలు భాషల్లో మంచి వసూళ్లు రాబట్టింది. ఇప్పుడు నెల రోజులుగా ‘కాంతార’ అనే సినిమా రేపుతున్న సంచలనం అంతా ఇంతా కాదు.
ఈ సినిమాకు సంబంధించి ఎవ్వరూ కూడా ఇతర భాషల వాళ్లకు పెద్దగా పరిచయం లేకపోయినా.. ఈ కథాంశం కర్ణాటకలోని గ్రామీణ ప్రాంతాల నేటివిటీతో ముడిపడ్డది అయినా.. ఈ సినిమా అన్ని భాషల వాళ్లకు విపరీతంగా నచ్చేసింది. ముఖ్యంగా తెలుగు, హిందీ భాషల్లో ఈ చిత్రం సంచలన వసూళ్లతో దూసుకెళ్తోంది. తెలుగు వెర్షన్ వసూళ్లు దాదాపు రూ.60 కోట్ల దాకా ఉండగా.. హిందీ వెర్షన్ అంతకంటే ఎక్కువే రాబట్టింది.
కన్నడలో రిలీజై ఐదు వారాలు దాటినా.. తెలుగు, హిందీ భాషల్లో నాలుగు వారాలు అవుతున్నా ‘కాంతార’ జోరేమీ తగ్గలేదు. ఈ క్రమంలోనే ఈ చిత్రం ఎవ్వరూ ఊహించని మైలురాయిని అందుకుంది. రూ.350 కోట్ల గ్రాస్ కలెక్షన్ల మైలురాయిని అందుకోవడమే కాక.. ‘పుష్ప’ సినిమా కలెక్షన్లను అధిగమించింది.
‘పుష్ప’ సినిమాలో అల్లు అర్జున్ లాంటి పెద్ద హీరో నటించాడు. సుకుమార్ లాంటి స్టార్ డైరెక్టర్ ఆ సినిమా తీశాడు. తెలుగులో ఆ చిత్రానికి ఉన్న హైప్ గురించి తెలిసిందే. హిందీలో ఆ చిత్రానికి ఊహించని స్పందన వచ్చింది. ఇతర భాషల్లోనూ పర్వాలేదనిపించింది. దీంతో వరల్డ్ వైడ్ రూ.350 కోట్లకు చేరువగా వెళ్లింది. ఐతే ‘కాంతార’ లాంటి చిన్న సినిమా ‘పుష్ప’ లాంటి భారీ చిత్రాన్ని అధిగమించడం చిన్న విషయం కాదు. ఇది ఎవ్వరి ఊహకూ అందని విషయం. ఈ సినిమా జోరు చూస్తుంటే త్వరలోనే రూ.400 కోట్ల గ్రాస్ మార్కును కూడా సులువుగానే దాటేసేలా కనిపిస్తోంది.
This post was last modified on November 10, 2022 3:39 pm
కాంగ్రెస్ పీసీసీ చీఫ్ షర్మిల సంచలన వ్యాఖ్యలు చేశారు. కొన్నాళ్లుగా వైసీపీ అధినేత, సొంత అన్నపై ఆమె తీవ్రస్థాయిలో యుద్ధం…
పెద్ద హీరోల పుట్టిన రోజులు, ఇంకేదైనా ప్రత్యేక సందర్భాలు వస్తే అభిమానులు వాళ్లు నటిస్తున్న కొత్త చిత్రాల నుంచి అప్డేట్స్…
ఆంధ్రప్రదేశ్లో జనాభా పరంగా అగ్రస్థానంలో ఉండే కాపు కులస్థుల కోసం ఉద్యమించిన నాయకుడిగా వంగవీటి మోహనరంగా తర్వాత ఓ మోస్తరు…
ఎన్నికలు జరగబోతున్నపుడు అనుకోకుండా కొన్ని విషయాలు కీలకంగా మారి అధికార పక్షాలను తీవ్ర ఇబ్బందుల్లోకి నెట్టేస్తుంటాయి. అవి ఎన్నికల ఫలితాలనే…
భారీ నమ్మకంతో రోజుల తరబడి ప్రమోషన్లు చేసిన ఆ ఒక్కటి అడక్కుకి మిక్స్డ్ టాక్ కొనసాగుతోంది. మాములుగా ఇలాంటి సినిమాలకు…
గుడివాడలో విజయం కోసం నాని నానాపాట్లు పడుతున్నారు. తన అనుచరుల ఆగడాలను కప్పిపుచ్చుకునేందుకు, ప్రభుత్వంపై వ్యతిరేకతను తగ్గించేందుకు కష్టపడుతున్నారు. కానీ…