Movie News

‘గాడ్‌ ఫాదర్’ బోర్ కొట్టింది-అనుదీప్

గాడ్‌ఫాదర్ అనగానే ఇప్పుడు అందరూ మెగాస్టార్ చిరంజీవి సినిమాగానే చూస్తున్నారు. ఒక వీడియో ఇంటర్వ్యూలో యువ దర్శకుడు అనుదీప్ కేవీ తనకు ‘గాడ్ ఫాదర్’ సినిమా బోర్ కొట్టింది అని కామెంట్ చేయగానే మెగా ఫ్యాన్స్‌కు కోపం వచ్చేస్తోంది. కానీ డొంకతిరుగుడుగా మాట్లాడి చివర్లో ట్విస్ట్ ఇవ్వడం అలవాటైన అనుదీప్.. ఈ విషయంలోనూ అలాంటి ట్విస్టే ఇచ్చాడు.

అతడికి బోర్ కొట్టింది మెగాస్టార్ మూవీ కాదట. ప్రపంచ సినీ చరిత్రలోనే అత్యంత గొప్ప చిత్రాల్లో ఒకటిగా చెప్పుకునే హాలీవుడ్ క్లాసిక్ ‘గాడ్ ఫాదర్’ అట. ప్రపంచ సినిమాను అర్థం చేసుకోవాలన్నా.. సినీ రంగంలో ఏదైనా సాధించాలని వచ్చినా ముందు ‘గాడ్ ఫాదర్’ సినిమా చూడాలని సినీ పండితులు చెబుతుంటారు. రామ్ గోపాల్ వర్మ సహా ఎందరో దిగ్గజ దర్శకులకు ఈ క్లాసిక్ స్ఫూర్తిగా నిలిచింది. కానీ అనుదీప్‌కు మాత్రం ఈ సినిమా బోర్ కొట్టిందట.

ఇటీవలే ‘ప్రిన్స్’ మూవీతో ప్రేక్షకులను పలకరించిన అనుదీప్.. తాజాగా ఒక వీడియో ఇంటర్వ్యూ ఇచ్చాడు. అందులో ‘గాడ్ ఫాదర్’ సినిమా గురించి మాట్లాడుతూ.. ‘‘తాను సినిమాల మీద ఆసక్తి పెంచుకున్నాక చాలా ఏళ్ల పాటు ‘గాడ్ ఫాదర్’ చూడలేదని.. ఐతే చాలామంది ఆ విషయం తెలిసి ఆశ్చర్యపోయారని.. గాడ్ ఫాదర్ చూడలేదా అంటూ షాకవుతూ అడిగారని.. దీంతో తాను ఆ సినిమా చూశానని అనుదీప్ చెప్పాడు. కానీ ఆ సినిమా తనకు బోర్ కొట్టిందంటూ కుండబద్దలు కొట్టేశాడతను. ఈ సినిమా తనకు నచ్చలేదని కూడా తీర్మానించేశాడు.

ఐతే ‘గాడ్ ఫాదర్’ అంటే హాలీవుడ్ మూవీ అని చెప్పకుండా ఈ సినిమా బోర్ కొట్టిందని అనడంతో యాంకర్ ఆశ్చర్యపోయి చిరంజీవి సినిమా మీకు నచ్చలేదా అని అడిగితే.. తాను చెబుతోంది ఈ ‘గాడ్ ఫాదర్’ కాదని, హాలీవుడ్ ‘గాడ్ ఫాదర్’ అని చావు కబురు చల్లగా చెప్పాడు అనుదీప్. ‘గాడ్ ఫాదర్’ నచ్చలేదన్నా అదో పెద్ద పాపం లాగా చూస్తారని, కానీ తనకైతే ఆ సినిమా నచ్చలేదని తేల్చేశాడు అనుదీప్.

This post was last modified on November 4, 2022 8:17 am

Share
Show comments
Published by
Satya

Recent Posts

ఇటు వివాదం… అటు ముహూర్తం

జై హనుమాన్.. ఈ సినిమా కోసం రెండేళ్ల కిందట్నుంచి దేశవ్యాప్తంగా ప్రేక్షకులు ఎంతో ఆసక్తిగా ఎదురు చూస్తున్నారు. 2024 సంక్రాంతికి…

9 minutes ago

కమల్ హీరో… రజినీ విలన్?

సూపర్ స్టార్ రజినీకాంత్, లోక నాయకుడు కమల్ హాసన్‌ల కలయికలో 46 ఏళ్ల తర్వాత సినిమా రాబోతుండడం వాళ్లిద్దరి అభిమానులనే…

1 hour ago

ప్రేమ పెళ్ళి.. తల్లిదండ్రులకు సమాచారం తప్పనిసరి

వివాహ నమోదు నిబంధనల్లో మార్పులు చేస్తూ గుజరాత్ ప్రభుత్వం కీలక ప్రతిపాదనను ముందుకు తెచ్చింది. పెళ్లి నమోదు చేసుకునే జంటలు…

2 hours ago

ఎన్నిసార్లు చెప్పాలి.. సీనియ‌ర్ న‌టి అస‌హ‌నం

90వ దశకంలో దక్షిణాది సినీ ప్రేక్షకులను ఒక ఊపు ఊపిన కథానాయిక.. మీనా. ఇటు తెలుగులో, అటు తమిళంలో ఆమె…

3 hours ago

తెలుగు సినిమాలపై తాప్సి మళ్లీ…

ముందు సౌత్ సినిమాల్లో నటించి, ఆ తర్వాత బాలీవుడ్‌లో స్థిరపడ్డ హీరోయిన్లు చాలామంది.. ఇక్కడి సినిమాలు, పరిస్థితుల గురించి విమర్శలు…

3 hours ago

ప్రకాష్ రాజ్ బీఫ్ కామెంట్లపై దుమారం

కేంద్రంలో అధికారంలో ఉన్న బీజేపీ అంటే సీనియర్ నటుడు ప్రకాష్ రాజ్‌కు ఉన్న వ్యతిరేకత ఎలాంటిదో తెలిసిందే. ‘జస్ట్ ఆస్కింగ్’…

4 hours ago