ఈ ఏడాదే కాదు.. గత కొన్నేళ్లలో వచ్చిన సెన్సేషనల్ హిట్లలో ‘బింబిసార’ ఒకటి. ఫ్లాపులతో సతమతం అవుతున్నా కళ్యాణ్ రామ్ను హీరోగా పెట్టి భారీ బడ్జెట్లో, చారిత్రక నేపథ్యంతో ఒక కొత్త దర్శకుడు సినిమా తీయడం చూసి చాలామంది షాకయ్యారు. ఇది ఏమాత్రం వర్కవుట్ కాదనే అభిప్రాయాన్ని వ్యక్తం చేశారు. అసలు రాజుగా కళ్యాణ్ రామ్ ఏం సెట్టవుతాడని సందేహాలు వ్యక్తం చేశారు. కానీ ఈ సందేహాలన్నింటినీ పటాపంచలు చేస్తూ ‘బింబిసార’ ప్రేక్షకులను అమితంగా ఆకట్టుకుంది.
దుర్మార్గుడైన రాజు పాత్రలో కళ్యాణ్ రామ్ అదరగొట్టాడు. పెట్టించిన ఖర్చు మీద ఆదాయాన్ని తెచ్చి పెట్టే స్థాయిలో సినిమాను పెద్ద హిట్ చేశాడు కొత్త దర్శకుడు వశిష్ఠ్. విడుదలకు ముందు బింబిసారను మూడు భాగాలుగా తీసే అవకాశం ఉందని కళ్యాణ్ రామ్ అంటే నవ్వుకున్న వాళ్లు.. ఇప్పుడు సెకండ్ పార్ట్ కోసం ఉత్కంఠగా ఎదురు చూస్తున్నారు.
బింబిసార-2 కోసం ఆల్రెడీ సన్నాహాలు మొదలైన మాట వాస్తవమే కానీ.. ఈ సినిమా తెరకెక్కడానికి, విడుదల కావడానికి చాలా టైం పట్టేలాగే కనిపిస్తోంది. ఈ దిశగా దర్శకుడు వశిష్ఠ్ సంకేతాలు ఇచ్చాడు. ఇప్పుడిప్పుడే ఈ సినిమా మొదలుపెట్టే అవకాశాలు లేవని అతను స్పష్టం చేశాడు. కళ్యాణ్ రామ్కు ప్రస్తుతం కొన్ని కమిట్మెంట్లు ఉన్నాయని, అవన్నీ పూర్తి చేశాకే ఈ సినిమా మొదలవుతుందని అతను స్పష్టం చేశాడు. ఈ సినిమాపై నెలకొన్న అంచనాలను అందుకోవడానికి తన టీం చాలా కష్టపడాల్సి ఉందని వశిష్ఠ్ తెలిపాడు.
“బింబిసార సినిమాను ప్రేక్షకులు ఎంతగానో ఆదరించారు. ప్రస్తుతం వాళ్లందరూ సీక్వెల్ కోసం ఎదురు చూస్తున్నారు. నేను వాళ్లందరికీ కొత్తదనాన్ని ఇవ్వాలనుకుంటున్నా. వాళ్ల అంచనాలకు తగ్గట్లు సినిమాను రూపొందించాలనుకుంటున్నాం. మొదటి భాగాన్ని మించి రెండో పార్ట్ను తీయాలనే ఒత్తిడి నాప ఉంది. కళ్యాణ్ రామ్ తన ప్రాజెక్టులన్నీ పూర్తి చేసుకున్న తర్వాత బింబిసార-2 షూటింగ్ మొదలవుతుంది” అని వశిష్ఠ్ చెప్పాడు.
This post was last modified on October 28, 2022 9:24 pm
రెండు రోజుల్లలో తన పదవికి రాజీనామా చేయనున్నట్టు ఢిల్లీ ముఖ్యమంత్రి, ఆమ్ ఆద్మీపార్టీ అధినేత అరవింద్ కేజ్రీవాల్ సంచలన ప్రకటన…
ఇంకో పదమూడు రోజుల్లో విడుదల కాబోతున్న దేవర పార్ట్ 1 కోసం అభిమానులే కాదు సగటు సినీ ప్రియులు సైతం…
వలసవాద బ్రిటీష్ విధానాలకు కేంద్ర ప్రభుత్వం స్వస్థి చెబుతున్న విషయం తెలిసిందే. ఇప్పటికే క్రిమినల్ చట్టా లను మార్పు చేశారు.…
కూటమి ప్రభుత్వం ఏర్పడి మూడు మాసాలే అయింది. అయితే.. ఇంతలోనే అతి పెద్ద సమస్య ఉక్కిరి బిక్కిరి చేస్తోంది. విశాఖ…
సైకో కిల్లర్ సినిమాలు, వెబ్ సిరీస్ లు చాలానే చూస్తాం కానీ కొన్ని ఒళ్ళు గగుర్పొడిచేలా ఉంటే అవి నిజంగా…
ఎన్నికల్లో ఓటమి తర్వాత మూడు నెలలు సైలెంట్ గా ఉన్న వైసీపీ నేత, మాజీ మంత్రి రోజా నగరి నియోజకవర్గంలో…