మెడికల్ మాఫియాతో యశోద యుద్ధం

హీరో పక్కన ఆడి పాడే రెగ్యులర్ సినిమాలు కాకుండా ఏదో ఒక విలక్షణత ఉంటేనే ఒప్పుకుంటున్న సమంతా కొత్త సినిమా యశోద వచ్చే నెల 11న విడుదల కానుంది. ఎక్కువ హడావిడి లేకుండా షూటింగ్ జరుపుకున్న ఈ మూవీకి భారీ రిలీజ్ ప్లాన్ చేశారు నిర్మాత శివలెంక కృష్ణప్రసాద్. 90ల నాటి క్లాసిక్ ఆదిత్య 369తో మొదలుకుని నాని జెంటిల్ మెన్ దాకా ఎన్నో చిత్రాలు నిర్మించిన ఈయన దీనికి ఎక్కువ బడ్జెట్టే ఖర్చు చేశారు. ప్రమోషన్ మొదలుపెట్టినప్పటి నుంచి దీని మీద ప్రేక్షకుల్లో ఆసక్తి పెరగడం మొదలయ్యింది. ఇవాళ ట్రైలర్ దాన్ని ఇంకో లెవెల్ కు తీసుకెళ్లింది.

యశోద కాన్సెప్ట్ సరోగసి అంటే అద్దె గర్భం మీద రాసుకున్నారు. ఇటీవలే నయనతార విగ్నేష్ సంతానం విషయంలో ఇది ఏకంగా కోర్టులు, కమిషన్ విచారణ అంటూ చాలా దూరం వెళ్ళింది. అయితే వీళ్ళ వివాహం అయిదేళ్ల క్రితమే జరిగిందని కమిటీ నిర్ధారించడంతో శుభం కార్డు పడింది. ఇది సుఖాంతమే కానీ ఇలాంటి వ్యవహారాల్లోని చీకటి కోణాన్ని యశోదలో చూపించే ప్రయత్నం చేశారు దర్శకులు హరి అండ్ హరీష్. అవసరం కోసం గర్భాన్ని అద్దెకిచ్చే మహిళలు దేశవ్యాప్తంగా లక్షల్లో ఉన్నారు. పుట్టే బిడ్డ ఎవరికి చేరుతుందో కూడా తెలియనంత రహస్యంగా ఈ దందా జరిగిపోతుంది.

దీని వెనుక కోట్ల రూపాయల మాఫియా సొమ్ము చేతులు మారుతుంది. వైద్య సేవ పేరుతో చేసే ఈ వ్యాపారం చాటున డాక్టర్లే కాదు రాజకీయ నాయకులు కూడా ఉంటారు. వాటిని పసిగట్టిన యశోద చుట్టూ విష వలయం ఏర్పడుతుంది. దాన్నెలా తప్పించుకుని ప్రపంచానికి ఈ చీకటిని పరిచయం చేసిందనేదే ఈ సినిమా కథ. మణిశర్మ సంగీతం, ఎం సుకుమార్ ఛాయాగ్రహణం, అశోక్ ఆర్ట్ వర్క్ ఇలా సాంకేతిక విభాగాన్ని బలంగా సెట్ చేసుకున్న యశోద బృందం రెగ్యులర్ కథను చెప్పడం లేదనే క్లారిటీ అయితే ఇచ్చింది. ఓ బేబీని మించి పెర్ఫార్మన్స్ ఓరియెంటెడ్ రోల్ చేస్తున్న సామ్ కు ఈసారి ఫలితం ఎలా ఉండనుందో