న్యాచురల్ స్టార్ నానికి బ్యాడ్ టైం నడుస్తోంది. కథల ఎంపికలో ఎంత జాగ్రత్తగా ఉంటున్నా ఫలితాలు మాత్రం ప్రతికూలంగా వస్తున్నాయి. వెండితెర మీదే కాదు బుల్లితెరపై కూడా ట్విస్టులు తప్పడం లేదు. తాజాగా అంటే సుందరానికి వరల్డ్ టీవీ ప్రీమియర్ కు కేవలం 1.88 టిఆర్పి రావడం పట్ల శాటిలైట్ ఛానల్ వర్గాలు షాక్ తిన్నాయి. ఇమేజ్ ఉన్న హీరోకి ఇంత తక్కువ నెంబర్ నమోదు కావడం ఈ మధ్య కాలంలో ఇదే ఫస్టు. డిజాస్టర్ అయినా సరే టీవీలో మొదటిసారి టెలికాస్ట్ జరిగినప్పుడు జనం బాగానే చూస్తారు. కానీ ఫ్యామిలీ ఎంటర్ టైనర్ గా ప్రచారం జరిగిన అంటే సుందరానికి ఇలా జరగడం ట్విస్టే.
ఇదే కాదు నాని ట్రాక్ రికార్డు గత కొంతకాలంగా ఇలాగే నడుస్తోంది. ఎంతో కష్టపడి నెగటివ్ టచ్ ఉన్నవి చేస్తే అది ఓటిటిలో వచ్చినా విమర్శలు అందుకుంది. ప్రెస్ మీట్లలో మిలియన్ల వ్యూస్ వచ్చాయని చెప్పుకోవచ్చు కానీ ఆ సినిమా బాగుందన్న ఆడియన్స్ ఎక్కడా కనిపించరు. తన రెగ్యులర్ స్కూల్ కు వచ్చి చేసిన టక్ జగదీష్ సైతం అదే ఫలితాన్ని అందుకుంది. శ్యామ్ సింగ రాయ్ ఒక్కటే ఊరట కలిగించేలా మంచి విజయం అందుకుంది. పుష్ప హవాలోనూ తట్టుకుని నిలబడింది. దానికి కూడా నాని చాలా పెద్ద రేంజ్ ఫలితాన్ని ఆశించాడు. హిట్టే కానీ బ్లాక్ బస్టర్ కాలేకపోవడమే కారణం.
కట్ చేస్తే ఇప్పుడీ అంటే సుందరానికి ఇలాంటి ఝలక్. అందుకే కంప్లీట్ మేకోవర్ తో ఊర మాస్ అవతారంలోకి వెళ్లి చేస్తున్న దసరా మీదే నాని ఫ్యాన్స్ ఆశలన్నీ. ఇటీవలే రిలీజ్ చేసిన ఆడియో సింగల్ ఛార్ట్ బస్టర్ అయ్యింది. థియేట్రికల్ బిజినెస్ కు మంచి ఆఫర్లు వస్తున్నాయి. బడ్జెట్ ఎక్కువవుతున్నా నిర్మాతలు ముందుకు వెళ్తున్నారు. శాటిలైట్, ఓటిటి, డబ్బింగ్ హక్కులకు డిమాండ్ ఉండటంతో టేబుల్ ప్రాఫిట్స్ ఖాయంగానే కనిపిస్తున్నాయి. తన కంఫర్ట్ జానర్ నుంచి బయటికి వచ్చి నాని చేస్తున్న ఈ ప్రయత్నం కనక వర్కౌట్ అయితే మార్కెట్ విస్తరించే అవకాశం పుష్కలంగా ఉంది.
This post was last modified on October 13, 2022 8:07 pm
త్రివిక్రమ్ శ్రీనివాస్ దర్శకత్వంలో వెంకటేష్ హీరోగా రూపొందుతున్న 'ఆదర్శ కుటుంబం' షూటింగ్ మంచి స్వింగ్ లో ఉంది. ముందుగా తీసుకున్న…
మరీ డెడ్ డ్రైగా మారిపోయిన తెలుగు రాష్ట్రాల థియేటర్లు పెద్ద సినిమాలు లేక అల్లాడిపోతున్నాయి. రెండు మూడు రోజులు ప్రమోషన్లతో…
తెలంగాణను ప్రత్యేక రాష్ట్రంగా సాధించుకునేందుకు కొనసాగిన ఉద్యమం కొత్త పుంతలు తొక్కింది. యావత్తు తెలంగాణ వేదికగా సాగిన ఈ ఉద్యమంలో…
``రాజకీయ నేతలు.. ప్రజల కోసం పనిచేసేది తక్కువ.. సెక్స్ వీడియోలు చూసేది ఎక్కువ. కావాలంటే.. నా ఫోన్ సహా.. రాష్ట్రంలోని…
బద్రి లాంటి సూపర్ హిట్ మూవీతో దర్శకుడిగా పరిచయం అయ్యాడు పూరి జగన్నాథ్. అరంగేట్రంలోనే అలాంటి హిట్ పడిందంటే ఇక…
తెలంగాణ ప్రభుత్వం ఆరుగురు సీనియర్ ఐపీఎస్ అధికారులకు డైరెక్టర్ జనరల్స్(డీజీ)గా పదోన్నతి కల్పించింది. వీరిలో మహేశ్ భగవత్, స్వాతి లక్రా,…