చీర‌లో వింక్ బ్యూటీ క‌నిక‌ట్టు.. కానీ, అదొక్క‌టే లోటు!

వింక్ బ్యూటీ ప్రియా ప్రకాష్ వారియర్ గురించి ప్రత్యేకమైన పరిచయాలు అవసరం లేదు. ఈ బ్యూటీ ఓరు అడార్ లవ్ అనే మలయాళ చిత్రంతో సినీ కెరీర్ ను ప్రారంభించింది. ఈ సినిమా ప్రేక్షకులను ఏమాత్రం ఆకట్టుకోలేకపోయింది. ఎన్నో విమ‌ర్శ‌ల‌ను సైతం మూట‌గ‌ట్టుకుంది. కానీ ఈ మూవీలోని కన్ను గీటిన సీన్ తో ప్రియా వారియర్ కుర్రకారు గుండెల్ని పిండేసి ఓవర్ నైట్ స్టార్ అయింది.

ఆ ఒక్క సీన్ తోనే ప్రియా వారియర్ కు భారీ క్రేజ్‌ ఏర్పడింది. ఇండియా వైడ్‌గా మంచి గుర్తింపు దక్కింది. ఈ క్రమంలోనే ఆమెకు సౌత్ లో ఆఫర్లు వెల్లువెత్తాయి. టాలీవుడ్ లోనూ ఆమె రెండు చిత్రాలు చేసింది. అందులో నితిన్ హీరోగా తెర‌కెక్కిన చెక్‌ ఒకటైతే.. మరొకటి యంగ్ హీరో తేజ సజ్జ చేసిన ఇష్క్.

ఈ రెండు చిత్రాలు ప్రేక్షకులను ఆకట్టుకోవడంలో విఫలం అయ్యాయి. ఇక ఇతర భాషల్లోనూ ప్రియా వారియర్ తన అదృష్టాన్ని పరీక్షించుకుంది. కానీ ఎక్కడా ఈ అందాల భామ‌ను సక్సెస్ వరించలేదు. ఆఫర్లు కూడా బాగా తగ్గిపోయాయి. దీంతో ఈ సింగిల్ నైట్ సెన్సేషన్ బ్యూటీ సోషల్ మీడియాలో యాక్టివ్ అయ్యింది.

తరచూ మతి పోగొట్టే ఫోటో షూట్లతో ఫాలోయింగ్ ను పెంచుకుంటూ పోతుంది. ఇప్పటికే ఇన్‌స్టాగ్రామ్ లో ఆమె ఫాలోవర్ల సంఖ్య ఏకంగా ఏడు మిలియన్లు దాటేసింది. ఈ విష‌యంలో స్టార్ హీరోయిన్లకు సైతం ప్రియా వారియ‌ర్ గ‌ట్టి పోటీ ఇస్తోంది. అంటే ఎంతలా ఆమె నెట్టింట త‌న అందాల‌తో రచ్చ చేస్తుందో అర్థం చేసుకోవచ్చు. అయితే ఎక్కువ‌గా క్లీవేజ్‌ షోకే మొగ్గు చూపే ఈ ముద్దుగుమ్మ‌.. తాజాగా చీరలో తన అందాలతో కనికట్టు చేసింది.

ఎప్పుడు మోడ్రన్ దుస్తుల్లోనే దర్శనమిచ్చే ప్రియా వారియర్ ఈసారి మాత్రం పింక్ అండ్ బ్లూ కలర్ పట్టు చీరను కట్టుకొని, మెడలో సింపుల్ చోకర్, కొప్పులోన మల్లెపూలు పెట్టుకుని అందంగా ముస్తాబై చిరునవ్వులు చిందిస్తూ కుర్ర కారు గుండెల్ని మరోసారి గట్టిగా పిండేసే ప్రయత్నం చేసింది. ప్రియా వారియర్ తాజా ఫోటోలు నెట్టింట తెగ వైర‌ల్ అవుతున్నాయి.

ట్రెడిషనల్ లుక్ లో వింక్ బ్యూటీ ని చూసి నెటిజ‌న్లు ఫిదా అయిపోతున్నారు. ఈ క్ర‌మంలోనే ఆమె అందాల‌పై పొగ‌డ్త‌ల వ‌ర్షం కురిపిస్తున్నారు. చీరలో దేవకన్యలా ఉన్నావు..‌ చూపు తిప్పుకోలేకపోతున్నామంటూ కామెంట్లు, మ‌రోవైపు లైకుల వర్షం కురిపిస్తున్నారు. అయితే ఆకట్టుకునే అందం ఉన్న ఆఫర్లు లేకపోవడం ఒక్కటే ఆమెకు లోటుగా కనిపిస్తోందని పలువురు అభిప్రాయపడుతున్నారు. మరి ఈ అమ్మడు కెరీర్ పరంగా ఎప్పుడు జోరందుకుంటుందో చూడాలి.