ప్రముఖ స్టార్ హీరోయిన్ నయనతార గురించి ప్రత్యేకమైన పరిచయాలు అవసరం లేదు. కేరళ నుంచి దిగుమతి అయిన అందాల భామల్లో నయనతార ఒకరు. 2003లో మలయాళ చిత్రంతో సినీ రంగప్రవేశం చేసిన నయన్.. ఆ తర్వాత అంచలంచలుగా ఎదుగుతూ సౌత్ లోనే లేడీ సూపర్ స్టార్ గా గుర్తింపు పొందింది. అదే సమయంలో భారీ ఫ్యాన్ ఫాలోయింగ్ ను సంపాదించుకుంది. కెరీర్ ఆరంభంలో కాస్త గ్లామర్ పాత్రలు చేసినప్పటికీ.. స్టార్ స్టేటస్ వచ్చిన తర్వాత మాత్రం అందాల ఆరబోతకు దూరంగా ఉంటూ నటనకు ప్రాధాన్యత ఉన్న పాత్రలను మాత్రమే ఎంచుకుంటుంది.
ఇక రీసెంట్గా ఈ బ్యూటీ కోలీవుడ్ దర్శక నిర్మాత విగ్నేష్ శివన్ను వివాహం చేసుకుని వైవాహిక బంధంలోకి అడుగుపెట్టింది. దాదాపు ఏడేళ్ల నుంచి ప్రేమాయణం కొనసాగిస్తున్న ఈ కోలీవుడ్ లవ్ బర్డ్స్ ఎట్టకేలకు జూన్ 9న మూడుముళ్ల బంధంతో ఒకటయ్యారు. పెళ్లి తర్వాత కూడా నయన్ చేతి నిండా సినిమాలతో కెరీర్ పరంగా దూసుకుపోతోంది.
ఈ సంగతి పక్కన పెడితే.. నయనతార రెమ్యునరేషన్ విషయంలో చాలా కఠినంగా వ్యవహరిస్తుందని, ఫుల్ సెటిల్మెంట్ చేశాకే షూటింగ్ ను కంప్లీట్ చేస్తుందని గతంలో ఎన్నో సార్లు వార్తలు వచ్చిన సంగతి తెలిసిందే. అయితే ఆ వార్తలన్నీ పుకార్లే అని తేలిపోయింది. తాజాగా నయనతార ‘గాడ్ ఫాదర్’ సినిమాతో ప్రేక్షకులను పలకరించిన సంగతి తెలిసిందే.
మెగాస్టార్ చిరంజీవి, తమిళ దర్శకుడు మోహన్ రాజా కాంబినేషన్లో తెరికెక్కిన పొలిటికల్ యాక్షన్ డ్రామా ఇది. మలయాళ సూపర్ హిట్ ‘లూసిఫర్’కు రీమేక్ గా రూపుదిద్దుకున్న ఈ చిత్రాన్ని కొణిదెల సురేఖ సమర్పణలో సూపర్ గుడ్ ఫిల్మ్స్, కొణిదెల ప్రొడక్షన్స్ బ్యానర్లపై ఆర్. బి.చౌదరి, ఎన్వీ ప్రసాద్ నిర్మించారు.
అయితే నిర్మాతల్లో ఒకరైన ఎన్వీ ప్రసాద్.. తాజాగా ఓ ఇంటర్వ్యూలో పాల్గొన్నారు. ఈ సందర్భంగా ఆయన సినిమాకు సంబంధించి ఎన్నో ఇంట్రెస్టింగ్ విషయాలను పంచుకున్నారు. అలాగే పారితోషికం విషయంలో నయనతార ప్రవర్తించిన తీరు పై ఆయన ఆసక్తికర వ్యాఖ్యలు చేశారు. ఎన్వీ ప్రసాద్ మాట్లాడుతూ.. ‘మోహన్ రాజా వల్లే నయనతార ఈ సినిమాకు ఓకే చెప్పింది. అయితే ఫైనల్ డే షూట్ కోసం సెప్టెంబర్ లో నయనతార సెట్ లోకి వచ్చి గంటలో వర్క్ పూర్తి చేసుకుని వెళ్లిపోయింది.
నయనతారకు అప్పటికే బ్యాలెన్స్ రెమ్యూనరేషన్ ఇవ్వాల్సి ఉన్నా.. ఆమె కానీ, ఆమె టీం కానీ దాని గురించి ఒక్క మాట కూడా మాట్లాడలేదు. అప్పుడే నయనతార డబ్బు మనిషి కాదని అర్థమైంది. వర్క్ విషయంలో నయనతార చూపించే శ్రద్ధ, క్రమశిక్షణ నాకు బాగా నచ్చాయి’ అంటూ చెప్పుకొచ్చారు. ఈయన వ్యాఖ్యలతో రెమ్యునరేషన్ విషయంలో నయనతార కఠినంగా వ్యవహరిస్తుందనే వార్తలు నిజం కాదని తేలిపోయింది.
This post was last modified on October 6, 2022 11:29 am
నాని ది ప్యారడైజ్ షూటింగ్ చివరి ఘట్టానికి వచ్చేసింది. ఇంకో వారం పది రోజుల్లో గుమ్మడికాయ కొట్టేలా ఉన్నారు. కీర్తి…
దేశవ్యాప్తంగా ప్రస్తుతం ఉన్న పరిణామాలను గమనిస్తే.. ఉత్తరాది రాష్ట్రాల్లో ప్రధాన మంత్రి నరేంద్ర మోడీ ఇమేజ్కు యువత పెద్ద ఎత్తున…
సూపర్ స్టార్ కృష్ణ మనవడు జయకృష్ణ డెబ్యూ ఫలితం తేలిపోయింది. కుర్రాడి నటనకు కాసిన్ని ప్రశంసలు దక్కినప్పటికీ కంటెంట్ పరంగా…
త్వరలోనే ఏపీలో స్థానిక సంస్థల ఎన్నికలకు తెరదీయనున్నారు. సెప్టెంబరు-అక్టోబరు మధ్య మునిసిపాలిటీ… నవంబరు-డిసెంబరు మధ్య కార్పోరేషన్లు, జనవరిలో పంచాయతీ ఎన్నికలు…
శ్రీలంకతో జరగబోయే రెండు టెస్టుల సిరీస్ నుంచి బుమ్రా గాయం కారణంగా తప్పుకున్నాడు. అయితే అతని స్థానంలో సీనియర్ బౌలర్…
ప్రధాని నరేంద్ర మోదీ వీడియోను ఫేస్బుక్ నుంచి తొలగించిన వ్యవహారంపై కేంద్ర ప్రభుత్వం స్పందించింది. సోషల్ మీడియా దిగ్గజం మెటా…