ప‌వ‌న్ క‌ళ్యాణ్‌.. ఏం మెయింటైన్ చేస్తున్నాడ‌బ్బా

ప‌వ‌ర్ స్టార్ ప‌వ‌న్ క‌ళ్యాణ్ వ‌య‌సు ఇప్పుడు 51 ఏళ్లు. ఆయ‌నకు సినిమాల మీద పూర్తి ఫోక‌స్ ఏమీ లేదు. ప్ర‌ధానంగా రాజ‌కీయాల మీదే దృష్టిపెట్టాడు. వీలు చిక్కిన‌పుడు సినిమాలు చేస్తున్నాడు. అయిన‌ప్ప‌టికీ ఫుల్ టైం సినిమాలు చేసే, ఫిట్నెస్-అందం మీద ఎంతో ఫోక‌స్ పెట్టే హీరోల‌ను మించి ఈ వ‌య‌సులో ప‌వ‌న్ మెయింటైన్ చేస్తున్న గ్లామ‌ర్ అంద‌రినీ ఆశ్చ‌ర్యానికి గురి చేస్తోంది. త‌న‌కంటే వ‌య‌సులో త‌క్కువ ఉన్న హీరోల‌ను మించిన ఛార్మ్ ప‌వ‌న్‌లో క‌నిపిస్తోందిప్పుడు.

తాజాగా పెండింగ్‌లో ఉన్న హ‌రిహ‌ర వీర‌మ‌ల్లు సినిమా కొత్త షెడ్యూల్ మొద‌లుపెట్ట‌డం కోసం ముందుగా నిర్వ‌హిస్తున్న వ‌ర్క్ షాప్‌లో పాల్గొంటున్నాడు ప‌వ‌న్. దీనికి సంబంధించి ఒక వీడియోను చిత్ర బృందం షేర్ చేసింది. అందులో ప‌వ‌న్ ముఖంలో గ్లో చూసి అంద‌రూ షాకైపోయారు.

కెరీర్లో వెన‌క్కి వెళ్లి పాత రోజుల‌ను గుర్తు తెచ్చుకునేలా ఉంది ప‌వ‌న్ లుక్. లైట్‌గా గ‌డ్డం పెంచి, కాస్త జులపాల జుట్టుతో చాలా ఆక‌ర్ష‌ణీయంగా క‌నిపించాడు ప‌వ‌న్ కొత్త లుక్‌లో. ప‌వ‌న్ వేసుకున్న జీన్స్, టీష‌ర్ట్ సింపుల్‌గా అనిపిస్తూనే.. చాలా ట్రెండీగా ఉండ‌డంతో ఈ ఫొటోల‌ను అభిమానులు సోష‌ల్ మీడియాలో తెగ షేర్ చేస్తున్నారు. వాటినే డీపీలుగా మార్చుకుంటున్నారు. 51 ఏళ్ల‌లో ప‌వ‌న్ మెయింటైన్ చేస్తున్న ఫిట్నెస్, అందం చూసి వేరే హీరోలు అసూయ చెందుతుంటే ఆశ్చ‌ర్యం లేదు అనిపించేట్లుగా ఉన్నాయి అత‌డి ఫొటోలు.

హ‌రిహ‌ర వీర‌మ‌ల్లుకు సంబంధించి అప్‌డేట్ ఇవ్వ‌డం అభిమానులకు ఒక ఆనంద‌మైతే.. ప‌వ‌న్ ఇంత ఆక‌ర్ష‌ణీయ‌మైన లుక్‌లో క‌నిపించ‌డం వారి ఆనందాన్ని ఇంకా పెంచుతోంది. మ‌రి కొన్ని రోజుల్లోనే హ‌రిహ‌ర వీర‌మ‌ల్లు కొత్త షెడ్యూల్ మొద‌లు కాబోతోంది. మరి సినిమాలో ప‌వ‌న్ ఇంకెంత అందంగా క‌నిపిస్తాడో చూడాలి.