ఏళ్ళ తరబడి స్క్రిప్ట్ రాసి షూటింగ్ చేసి విడుదల కోసం రెండు సంవత్సరాలకు పైగా ఎదురు చూసిన లాల్ సింగ్ చడ్డా అమీర్ ఖాన్ కెరీర్ లోనే బిగ్గెస్ట్ డిజాస్టర్ గా మిగలడమే కాదు బాలీవుడ్ బయ్యర్లకు ఇప్పుడప్పుడే మర్చిపోలేని పీడకలగా మిగిలిపోయింది. నష్టాలను కొంత వరకు భర్తీ చేసేందుకు ప్రయత్నాలు జరిగాయి కానీ అవెంత నెరవేరాయో బయటికి రాలేదు. ఇదంతా ఒక ఎత్తయితే ఇంత కాలానికి బాలీవుడ్ డెబ్యూ చేసిన మన నాగ చైతన్యకు కూడా ఇది బ్యాడ్ లాంచ్ గా మిగిలిపోవడం అక్కినేని ఫ్యాన్స్ కి ఇంకా బాధ కలిగించింది. ఇప్పట్లో దాన్ని మర్చిపోవడం కష్టమే.
ఎప్పుడో 90 దశకంలో వచ్చిన ఫారెస్ట్ గంప్ ని ఖంగాళీ చేసుకున్న తర్వాత కూడా అమీర్ ఖాన్ కు ఫారిన్ రీమేకుల మీద మనసు పోలేనట్టుంది. తిరిగి ఇంకో విదేశీ చిత్రాన్ని ఎంచుకున్నాడని ముంబై టాక్. 2018లో వచ్చిన స్పానిష్ మూవీ క్యాంపియన్స్ ని హిందీలో చేయబోతున్నాడట. దీనికి సంబంధించిన మ్యూజిక్ సిట్టింగ్స్ శంకర్ ఎహసాన్ లాయ్ త్రయంతో ఆల్రెడీ మొదలయ్యాయని సమాచారం. దర్శకుడు ఆర్ఎస్ ప్రసన్న. ఇతను గతంలో శుభ్ మంగళ్ సావధాన్ అనే ఎంటర్ టైనర్ తీశాడు. కేవలం పాతిక కోట్లతో తీస్తే డెబ్భై కోట్లు రాబట్టిన సూపర్ హిట్ ఇది.
అందుకే అతనికే ఈ బాధ్యతలు అప్పగించారని తెలిసింది. ఇదో కామెడీ డ్రామా. కమర్షియల్ ఎలిమెంట్స్ పెద్దగా ఉండవు. యాక్షన్ ఎలిమెంట్స్ అసలే లేవు. అయినా అమీర్ దీన్ని ఎంచుకోవడానికి ప్రత్యేక కారణం ఏముందో తెలియాలంటే అది వచ్చే దాకా ఆగాలి. 2023 జనవరిలో స్టార్ట్ అవుతుందట. ఈసారి ఎంత టైం తీసుకుంటారో చూడాలి. అయినా రీమేకుల ప్రవాహం హిందీ నుంచి తెలుగు దాకా అన్ని భాషల్లో ఉన్నదే కానీ మన ఆడియన్స్ నేటివిటీకి తగ్గట్టు ఉన్నాయో లేదో ఒకటికి రెండుసార్లు చెక్ చేసుకుని దిగితే బాగుంటుంది. లేదంటే లాల్ సింగ్ చడ్డాలు రిపీట్ అవుతూనే ఉంటాయి.
This post was last modified on September 29, 2022 7:31 am
పచ్చగా సాగుతున్న వైసీపీ కాపురంలో కాపు ఉద్యమనేత ముద్రగడ పద్మనాభం చిచ్చుపెడుతున్నాడా ? పార్టీకి ఆయన వ్యాఖ్యలు బలం చేకూర్చకపోగా చేటు చేస్తున్నాయా…
మెగా ఫ్యామిలీ హీరోనే అయినప్పటికీ అల్లు అర్జున్ విషయంలో చాలా ఏళ్ల నుంచి పవన్ కళ్యాణ్ అభిమానుల్లో వ్యతిరేకత ఉంది.…
దర్శకధీర రాజమౌళి, యంగ్ టైగర్ జూనియర్ ఎన్టీఆర్ మధ్య ఎంత బంధం ఉందో చాలాసార్లు బయటపడిందే అయినా ప్రతిసారి కొత్తగా…
సరిగ్గా మూడేండ్ల క్రితం రూ.40 వేలు తులం ఉన్న బంగారం ధర ఇప్పుడు రూ.70 వేల మార్క్ ను దాటిపోయింది.…
టీడీపీ - జనసేన - బీజేపీ కలిసి కూటమి కట్టాక, కూటమి మేనిఫెస్టోలో చంద్రబాబు ఫొటోతోపాటు పవన్ కళ్యాణ్ ఫొటో…
ఎన్నికల వేడి తారాస్థాయిలో ఉండటం వల్ల పవన్ కళ్యాణ్ సినిమాల గురించి ఆలోచించడం లేదు కానీ అభిమానులు మాత్రం ఈ…