రావు ర‌మేష్ పెద్ద మ‌న‌సు

చాలామంది అన‌వ‌స‌రంగా అయిన దానికి కాని దానికి సినిమా వాళ్ల‌ను టార్గెట్ చేస్తుంటారు కానీ.. నిజానికి వాళ్ల‌ది పెద్ద మ‌న‌సే. ఛారిటీ విష‌యానికి వ‌స్తే.. మిగ‌తా రంగాల వాళ్ల కంటే వాళ్లు ముందుంటారు. త‌మ‌ను న‌మ్ముకున్న వారిని అన్ని ర‌కాలుగా ఆదుకుంటూ ఉంటారు.

ఐతే కొంద‌రు పావ‌లా సాయం చేసి రూపాయి ప‌బ్లిసిటీ చేసుకుంటారు కానీ.. మ‌రికొంద‌రు మాత్రం పెద్ద సాయాలు చేసి ప‌బ్లిసిటీ దూరంగా ఉంటారు. సీనియ‌ర్ న‌టుడు రావు ర‌మేష్ (Rao Ramesh) ఈ మ‌ధ్య అలాంటి సాయ‌మే చేసి మీడియా కంట్లో ప‌డ‌కుండా ఉండిపోయారు. త‌న ద‌గ్గ‌ర దీర్ఘ కాలంగా మేక‌ప్ మ్యాన్‌గా ప‌ని చేసి.. ఇటీవ‌ల ఓ ప్ర‌మాదంలో చ‌నిపోయిన బాబు అనే వ్య‌క్తి కుటుంబాన్ని రావు ర‌మేష్ ఆదుకున్నారు.

ఆ కుటుంబానికి ఏకంగా రూ.10 ల‌క్ష‌ల రూపాయ‌ల సాయం చేశారు. ఈమేర‌కు ఆయ‌న చెక్కు అంద‌జేశారు. దీంతో పాటు అన్ని విధాలుగా కుటుంబానికి అండ‌గా ఉంటాన‌ని రావు ర‌మేష్ హామీ ఇచ్చారు. వేల‌ల్లో సాయం చేసి కూడా పెద్ద ఎత్తున ప‌బ్లిసిటీ చేసుకునే వాళ్లుంటారు. కానీ త‌న మేక‌ప్ మ్యాన్ చ‌నిపోతే రూ.10 ల‌క్ష‌ల సాయం అంద‌జేసి, ప‌బ్లిసిటీ చేసుకోక‌పోవ‌డంలో రావు ర‌మేష్ గొప్ప‌ద‌నం అర్థం చేసుకోవ‌చ్చు.

దిగ్గ‌జ న‌టుడు రావు గోపాల్రావు త‌న‌యుడు అయిన‌ప్ప‌టికీ.. చాన్నాళ్లు ఆయ‌న తండ్రి పేరు వాడుకోలేదు. రావు గోపాల్రావు త‌న‌యుడు అని చాలాకాలం జ‌నాల‌కు తెలియ‌నివ్వ‌లేదు. సొంతంగా క‌ష్ట‌ప‌డి న‌టుడిగా ఎదిగారు. తండ్రికి త‌గ్గ త‌న‌యుడు అనిపించుకున్నారు. ప్ర‌స్తుతం ద‌క్షిణాదిన మోస్ట్ వాంటెడ్ క్యారెక్ట‌ర్ ఆర్టిస్ట్ క‌మ్ విల‌న్‌గా కొన‌సాగుతున్నారు.