టాలీవుడ్ యువ కథానాయకుడు శర్వానంద్కు గొప్ప ఊరటనిచ్చిన సినిమా ఒకే ఒక జీవితం. వరుసగా ఆరు పరాజయాల తర్వాత ఈ చిత్రం అతడికి ఉపశమనాన్నిచ్చింది. పెద్దగా అంచనాలు లేకుండా రిలీజవడం వల్ల పెద్దగా ఓపెనింగ్స్ రాలేదు కానీ.. సినిమాకు పాజిటివ్ టాక్ రావడంతో తొలి రోజు సాయంత్రం నుంచే సినిమా పుంజుకుంది. శని, ఆదివారాల్లో ఒకే ఒక జీవితంకు మంచి వసూళ్లే వచ్చాయి.
కానీ సినిమాకు వచ్చిన టాక్ ప్రకారం చూస్తే లాంగ్ రన్ ఉంటుందని అంచనా వేశారు. వీక్ డేస్లో కూడా ఈ చిత్రం బలంగా నిలబడుతుందనుకున్నారు. కానీ గత నెలలో బింబిసార, సీతారామం, కార్తికేయ-2 చిత్రాల మాదిరి ఈ సినిమా మ్యాజిక్ చేయలేకపోయింది. థియేటర్లను జనాలతో నింపలేకపోతోంది.
ఒకే ఒక జీవితం థియేటర్లు వీక్ డేస్లో ఓ మోస్తరు ఆక్యుపెన్సీతో కనిపిస్తున్నాయి. గత నెలలో సినిమాల మాదిరి ఇది జనాలను పెద్ద ఎత్తున ఆకర్షించలేకపోవడం ఆశ్చర్యం కలిగించే విషయమే. సినిమాలో సెంటిమెంట్ డోస్ కొంచెం ఎక్కువ కావడం, సినిమా నెమ్మదిగా నడవడం మైనస్ అయి ఉండొచ్చు. ఐతే ఇటు తెలుగులో, అటు తమిళంలో సినిమా బ్రేక్ ఈవెన్ అయ్యే ఛాన్సులైతే ఉన్నాయి. పెద్దగా లాభాలు ఆశించడానికైతే లేదు.
కానీ చాలా మంచి టాక్ తెచ్చుకోవడం వల్ల సినిమాకు వేరే రకమైన ప్రయోజనం ఉంది. ఈ సినిమా డిజిటల్, శాటిలైట్ రైట్స్ను నిర్మాతలు విడుదలకు ముందు అమ్మేయలేదు. సినిమా మీద నమ్మకంతో అట్టిపెట్టుకున్నారు. శర్వా మార్కెట్ దెబ్బ తిన్న దృష్ట్యా విడుదలకు ముందు అయిన కాడికి ఆ హక్కులను అమ్మాల్సి వచ్చేది. ఇప్పుడు సినిమాకు మంచి టాక్ రావడంతో డిజిటల్, శాటిలైట్ రైట్స్కు మంచి డిమాండ్ ఏర్పడింది. రీమేక్ రైట్స్ కోసం కూడా డిమాండ్ ఉండొచ్చు. వీటి ద్వారా నిర్మాత మంచి ఆదాయమే అందుకునేలా ఉన్నాడు.
This post was last modified on September 14, 2022 9:14 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…