రంగంలోకి దిగిన సురేష్ బాబు…డైరెక్టర్ కి క్లాస్ ?

కొన్ని సినిమాలకు సంబంధించి ప్రమోషన్స్ కి దర్శకులు దూరంగా ఉంటారు. మీడియా ముందు వచ్చి మాట్లాడటం కొందరికి కాస్త ఇబ్బంది ఉంటుంది. అదొక కారణం అయితే , షూటింగ్ లో వచ్చే గొడవలు మరో కారణం. అయితే రెండో కారణం చేత సుధీర్ వర్మ తను డైరెక్ట్ చేసిన ‘శాకిని డాకిని’ సినిమా ప్రమోషన్స్ లో కనిపించడం లేదనే రూమర్ ఉంది. దీనికి ఇది వరకే సూచాయగా క్లారిటీ ఇచ్చింది నిర్మాత సునీత.

అయితే తాజాగా మరోసారి ఆమె డైరెక్టర్ సుధీర్ వర్మ గురించి మాట్లాడారు. సినిమా ప్రమోషన్స్ లో భాగంగా మీడియాతో ఇంట్రాక్ట్ అవుతూ మా డైరెక్టర్ ప్రమోషన్స్ లో కనిపించకపోవడానికి ప్రధాన కారణం అతను రవితేజతో పెద్ద సినిమా చేస్తుండటమే. ఆ సంగతి ఇది వరకే చెప్పాము. ఇప్పుడు ఆయన ఈ నెల 15 నుండి సినిమా ప్రమోషన్స్ లో కనిపిస్తారు అంటూ చెప్పుకున్నారు. ఈ నెల 14 వరకు ఆయనకి రావణాసుర షూట్ ఉంది. అందుకే మొన్న ప్రీ రిలీజ్ ఈవెంట్ కి కూడా రాలేదు. 15 నుండి మాతో పాటు సుధీర్ కూడా సినిమాను ప్రమోట్ చేస్తాడని చెప్తూ మరోసారి క్లారిటీ ఇచ్చింది.

సుధీర్ వర్మ ప్రీ రిలీజ్ ఈవెంట్ కి రాలేనంత బిజీ ఆ? అనేది ఇక్కడ మాట్లాడుకోవాలి. చేతిలో పెద్ద సినిమా ఉంది సరే షూటింగ్ ఫినీష్ అయ్యాక తను డైరెక్ట్ చేసిన ఫంక్షన్ కి వచ్చి నాలుగు మాటలు చెప్పలేనంత బిజీ గా వున్నడా? అయినా ఈ సినిమా విషయంలో డైరెక్టర్ సుధీర్ వర్మ హార్ట్ అయ్యాడనేది క్లియర్ గా తెలుస్తోంది. లోలోపల ఏం జరిగిందో తెలియదు కానీ ఈ సినిమా గురించి చెప్పుకోవడానికి అతను ఆసక్తి చూపించడం లేదు. రిలీజ్ అయిన కొత్త సినిమా గురించి చెప్తూ ట్వీట్ చేశాడు కానీ శాకిని డాకిని రిలీజ్ గురించి ఒక్క ట్వీట్ కూడా వేయలేదు. లేటెస్ట్ గా సురేష్ బాబు ఇన్వాల్వ్ అవ్వడం సుధీర్ వర్మ తో మాట్లాడటం జరిగిందని భోగట్టా.

బహుశా సురేష్ బాబు ఇన్వాల్వ్ అవ్వడం వల్ల సుధీర్ ప్రమోషన్స్ లో పాల్గొన్ననున్నాడు కాబోలు. ఏదేమైనా రిలీజ్ కి ఒక్కరోజు ముందు సుధీర్ ప్రమోషన్స్ లో పాల్గొంటే ఏమవుతుంది ? ముందు నుండి ప్రమోషన్స్ లో పార్టిసిపెంట్ చేసి తన రాపో తో రవితేజ లాంటి హీరోను ప్రీ రిలీజ్ ఈవెంట్ కి పిలిస్తే ఎంతో కొంత బజ్ ఉండేది. మరి చూడాలి సుధీర్ మీడియా ముందుకొచ్చి వీటన్ని గురించి డైరెక్టర్ క్లారిటీ ఇస్తాడేమో.