శింబు హీరోగా గౌతమ్ మీనన్ దర్శకత్వంలో రూపొందిన వెందు తనిన్దాతు కాడు తెలుగులో ది లైఫ్ అఫ్ ముత్తుగా ఈ నెల 15న విడుదల కాబోతున్న సంగతి తెలిసిందే. ఆల్రెడీ బుకింగ్ యాప్స్ లో టికెట్ల అమ్మకాలు కూడా మొదలుపెట్టేశారు. అంతా సవ్యంగా ఉందని ఎదురు చూస్తున్న తరుణంలో సాంకేతిక కారణాల వల్ల రెండు రోజులు ఆలస్యంగా టాలీవుడ్ వెర్షన్ ని రిలీజ్ చేయబోతున్నట్టు ఇక్కడి హక్కులు సొంతం చేసుకున్న స్రవంతి మూవీస్ అఫీషియల్ గా ప్రకటించింది. తమిళంలో మాత్రం ముందు చెప్పిన డేట్ కే వస్తుంది. ఎటొచ్చి డబ్బింగ్ దే ఆలస్యం.
సకాలంలో అనువాద కార్యక్రమాలు పూర్తి కాకపోవడం వల్లే ఈ వాయిదా తప్పలేదని వినికిడి. నిజానికి ఈ డీల్ కేవలం ఒక వారం ముందు జరిగింది. కనీసం ప్రమోషన్ చేయడానికి తగినంత టైం లేని ఒత్తిడిలో నిర్మాత రవి కిషోర్ లైఫ్ అఫ్ ముత్తుని కొన్నారు. అది కూడా శింబుకి మంచి స్నేహితుడైన హీరో రామ్ రికమండేషన్ తోనే ఇదంతా జరిగిందనే టాక్ ఉంది. శింబుకి ఇక్కడ మార్కెట్ లేదు. ఏదో ఆషామాషీగా సినిమా వదలితే ఓపెనింగ్స్ కష్టమే. ఏదో కంటెంట్ మీద నమ్మకంతో ధైర్యం చేశారు కానీ పోస్టర్లు, టీజర్ హైప్ తెచ్చేలా లేవు.
గతంలో మానాడు విషయంలోనూ అచ్చం ఇలాగే జరిగింది. ఉదయం షో పడతాయి అనంగా ఉన్నట్టుండి షోలు రద్దు చేశారు. కట్ చేస్తే అసలు రిలీజే కాలేదు. తర్వాత కొంత కాలానికి సురేష్ సంస్థ రీమేక్ హక్కులను కొనేసింది. ఇంకా మొదలుపెట్టలేదు కానీ ఈలోగా ఓటిటిలో తెలుగు ఆడియోతో సహా వచ్చినప్పుడు మన ఆడియన్స్ చూసి ఎంజాయ్ చేశారు. ఇప్పుడు ది లైఫ్ అఫ్ ముత్తుకి ఆ సమస్య రాదు కానీ రెండు రోజులు లేట్ అంటే ఈలోగా కోలీవుడ్ నుంచి రిపోర్టులు రివ్యూలు వచ్చేస్తాయి. అవి పాజిటివ్ గా ఉంటే ప్లస్ అవుతుంది. లేదూ అంటే అదో కొత్త ఇబ్బంది. చూడాలి మరి ఏం జరుగుతుందో.
This post was last modified on September 14, 2022 6:41 am
రాజకీయాలు మారాయి. ఒకప్పుడు భర్తలు ఎన్నికల రంగంలో ఉంటే.. భార్యలు ఉడతా భక్తిగా ప్రచార కార్యక్రమాలు చూసుకునే వారు. అది…
ఎదురుచూసేకొద్దీ బాక్సాఫీస్ కు జోష్ ఇచ్చే సినిమాలు రావడం అంతకంతా ఆలస్యమవుతూనే ఉంది. థియేటర్లు వెలవెలబోతున్నాయి. తెగుతున్న సింగల్ డిజిట్…
రాజకీయంగా చైతన్యం ఉన్న రాష్ట్రం తెలంగాణ. అటు క్రికెట్ అయినా.. ఇటు రాజకీయాలైనా.. తెలంగాణ లో హాట్ టాపిక్కే. ఇక్కడ…
సౌత్ ఇండియన్ ఫిలిం ఇండస్ట్రీలో చేసిన రెండు సినిమాలతోనే చాలా ప్రామిసింగ్గా అనిపించిన వారసుల్లో ధ్రువ్ విక్రమ్ ఒకడు. అర్జున్…
సుకుమార్ లాంటి స్టార్ డైరెక్టర్ తీసే సినిమాలో.. ఓ పెద్ద హీరో నటించినపుడు చిన్న సన్నివేశమైనా సరే సుక్కునే తీయాల్సి…
ఆంధ్రప్రదేశ్ మంత్రి రోజా చాలా ఏళ్ల పాటు జడ్జిగా వ్యవహరించిన జబర్దస్త్ షోలో స్కిట్లు చేసే కమెడియన్లతో ఆమెకు మంచి…