సూపర్ స్టార్ రజినీ సినిమా వేడుక‌ల‌కు రావ‌డం.. వ‌చ్చినా ఎక్కువ మాట్లాడ‌డం త‌క్కువ. కానీ మాట్లాడాడంటే ఆయ‌న ప్ర‌సంగాలు చాలా ఆస‌క్తిక‌రంగా, ఎంట‌ర్టైనింగ్‌గా ఉంటాయి. రోబో రిలీజ్ టైంలో త‌న మీద తాను జోకులు వేసుకుంటూ.. ఐశ్వ‌ర్యారాయ్‌కి ఎలివేష‌న్ ఇస్తూ చేసిన ప్ర‌సంగం బ్లాక్బస్టర్ అనే చెప్పాలి. ఆ వీడియో ఇప్ప‌టికీ యూట్యూబ్‌లో ట్రెండ్ అవుతూ ఉంటుంది.
తాజాగా పొన్నియ‌న్ సెల్వ‌న్ ఆడియో, ట్రైల‌ర్ లాంచ్ ఈవెంట్‌కు ముఖ్య అతిథుల్లో ఒక‌డిగా వ‌చ్చిన రజినీ.. దాన్ని మించిన ఎంట‌ర్టైనింగ్ స్పీచ్‌తో అంద‌రి క‌డుపులు చెక్క‌ల‌య్యేలా చేశాడు. మ‌ణిర‌త్నంతో తాను చేసిన ద‌ళ‌ప‌తి సినిమా అనుభ‌వాల గురించి ఆయ‌న చాలా ఆస‌క్తిక‌ర విష‌యాలు చెప్పాడీ ప్ర‌సంగంలో.
ద‌ళ‌ప‌తి సినిమా షూట్ రేపు అన‌గా తాను ముందు రోజు ముంబ‌యిలో ఒక హిందీ ఫిలిం షూటింగ్ ముగించుకుని అర్ధ‌రాత్రి వ‌చ్చాన‌ని.. ఉద‌యం షూట్ కోసం రెడీ అవుతుండ‌గా మేక‌ప్ మ్యాన్‌ను మేక‌ప్ వేయ‌మ‌ని అడ‌గ్గా.. త‌న పాత్ర‌కు మేక‌ప్ అవసరం లేద‌ని చెప్పాడ‌న్నాడు.
ఐతే మ‌మ్ముట్టి కాంబినేషన్లో సీన్ చేయాల్సి ఉండ‌గా.. అత‌ను యాపిల్లాగా ఉంటాడ‌ని, త‌న‌తో క‌లిసి మేక‌ప్ లేకుండా సీన్ చేస్తే అమావాస్య-పౌర్ణ‌మి లాగా ఉంటుంద‌ని చెప్పి సింపుల్‌గా అయినా మేక‌ప్ వేయ‌మ‌ని చెప్పిన‌ట్లు రజినీ అన‌గానే ఆడిటోరియం గొల్లుమంది. ఇక త‌న కోసం తెచ్చిన డ్రెస్ లూజుగా ఉండ‌డంతో టైల‌ర్‌కు చెప్పి టైట్ చేయించానని.. మేక‌ప్, ఆ డ్రెస్ వేసుకుని సెట్‌కు వెళ్ల‌గా మ‌ణిర‌త్నంతో పాటు అంద‌రూ ఆశ్చ‌ర్యంగా చూశార‌ని.. అంత‌లో శోభ‌న వ‌చ్చి ఈ సినిమా నుంచి నిన్ను తీసేసి క‌మ‌ల్ హాస‌న్‌ను పెట్టాల‌ని మాట్లాడుకుంటున్నార‌ని త‌న‌ను టెన్ష‌న్ పెట్టేలా మాట్లాడింద‌ని రజినీ వెల్ల‌డించాడు.
ఇక షూటింగ్ సంద‌ర్భంగా తాను ఏ సీన్‌కు ఏ ఎక్స్‌ప్రెష‌న్ ఇచ్చినా మ‌ణిర‌త్నంకు న‌చ్చ‌లేద‌ని.. ప్రతి సీన్‌కు 10-12 టేక్‌లు ప‌ట్టేవ‌ని.. దీంతో ఏం చేయాలో అర్థం కాక క‌మ‌ల్‌కు ఫోన్ చేశాన‌ని రజినీ తెలిపాడు. ఇలా అవుతుంద‌ని తాను ముందే ఊహించాన‌ని చెప్పిన క‌మ‌ల్.. ఏ సీన్ అయినా ముందు మ‌ణిర‌త్నంనే న‌టించి చూపించ‌మని అడిగి, ఆయ‌న ఎలా చేస్తే అలా చేసేయ‌మ‌ని స‌ల‌హా ఇచ్చాడ‌ని.. తాను అదే ఫాలో అయిపోవ‌డంతో గ‌ట్టెక్కిపోయాన‌ని రజినీ తెలిపాడు. ఇదంతా రజినీ చెబుతుండ‌గా.. క‌మ‌ల్ ఆయ‌న ప‌క్క‌నే ఉండ‌డం.. మ‌ణిర‌త్నం స‌హా ఆడిటోరియంలో ఉన్న వారంతా క‌డుపు చెక్క‌ల‌య్యేలా న‌వ్వుకోవ‌డం విశేషం.
This post was last modified on September 8, 2022 6:17 pm
రాజ్యాంగం కల్పించిన ఓటు హక్కును ప్రతి ఒక్కరూ వినియోగించుకోవాల్సిన అవసరం వుంది. అయితే బాధ్యాయుతమైన ఒక ప్రతిపక్ష నాయకుడు ఓటు…
ఎన్నో ఏళ్ల పాటు సరైన విజయం లేక ఇబ్బంది పడ్డ తమిళ సూపర్ స్టార్ సూర్య.. ఈ ఏడాది రెండు…
అనంతపురం జిల్లాలోని రాప్తాడులో పదో తరగతి బాలికపై తరగతి గదిలోనే అత్యంత పాశవికంగా ఒక ఉన్మాది ఎలక్ట్రికల్ రంపం(చైన్ సా)తో…
‘రంగస్థలం’ లాంటి కల్ట్ బ్లాక్బస్టర్ అందించిన రామ్ చరణ్, సుకుమార్ కాంబినేషన్లో కొత్త సినిమా కోసం చాన్నాళ్లుగా ఎదురు చూస్తున్నారు…
వైసీపీ అధినేత, మాజీ సీఎం జగన్.. పులివెందుల నియోజ‌క‌వ‌ర్గంలోని బ‌కారాపురంలో హ‌ల్చ‌ల్ చేశారు. ప్ర‌స్తుతం జ‌రుగుతున్న స్థానిక సంస్థ‌ల ఎన్నిక‌లను…
వైసీపీ అధినేత జ‌గ‌న్‌కు చేదు అనుభవం ఎదురైంది. పులివెందుల‌లో ప‌ర్య‌టించేందుకు వ‌చ్చిన జ‌గ‌న్‌కు అనూ హ్యంగా వివేకానంద‌రెడ్డి హ‌త్య కేసులో…