తెలుగు రాష్ట్రాల్లో ఇటీవల ‘రీ రిలీజ్’ హంగామా నడుస్తోంది. పెద్ద హీరోల పుట్టిన రోజును పురస్కరించుకుని వాళ్ల కెరీర్లలో అతి పెద్ద విజయాలు సాధించిన సినిమాలను స్పెషల్ షోలుగా వేయడం ఎప్పట్నుంచో ఉన్న సంప్రదాయమే కానీ.. ఈ ఏడాది మాత్రం అవి కనీ వినీ ఎరుగనంత భారీ స్థాయిలో ప్లాన్ చేశారు. ముందుగా మహేష్ బాబు పుట్టిన రోజును పురస్కరించుకుని ‘పోకిరి’, ‘ఒక్కడు’ చిత్రాలకు భారీగా షోలు వేయడం.. కళ్లు చెదిరే రికార్డులు నమోదవడం చర్చనీయాంశం అయింది.
ముఖ్యంగా పోకిరి మూవీకి తెలుగు రాష్ట్రాల్లోనే కాక సౌత్ ఇండియన్ మేజర్ సిటీస్లో, అలాగే యుఎస్లో 370కి పైగా షోలు వేయడం, కోటిన్నరకు పైగా గ్రాస్ రావడం సంచలనం రేపింది. ఇప్పుడు పవన్ కళ్యాణ్ పుట్టిన రోజును సందర్భంగా ‘జల్సా’కు స్పెషల్ షోలు వేయగా.. ‘పోకిరి’ రికార్డులన్నీ బద్దలైపోయాయి. దీనికి షోలు, అలాగే కలెక్షన్లు మరింత పెరిగాయి. దీంతో కొత్త రికార్డులు నమోదయ్యాయి.
‘పోకిరి’ షోల సందర్భంగా మహేష్ అభిమానులు.. ‘జల్సా’ షోల టైంలో పవన్ ఫ్యాన్స్ చేసిన హంగామా అంతా ఇంతా కాదు. థియేటర్లలో సెలబ్రేషన్స్ వేరే లెవెల్ అనిపించాయి. ఈ యుఫోరియా చూసి వేరే ఇండస్ట్రీల వాళ్లు కూడా అవాక్కయ్యారు. తెలుగు హీరోల ఫ్యాన్స్ రేంజే వేరని కొనియాడారు. వేరే హీరోల అభిమానులు కూడా తామూ ఇలాగే సెలబ్రేట్ చేసుకోవాలనుకున్నారు. ఇంత వరకు బాగానే ఉంది. కానీ ఈ స్పెషల్ షోల సందర్భంగా అభిమానుల అత్యుత్సాహం ఇప్పుడు విమర్శలకు దారి తీస్తోంది.
‘పోకిరి’ షోల సందర్భంగా కొన్ని చోట్ల థియేటర్లు ధ్వంసమయ్యాయి. ముఖ్యంగా కాకినాడలో ఒక థియేటర్కు జరిగిన నష్టం చూసి ఇకపై ఇలాంటి స్పెషల్ షోలు వేయొద్దని అక్కడి ఎగ్జిబిటర్లందరూ కలిసి నిర్ణయం తీసుకున్నారు. దీంతో ‘జల్సా’ షోల టైంలో అభిమానులు హద్దులు దాటి ప్రవర్తించవద్దని విన్నపాలు కూడా వెళ్లాయి. అయినా పవన్ ఫ్యాన్స్ జాగ్రత్త పడలేదు. వైజాగ్లోని లీలా మహల్ థియేటర్ను దారుణంగా దెబ్బ తీశారు. స్క్రీన్ చింపేశారు. సీట్లు విరిచేశారు. ఆ థియేటర్కు లక్షల్లో నష్టం వాటిల్లింది. దీని గురించి వాపోతూ థియేటర్ ప్రతినిధి మాట్లాడిన మాటలు కన్నీళ్లు తెప్పించేలా ఉన్నాయి.
జరిగిన నష్టం ఎవరు భర్తీ చేస్తారు.. థియేటర్ బాగయ్యే వరకు అందులో పని చేసే వారి ఉపాధి సంగతేంటి అంటుంటే అయ్యో అనిపిస్తోంది. ఇదంతా చూశాక కాకినాడ ఎగ్జిబిటర్ల తరహాలో రెండు తెలుగు రాష్ట్రాల్లో ఎగ్జిబిటర్లు ఆలోచిస్తే ఆశ్చర్యం లేదు. ఈ షోల వల్ల వచ్చే ఆదాయంటే జరిగే నష్టం ఎన్నో రెట్లు ఎక్కువగా ఉంటే ఎవరైనా ఏం చేస్తారు? థియేటర్లో సంబరాలు చేసుకోవడం వరకు ఓకే కానీ.. కాస్తయినా ఇంగితం లేకుండా స్క్రీన్లు, సీట్లు ధ్వంసం చేసే అభిమానులను ఏమనాలి? ఇలాంటి వాళ్ల వల్ల హీరో ఇమేజ్కు కూడా చాలా డ్యామేజ్ జరుగుతోందని గుర్తించడం అత్యావశ్యకం.
This post was last modified on September 3, 2022 3:59 pm
తెలుగు దర్శకుల్లో కొందరు మాత్రమే ఒక జనరేషన్ ని ప్రభావితం చేసే స్థాయిలో సినిమాలు తీస్తారు. ముఖ్యంగా కెరీర్ ప్రారంభంలో…
ఏ పార్టీ అయినా.. తీసుకునే నిర్ణయాలు.. చేసే ప్రకటనల విషయంలో ఆచి తూచి వ్యవహరించాలి. సమయం వచ్చిందనో.. సందర్భం చిక్కిందనో…
త్వరలో జరగనున్న స్థానిక ఎన్నికలను పూర్తిస్థాయిలో బ్యాలెట్ విధానంలోనే నిర్వహించాలని రాష్ట్ర ప్రభుత్వం నిర్ణయించింది. దీనికి ఎన్నికల సంఘం కూడా…
తెలంగాణా అధికార కాంగ్రెస్ పార్టీలో మంత్రి కొండా సురేఖ కుటుంబం సృష్టించిన దుమారం ఇంకా కొనసాగుతుంది. పరకాల సీటు విషయంలో…
సోషల్ మీడియాలో వైరల్ కావాలనే ఆలోచనతో యువత చేస్తున్న కొన్ని ప్రయత్నాలు ప్రాణాల మీదకు తెస్తున్నాయి. జార్ఖండ్లో రీల్ తీసుకునేందుకు…
మలయాళంలో చాలా మంచి పేరున్న స్టార్ హీరోల్లో నివిన్ పౌలీ ఒకడు. స్టార్ హీరో అన్న అహం లేకుండా చాలా…