హిందీలో బాగా పాపులర్ అయిన టీవీ షోల్లో ‘కాఫీ విత్ కరణ్’ ఒకటి. అగ్ర దర్శక నిర్మాత కరణ్ జోహార్ ఈ షోను నిర్వహిస్తుంటాడు. ఆరు సీజన్ల పాటు టీవీలో ప్రసారం అయిన ఈ షో.. ఇప్పుడు హాట్ స్టార్ ఓటీటీకి మారింది. కొత్త సీజన్ హాట్ హాట్గా నడుస్తూ వ్యూయర్స్ను బాగా ఎంగేజ్ చేస్తోంది. ఐతే ఈ షోలో బూతులు మరీ శ్రుతి మించుతున్నాయని, కరణ్ ఎప్పుడూ సెక్స్, అక్రమ సబంధాల చుట్టూ ప్రశ్నలు తిప్పుతూ విసిగిస్తున్నాడని విమర్శలు కూడా వ్యక్తమవుతున్నాయి.
మీరు ‘కాఫీ విత్ కరణ్’లో పాల్గొంటారా అని తాప్సిని అడిగితే.. ఆ షోకు వెళ్లేంత గొప్పగా నా శృంగార జీవితం లేదంటూ కౌంటర్ వేయడాన్ని బట్టి కరణ్ ప్రోగ్రాం ఎలా నడుస్తుందో అర్థం చేసుకోవచ్చు. తాప్సి లాంటి సెలబ్రెటీనే ఇలా అందంటే.. ఇక మామూలు జనాలు షో గురించి ఎలా మాట్లాడుకుంటారో ప్రత్యేకంగా చెప్పాల్సిన పని లేదు.
ఐతే ఈ వ్యతిరేకత, విమర్శల విషయంలో కరణ్ జోహార్ సరదాగా స్పందించాడు. తన షోను చాలామంది విమర్శించడానికే చూస్తున్నారని, తిట్టే వాళ్ల వల్లే షోకు వ్యూయర్ షిప్ పెరుగుతోందని అతనన్నాడు. ‘‘నా షో గురించి కొందరు చేస్తున్న విమర్శలకు నేను సమాధానం చెప్పాలి. ఇటీవల సోషల్ మీడియాలో నా షోను తిడుతూ చేసిన ఇన్స్టా రీల్స్ను చూసి ఆశ్చర్యపోయా. నేను కేవలం ఎంటర్టైన్మెంట్ కోసమే ఇన్నేళ్లుగా షోను నడిపిస్తున్నా.
ఐతే దీని పట్ల ద్వేషం చూపించేవాళ్లు ఉన్నారని తెలిసి ఆశ్చర్యపోయాను. వాళ్ల సమయాన్ని నా కోసం కేటాయిస్తున్నందుకు ఆనందంగా ఉంది. ఈ షోను తిట్టేవాళ్లే దీన్ని ఎక్కువగా చూస్తున్నారు’’ అని ఒక పత్రికకు ఇచ్చిన ఇంటర్వ్యూలో కరణ్ పేర్కొన్నాడు. ‘కాఫీ విత్ కరణ్’ కొత్త సీన్లో టాలీవుడ్ నుంచి సమంత, విజయ్ దేవరకొండ వేర్వేరు ఎపిసోడ్లలో పాల్గొన్న సంగతి తెలిసిందే. తాజా ఎపిసోడ్లో షాహిద్ కపూర్, కియారా అద్వానీ మెరవబోతున్నారు.
This post was last modified on August 25, 2022 3:45 pm
ఎన్నికల వేడి తారాస్థాయిలో ఉండటం వల్ల పవన్ కళ్యాణ్ సినిమాల గురించి ఆలోచించడం లేదు కానీ అభిమానులు మాత్రం ఈ…
కడప ఎంపీగా పోటీలో ఉన్న కాంగ్రెస్ పీసీసీ చీఫ్ వైఎస్ షర్మిల.. తాజాగా షాకింగ్ కామెంట్స్ చేశారు. తనను కడప…
పవర్ స్టార్ పవన్ కళ్యాణ్ కెరీర్ లోనే భారీ బడ్జెట్ ప్యాన్ ఇండియా మూవీగా రూపొందుతున్న హరిహర వీరమల్లు రెండు…
‘పవన్ కళ్యాణ్, చిరంజీవికి రక్తం పంచుకుని పుట్టిన తమ్ముడు కావొచ్చు.. కానీ, నేనూ ఆయనకి చెల్లెల్నే.. చిరంజీవి స్థాపించిన ప్రజారాజ్యం…
మీ భూమి మీది కాదు.! ఈ మాట ఇప్పుడు ఆంధ్ర ప్రదేశ్ రాష్ట్రంలో ఎక్కడ విన్నా చర్చనీయాంశమవుతోన్న మాట.! వైఎస్…
సౌత్ ఇండియన్ ఫిలిం హిస్టరీలో మురుగదాస్ది ప్రత్యేక స్థానం. కమర్షియల్ సినిమాల్లో కూడా వైవిధ్యం చూపిస్తూ.. అదే సమయంలో మాస్ను ఉర్రూతలూగిస్తూ…