బాయ్కాట్.. బాయ్కాట్.. ఈ మధ్య బాలీవుడ్లో ఏ పెద్ద సినిమా రిలీజవుతున్నా ఈ మాట వినిపిస్తోంది. సోషల్ మీడియాలో కొన్ని వర్గాలు అదే పనిగా బాలీవుడ్ సూపర్ స్టార్ల సినిమాలను టార్గెట్ చేస్తున్నాయి. ఈ హీరోలు హిందుత్వానికి వ్యతిరేకులని ఆరోపిస్తూ ఒక వర్గం, సుశాంత్ సింగ్ రాజ్పుత్ మరణానికి అక్కడి బడా హీరోలే కారణమంటూ ఇంకో వర్గం.. వీళ్లంతా ఒక్కటై హిందీ చిత్రాలను టార్గెట్ చేస్తున్నారు.
అదే పనిగా నెగెటివ్ హ్యాష్ ట్యాగ్స్ పెట్టి సినిమాలను కిల్ చేసే ప్రయత్నం చేస్తున్నారు. తాజాగా వీరి దెబ్బకు కుదేలైన సినిమా ‘లాల్ సింగ్ చడ్డా’. ఈ సినిమా ప్రేక్షకుల అంచనాలను అందుకోలేకపోయిన మాట వాస్తవం. కానీ విడుదలకు ముందే దీని మీద విపరీతమైన వ్యతిరేక ప్రచారం చేసి సినిమాకు ఓపెనింగ్స్ లేకుండా చేసింది ఈ బ్యాచ్. ఇలా ఈ ‘బాయ్కాట్’ బ్యాచ్ బారిన పడి దెబ్బ తిన్న వేరే సినిమాలు కూడా ఉన్నాయి. షంషేరా కూడా ఆ కోవలోనిదే. భవిష్యత్తులో మరిన్ని చిత్రాలు ఈ జాబితాలో చేరే సంకేతాలు కనిపిస్తున్నాయి.
ఐతే ఇలాంటి నెగెటివిటీ ఏమీ ఉండదనుకున్న ఓ సినిమా కూడా ఇప్పుడు ‘బాయ్కాట్’ బ్యాచ్కు టార్గెట్గా మారింది. ఆ చిత్రమే.. విక్రమ్ వేద. ఇందులో హృతిక్ రోషన్, సైఫ్ అలీ ఖాన్ లీడ్ రోల్స్ చేశారు. తమిళంలో ఇదే పేరుతో బ్లాక్బస్టర్ అయిన సినిమాకు రీమేక్ ఇది. ఈ బాయ్కాట్ బ్యాచ్ ముఖ్యంగా ఖాన్ హీరోలను టార్గెట్ చేస్తుండగా.. ‘విక్రమ్ వేద’లో సైఫ్ ఒక లీడ్ రోల్ చేయడం వారిలో సినిమా పట్ల కొంత వ్యతిరేకత ఇప్పటికే ఉంది.
ఐతే హృతిక్ రోషన్ కూడా ఇందులో ఇంకో హీరో కావడంతో ఆచితూచి వ్యవహరిస్తూ వచ్చారు. కానీ ఇప్పుడు హృతికే వారి టార్గెట్గా మారిపోయాడు. అందుకు అతనిచ్చిన ‘లాల్ సింగ్ చడ్డా’ రివ్యూనే కారణం. ఓవైపు ఈ సినిమా పట్ల బాయ్కాట్ బ్యాచ్ తీవ్ర స్థాయిలో వ్యతిరేక ప్రచారం చేస్తుంటే.. హృతిక్ ఆ సినిమా చూసి అద్భుతం అంటూ కొనియాడాడు. ఇది వాళ్లకు నచ్చలేదు. దీంతో ‘బాయ్కాట్ విక్రమ్ వేద’ అంటూ కొత్త హ్యాష్ ట్యాగ్ అందుకున్నారు. సినిమా రిలీజ్ టైంకి మరోసారి టార్గెట్ చేయడం ఖాయంగా కనిపిస్తోంది. మరి ఈ నెగెటివిటీని తట్టుకుని ‘విక్రమ్ వేద’ ఏమేర నిలబడుతుందో చూడాలి.
This post was last modified on August 15, 2022 2:38 pm
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…
ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…
కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్లోనూ ఉపయోగించే ఆలోచన…