నాలుగేళ్ల క్రితం సుధీర్ బాబుని హీరోగా పెట్టి దర్శకుడు ఇంద్రగంటి మోహన కృష్ణ ‘సమ్మోహనం’ అనే సినిమా చేశాడు. సినిమా బాగుందనే టాక్ తెచ్చుకున్నా ఫైనల్ గా రిజల్ట్ మేకర్స్ అనుకున్నట్టుగా రాలేదు. ఆ తర్వాత మళ్ళీ ఇంద్రగంటి సుధీర్ బాబు ను పెట్టి ‘వీ’ అనే థ్రిల్లర్ యాక్షన్ సినిమా చేశాడు. ఈసారి నానిని కూడా పెట్టుకున్నాడు. ఆ సినిమా రిజల్ట్ ఏమైందో అందరికీ తెలిసిందే. డైరెక్ట్ గా ఓటీటీలో విడుదలైన ఆ సినిమా ఫట్ అనిపించుకుంది. కాకపోతే ఓటీటీ డీల్ తో నిర్మాత దిల్ రాజు సేఫ్ అయ్యాడు.
ఇప్పుడు ఇంద్రగంటి – సుదీర్ బాబు కాంబోలో మరో సినిమా వస్తుంది. ఇటు కుర్ర హీరోకి అటు సీనియర్ దర్శకుడికి ఇద్దరికీ ఈ మధ్య సరైన హిట్ లేనందు వల్ల మళ్ళీ మళ్ళీ కలిసి సినిమాలు చేస్తున్నారు. అయితే ఈసారి ‘ఆ అమ్మాయి గురించి మీకు చెప్పాలి’ అనే సినిమాతో ప్రేక్షకుల ముందుకు రాబోతున్నారు ఈ ఇద్దరు. ఈసారి హీరోయిన్ గా కృతి శెట్టి ని తీసుకున్నారు. సినిమా సెప్టెంబర్ 16న రిలీజ్ అంటూ ప్రకటించారు. అంతా బాగానే ఉంది కానీ మేకర్స్ వదిలిన రిలీజ్ డేట్ పోస్టర్ చూస్తే మాత్రం ఓ సందేహం కలుగకమానదు.
అటు ఇటు చేసి మళ్ళీ ఇంద్రగంటి ‘సమ్మోహనం’ కథనే తీస్తున్నాడా ? అనేది డౌటు. దీనికి కారణం పోస్టర్ లో సుదీర్ బాబు మెగా ఫోన్ పట్టుకొని కృతి శెట్టి పక్కన పరిగెడుతుండటం, ఆ వెనుక సినిమా టెక్నీషియన్స్ కనిపించడమే. సమ్మోహనంలో సినిమా హీరోయిన్ ని ఇష్టపడే ఓ అబ్బాయి కథ చూపించి దాన్ని అందంగా మలిచాడు ఇంద్రగంటి. ఇప్పుడు ఆ అమ్మాయి గురించి మీకు చెప్పాలి పోస్టర్ చూస్తే కూడా మళ్ళీ సినిమా బ్యాక్ డ్రాప్ , హీరోయిన్ ప్రేమకథ ఇలా కొంతవరకూ సింక్ అనిపిస్తుంది. ఈసారి సుదీర్ బాబుని డైరెక్టర్ గా మార్చి మళ్లీ హీరోయిన్ తో ప్రేమకథే చెప్తారా ? అనే సందేహం కలుగుతుంది.
పోస్టర్ చూసి అదే కథ అని చెప్పలేం కానీ… పోలిక మాత్రం కొట్టొచ్చినట్టు కనిపిస్తోంది. చూడాలి మరి ఇంద్రగంటి ఈ కథలో ఆ అమ్మాయి గురించి కొత్తగా ఏం చెప్తారో ?
This post was last modified on August 11, 2022 12:35 am
ఒకప్పుడు భారత క్రికెట్‌లో లలిత్ మోదీ మాటకు ఎంతో విలువ ఉండేది. ఐపీఎల్‌ను ప్రారంభించి బీసీసీఐకి భారీ ఆదాయం వచ్చేలా…
లెజెండరీ డైరెక్టర్ కృష్ణవంశీ, సీనియర్ నటి రమ్యకృష్ణల వివాహ బంధం గురించి జనాలకు అనేక సందేహాలున్నాయి. వీళ్లిద్దరూ కలిసి జీవిస్తున్న…
క్యాన్సర్ చికిత్సలో దశాబ్దాలుగా కొనసాగుతున్న పరిశోధనలు ఇప్పుడు సరికొత్త మలుపు తిరుగుతున్నాయి. వ్యాధిని గుర్తించడం, కణితులను తొలగించడం, కీమోథెరపీ, రేడియేషన్…
మహానటి వచ్చి ఎనిమిది సంవత్సరాలు గడిచిపోయాయి. అయినా సరే దాని ప్రభావం ఇండస్ట్రీ మీద ఇంకా చూస్తూనే ఉంటాం. ఆ…
ఐకాన్ స్టార్ అల్లు అర్జున్, దర్శకుడు బోయపాటి శీను కలయికతో గతంలో సరైనోడు వచ్చింది. బన్నీ మాస్ ఇమేజ్ అమాంతం…
ఆంధ్రప్రదేశ్ ప్రజలకు ప్రకృతి మరోసారి పరీక్ష పెట్టబోతోందా? ఇప్పటికే రెండు తుఫానుల ప్రభావంతో అతలాకుతలమైన రాష్ట్రానికి ఇప్పుడు మూడో తుఫాను…