మాములుగా సంక్రాంతి పండక్కు మన సినిమాలు పందెం కోళ్లలా తలపడటం దశాబ్దాలుగా జరుగుతున్నదే. బొమ్మలో విషయం కొంత అటుఇటు ఉన్నా ఫెస్టివల్ పుణ్యమాని నిర్మాతలు గట్టెక్కిన సందర్భాలు ఎన్నో. అయితే ఆ సీజన్ అందరికీ దొరకదు. స్టార్ హీరోలు కర్చీఫ్ వేశాక మిగిలినవాళ్లకు ఛాన్స్ ఉండదు.
ఇప్పుడా క్రేజ్ క్రమంగా దసరాకు వచ్చేలా ఉంది. కరోనా తర్వాత పరిస్థితులు మారిపోవడంతో నాలుగైదు రోజులు సెలవులు వచ్చే ఏ నెలైనా సరే పోటీ పడేందుకు సిద్ధంగా ఉన్నారు. ఇప్పుడు విజయదశమి దానికి వేదికయ్యేలా ఉంది. ఇప్పటిదాకా దసరాను అఫీషియల్ గా లాక్ చేసుకున్నది నాగార్జున ది ఘోస్ట్ మాత్రమే. అక్టోబర్ 5 డేట్ తో ఆల్రెడీ చిన్న టీజర్ వదిలారు.
వచ్చే నెల నుంచి ప్రమోషన్లు గట్టిగా ప్లాన్ చేస్తున్నారు. షూట్ ఫైనల్ స్టేజిలో ఉంది. చిరంజీవి గాడ్ ఫాదర్ కూడా అదే తేదీకి వదిలితే బాగుంటుందని డిస్ట్రిబ్యూటర్లు అభిప్రాయపడుతున్నట్టు లేటెస్ట్ అప్డేట్. కానీ నాగ్ చిరుల మధ్య స్నేహం దృష్ట్యా చూస్తే ఫేస్ టు ఫేస్ క్లాష్ అవ్వడం అనుమానమే. ఒకరు సెప్టెంబర్ చివరి వారం ఎంచుకోవచ్చు. కానీ అక్కడా పొన్నియన్ సెల్వన్ పార్ట్ 1 కాచుకుని ఉంది.
మరోవైపు మంచు విష్ణు జిన్నాను సైతం ఆ టైంకే ఫిక్స్ చేయాలనే దిశగా చర్చలు జరుగుతున్నాయని తెలిసింది. ఇదేమి భయపడే కాంపిటేషన్ కాకపోయినా ఆ ధైర్యం వెనుక కారణం కంటెంటేనా లేక మరేదైనా ఉందానేది తెలియాల్సి ఉంది. నందిని రెడ్డి దర్శకత్వం వహిస్తున్న అన్నీ మంచి శకునములేని కూడా దసరాకే తెస్తారట. రెండు పెద్ద సినిమాలు రెండు మీడియం చిత్రాలు వెరసి పోటీ మంచి రసవత్తరంగా మారేలా కనిపిస్తోంది. ఇంకా రెండు నెలలు టైం ఉన్నప్పటికీ ఈ నలుగురు దాదాపుగా ఫిక్స్ అయినట్టేనని వినికిడి
ఏపీ డిప్యూటీ సీఎం, జనసేన అధినేత పవన్ కల్యాణ్ కు భారీ షాక్ తగిలింది. తెలంగాణలో జనసేన బలోపేతం దిశగా…
తెలుగు మూవీ లవర్స్ చిరకాల వాంఛ ఐమాక్స్ గురించి గత రెండు మూడు రోజులుగా సోషల్ మీడియాలో ఎడతెగని చర్చ…
దక్షిణాదిన క్యారెక్టర్, విలన్ పాత్రలకు మాంచి డిమాండ్ ఉన్న నటుల్లో విజయ్ సేతుపతి ఒకడు. సుకుమార్ అంతటి పెద్ద దర్శకుడు…
అదేంటి పెద్ది వస్తుంటే ఇంకెవరు పోటీకి దిగుతారనే డౌట్ వస్తోందా. టాలీవుడ్ ప్రొడ్యూసర్లు అంత సాహసం చేయరు కానీ ఇతర…
తెలుగులో రిలీజయ్యే ఏ సినిమాకైనా అటు ఏపీలో, ఇటు తెలంగాణలో ఒకేసారి షోలు మొదలుపెట్టాల్సి ఉంటుంది. ఒకట్రెండు గంటల తేడా…
జనసేన అధినేత, ఏపీ డిప్యూటీ సీఎం పవన్ కల్యాణ్ ఢిల్లీ టూర్ పై ఓ రేంజి తరహా వ్యాఖ్యలు చేసిన…