మహేష్ రూట్లో బన్నీ ?

ప్రస్తుతం టాలీవుడ్ లో కమర్షియల్ యాడ్స్ తో నిత్యం బిజీగా ఉండే స్టార్ హీరో ఎవరంటే టక్కున వినిపించే పేరు మహేష్ బాబు. అవును మహేష్ చేసినన్ని యాడ్స్ ఇంకెవరు చేయలేదు. తనకున్న ఫాలోయింగ్ వచ్చిన యాడ్ అవకాశాన్ని అందిపుచ్చుకొని మంచి రెమ్యునరేషన్స్ అందుకున్నాడు సూపర్ స్టార్. ఇప్పుడు మహేష్ రూట్లోనే బన్నీ కూడా వెళ్తున్నాడు. ‘అల వైకుంఠ పురములో’ తర్వాత జోమోటో యాడ్ తో పాటు శ్రీ చైతన్య యాడ్ చేసిన బన్నీ తాజాగా ఆస్ట్రాల్ పైప్స్ కి బ్రాండ్ అంబాసిడర్ గా మారాడు.

ఇటివలే హరీష్ శంకర్ దర్శకత్వంలో ఆస్ట్రాల్ పైప్స్ యాడ్ షూట్ చేశాడు బన్నీ. ఈ యాడ్ కోసం డిఫరెంట్ గెటప్ ట్రై చేసి హాట్ టాపిక్ గా మారాడు. హరీష్ శంకర్ కూడా ఈ యాడ్ మీద చాలా కాన్ఫిడెంట్ గా ఉన్నాడు. వీరిద్దరూ కలిసి ఎలాంటి యాడ్ చేశారు ? బన్నీ ఇందులో బ్రాండ్ గురించి ఏం చెప్పనున్నాడు అనేది ఆసక్తి రేకెత్తిస్తుంది.

నిజానికి పుష్ప తర్వాత అల్లు అర్జున్ కి వరల్డ్ వైడ్ గా మంచి క్రేజ్ లభించింది. ముఖ్యంగా బాలీవుడ్ లో బాగా పాపులర్ అయిపోయాడు. దీంతో బన్నీ ని వెతుక్కుంటూ చాలా కంపెనీలు బ్రాండ్ అంబాసిడర్ గా ఉండమని అప్రోచ్ అవుతున్నారట. అందులో బన్నీ కొన్ని మాత్రమే ఎంచుకొని ఒకటి తర్వాత మరొకటి ప్లాన్ చేసుకుంటున్నాడట. ఏదేమైనా పుష్ప క్రేజ్ ని బన్నీ పర్ఫెక్ట్ గా వాడుకుంటూ కమర్షియల్ గా మంచి డబ్బు సంపాదించుకుంటున్నాడు. మరి పుష్ప 2 తర్వాత అల్లు అర్జున్ క్రేజ్ డబుల్ అయితే మరిన్ని కమర్షియల్ యాడ్స్ లో కనిపించడం ఖాయం.