Movie News

బాక్సాఫీస్.. ఎవ్వరినీ వదలట్లేదు

టాలీవుడ్‌లో తిరుగులేని ఆధిపత్యం చలాయించిన పెద్ద పెద్ద నిర్మాతలకు ఇప్పుడు బాక్సాఫీస్ దగ్గర చుక్కలు కనిపిస్తున్నాయి. మంచి సక్సెస్ రేట్ మెయింటైన్ చేేసే బేనర్లు.. జడ్జిమెంట్ కింగ్స్ అని పేరున్న నిర్మాతలకు ఇప్పుడు షాక్‌ల మీద షాక్‌లు తగులుతున్నాయి. కొవిడ్ తర్వాత చాలా ప్రమాదకరంగా తయారైన బాక్సాఫీస్ ఎవ్వరినీ వదలట్లేదు. ఆషామాషీగా సినిమాలు తీయని, ఏ చిత్రం తీసినా సేఫ్ గేమ్ ఆడే ప్రొడ్యూసర్లకు ఇప్పుడు ఊహించని పరాభవాలు ఎదురవుతున్నాయి.

టాలీవుడ్లో ప్రస్తుతం నంబర్ వన్ ప్రొడ్యూసర్ అనదగ్గ దిల్ రాజు సంగతే చూస్తే.. ఆయనకు ఇన్నేళ్ల కెరీర్లో ఎప్పుడూ ఎదురు కాని పరాజయాలు ఇటీవల కాలంలో ఎదురయ్యాయి. ఓవైపు ‘ఎఫ్-3’ సినిమా అనుకున్నంతగా ఆడలేదు. తన రెగ్యులర్ బయ్యర్లకు నష్టాలు మిగిల్చింది. ఆ నష్టాల్ని భర్తీ చేద్దామని ‘థాంక్యూ’ సినిమాను కొంచెం తక్కువ రేట్లకు ఇస్తే.. ఆ మొత్తం కూడా రికవర్ కాని పరిస్థితి. దిల్ రాజు కెరీర్లో ఫ్లాపులు లేవని కాదు కానీ.. ‘థాంక్యూ’ మరీ దారుణంగా పెర్ఫామ్ చేస్తూ ఆయన జడ్జిమెంట్‌ను ప్రశ్నార్థకం చేస్తోంది. ఇలాంటి సినిమాను ఆయన ఎలా ఓకే చేశారనే ప్రశ్నను రేకెత్తిస్తోంది.

‘థాంక్యూ’ కంటే ముందు హిందీలో రిలీజైన ‘హిట్’ సీక్వెల్ సైతం దిల్ రాజుకు పెద్ద షాకే. అంతకుముందు ఆయన ‘జెర్సీ’తోనూ చేదు అనుభవం ఎదుర్కొన్నారు. ఇలా కొన్ని నెలల వ్యవధిలో రాజుకు నాలుగు పెద్ద షాకులు తగిలాయి. మరోవైపు ఇంకో టాప్ ప్రొడ్యూసర్, దిల్ రాజు లాగే జడ్జిమెంట్ విషయంలో తిరుగులేదు అని పేరున్న అల్లు అరవింద్ పరిస్థితి కూడా భిన్నంగా ఏమీ లేదు. ఆయన బేనర్ నుంచి తాజాగా వచ్చిన ‘పక్కా కమర్షియల్’ పెద్ద డిజాస్టర్ అయింది. ఈ సినిమాతో గీతా పేరు బాగా దెబ్బ తింది. అంతకుముందు ‘చావు కబురు చల్లగా’ ఆ బేనర్‌కు మరో పెద్ద షాక్. మధ్యలో వచ్చిన ‘మోస్ట్ ఎలిజిబుల్ బ్యాచిలర్’ దసరా టైమింగ్, వేరే కారణాలు తోడై ఓ మోస్తరుగా ఆడేసింది కానీ.. కంటెంట్ పరంగా అది కూడా గీతా వారి బ్రాండును దెబ్బ తీసే చిత్రమే.

ఇక ప్రస్తుతం టాలీవుడ్లో అత్యధిక చిత్రాలు నిర్మిస్తున్న మైత్రీ మూవీ మేకర్స్‌కు కూడా షాకులు తప్పట్లేదు. తాజాగా ఆ బేనర్ నుంచి వచ్చిన చిన్న సినిమా ‘హ్యాపీ బర్త్‌డే’ వీకెండ్లోనే అడ్రస్ లేకుండా పోయింది. దాని కంటే ముందు ‘సర్కారు వారి పాట’ వారికి నష్టాలు మిగిల్చింది. మధ్యలో ‘అంటే సుందరానికీ’ కూడా వారికి నిరాశను మిగిల్చింది. ఇక మరో అగ్ర నిర్మాత సురేష్ బాబు ఆచితూచి సినిమాలు చేస్తున్నా సమస్యలు తప్పట్లేదు. రీమేక్‌లు అయిన నారప్ప, దృశ్యం-2 చిత్రాలను ఆయన ఓటీటీల్లో ఇచ్చేసి బయటపడ్డారు. కానీ ‘విరాటపర్వం’ ఆయనకు దారుణమైన అనుభవాన్ని మిగిల్చింది. అసలే సినిమాల నిర్మాణం బాగా తగ్గించేసిన ఆయన ఈ దెబ్బతో ఇంకా స్లో అయిపోయేలా కనిపిస్తున్నారు.

This post was last modified on July 27, 2022 10:10 am

Share

Recent Posts

విజయ్‌తో ఫొటో.. పనిమనిషి కల నిజం చేసిన ప్రియాంక గాంధీ

ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…

34 minutes ago

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

1 hour ago

ధోనీ ఎందుకింత స్పెషల్?

ధోనీ బ్యాటింగ్‌కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…

1 hour ago

ఈసీ vs యోగి… ఇది ఊహించలేదే..!

డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…

1 hour ago

ధోనీ లేకుండా CSK… ఇప్పుడు మారాల్సింది ఏంటి?

ఐపీఎల్‌లో చెన్నై సూపర్ కింగ్స్‌కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…

1 hour ago

అంతా ఎప్పటిలాగే ఉంటుందని చెప్పనన్న నాదెళ్ల

మైక్రోసాఫ్ట్‌ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…

2 hours ago