బాక్సాఫీస్ లెక్కల్లో చూస్తే ‘అందాల రాక్షసి’ సినిమా ఫ్లాపే. మామూలుగా తొలి సినిమా ఫ్లాప్ అయిన హీరోయిన్లను ఇండస్ట్రీ అంతగా పట్టించుకోదు. కానీ లావణ్య త్రిపాఠి విషయంలో దీనికి భిన్నంగా జరిగింది. ఆ సినిమాలో ఆమె అందానికి కుర్రకారు ఫిదా అయిపోయింది. రెగ్యులర్ గ్లామర్ హీరోయిన్లకు భిన్నంగా కనిపిస్తూ ముగ్ధమనోహరమైన అందంతో యూత్కు పిచ్చెక్కించేసింది లావణ్య. ఆ తర్వాత ఆమెకు అవకాశాలకు లోటు లేకపోయింది. దూసుకెళ్తా, భలే భలే మగాడివోయ్, సోగ్గాడే చిన్నినాయనా, శ్రీరస్తు శుభమస్తు లాంటి డీసెంట్ హిట్లు పడ్డాయి లావణ్యకు. కాకపోతే పెద్ద స్టార్ల సరసన, భారీ చిత్రాల్లో అవకాశాలు రాలేదన్నదే ఆమెకు లోటు.
కెరీర్లో తర్వాత ఆ దశకు కూడా చేరుతుందిలే అనుకుంటే.. ఉన్న స్థానాన్ని కోల్పోయిందామె. ఎలాంటి కథానాయికకు అయినా అప్పుడప్పుడూ ఓ హిట్ అవసరం. వరుసగా ఫ్లాపులు వస్తే డిమాండ్ తగ్గిపోతుంది. అవకాశాలు ఆగిపోతాయి. లావణ్య పరిస్థితి కూడా అలాగే తయారైంది.
ఎ1 ఎక్స్ప్రెస్, చావు కబురు చల్లగా చిత్రాల తర్వాత లావణ్య కెరీర్ మరీ డల్లయిపోయింది. ఇలాంటి టైంలో ఆమెకు మంచి హిట్ ఒకటి అవసరం అయింది. ఆ లోటును ‘హ్యాపీ బర్త్ డే’ తీరుస్తుందని ఆశించింది లావణ్య. కెరీర్లో తొలిసారి ఫుల్ ఎంటర్టైన్మెంట్ టచ్ ఉన్న లేడీ ఓరియెంటెడ్ మూవీ చేస్తున్నందుకు ఆమె చాలా ఎగ్జైట్ అయింది కూడా. ‘మత్తు వదలరా’ ఫేమ్ రితేష్ రాణా రూపొందించిన ఈ చిత్రం వెరైటీ ప్రోమోలతో ప్రేక్షకుల దృష్టిని ఆకర్షించింది. కానీ కేవలం ప్రచార హడావుడి తప్ప సినిమాలో విషయం లేదని థియేటర్లకు వెళ్లాక కానీ తెలియలేదు.
తొలి రోజే డల్ ఓపెనింగ్స్తో మొదలైన ఈ చిత్రం.. నెగెటివ్ టాక్, వర్షాల ప్రభావంతో ఏ దశలోనూ పుంజుకోలేకపోయింది. వీకెండ్లోనే సినిమా ప్రభావం చూపలేదు. ఇక సోమవారం నుంచి షోలు రన్ కావడం కూడా కష్టమే. ఈ చిత్రం మీద ఎన్నో ఆశలు పెట్టుకుని ప్రమోషన్ల పరంగా ఎంతో కష్టపడ్డ లావణ్యకు ఇది పెద్ద షాకే. ఈ దెబ్బతో ఇక ఆమె కెరీర్ క్లోజ్ అయిపోయే పరిస్థితి కనిపిస్తోంది. ఇక ఆమెను రక్షించేదెవరో?
This post was last modified on July 10, 2022 9:51 pm
చిన్నారి పెళ్ళికూతురు సీరియల్తో చిన్న వయసులోనే దేశవ్యాప్తంగా భారీగా అభిమాన గణాన్ని సంపాదించుకున్న అమ్మాయి అవికా గోర్. ఆ గుర్తింపుతోనే…
నందమూరి అభిమానులు ఎన్నో ఏళ్ల నుంచి ఎదురు చూస్తున్న ప్రకటన రానే వచ్చింది. నందమూరి బాలకృష్ణ ముద్దుల తనయుడు మోక్షజ్ఞ…
టీడీపీ నాయకుడు, ఎమ్మెల్యే ఆదిమూలంపై వచ్చిన ఆరోపణలతో రాజకీయంగా వైసీపీ పుంజుకునే అవకాశం వచ్చిందనే చర్చ జరిగింది. నిన్న మొన్నటి…
బెంగళూరులో స్థానికేతరుల ఆధిపత్యం గురించి లోకల్స్ గొడవ చేయడం ఎప్పట్నుంచో ఉన్న సమస్య. ఈ మధ్య ఈ గొడవ మరింత…
వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ…
ఏపీ మాజీ సీఎం, వైసీపీ అధినేత జగన్ చాలా చాలా వెనుకబడి పోయారు. 11 మంది ఎమ్మెల్యేలు, 13 మం…