విశ్వక్ సేన్ కు యూత్ లో మంచి గుర్తింపు తెచ్చిన సినిమా ఫలక్ నుమా దాస్. బ్లాక్ బస్టర్ కాకపోయినా దీని బడ్జెట్ రేంజ్ కి మించి బాగానే పెర్ఫార్మ్ చేసి ప్రొడ్యూసర్లకు నష్టాలు రాకుండా గట్టెక్కించింది. విశ్వక్ లోని దర్శకుడు బయటపడింది కూడా దీంతోనే. అయితే ఒరిజినల్ మలయాళం వెర్షన్ అంగమలై డైరీస్ కున్న కల్ట్ ఫాలోయింగ్ వేరే లెవెల్. 2017లో రిలీజైన ఈ క్లాసిక్ ని అక్కడి విమర్శకులు సందర్భం వచ్చినప్పుడల్లా పొగుడుతూనే ఉంటారు. ముఖ్యంగా 11 నిముషాలు నాన్ స్టాప్ గా షూట్ చేసిన క్లైమాక్స్ గురించి.
ఇప్పుడీ సినిమా బాలీవుడ్ కు వెళ్తోంది. ఖైదీ, మాస్టర్, ఇటీవలే వచ్చిన విక్రమ్ లో క్యారెక్టర్ ఆర్టిస్ట్ గా మంచి గుర్తింపు తెచ్చుకున్న అర్జున్ దాస్ ని హీరోగా పరిచయం చేస్తూ తెరకెక్కిస్తున్నారు. మధుమిత సుందరరామన్ దర్శకత్వం వహించబోతున్నారు. మనకు పరిచయం లేదు కానీ కెడి కరుప్పుదుర చూసిన వాళ్లకు ఇతని టాలెంట్ బాగా ఎరుకే. సూర్య ఆకాశమే నీ హద్దురాని హిందీలో పునఃనిర్మిస్తున్న నిర్మాణ సంస్థే దీన్ని టేకప్ చేసింది. అర్జున్ దాస్ ఇంత త్వరగా ఏకంగా హిందీలో సోలో హీరోగా అడుగు పెట్టడం విశేషమే.
నిజానికి విశ్వక్ సేన్ తెలుగులో ఫలక్ నుమా దాస్ పార్ట్ 2కి ప్లాన్ చేసుకుంటున్న సంగతి తెలిసిందే. మొదటి భాగంలో కథ ఎక్కడ ముగిసిందో అక్కడి నుంచే కంటిన్యూ చేసేలా ఆల్రెడీ స్క్రిప్ట్ పనులు మొదలయ్యాయి. ఈసారి పూర్తిగా స్వంత వెర్షన్ ని డెవలప్ చేయబోతున్నారు. గొప్పగా ఆడని సినిమాకు సీక్వెల్ ఎందుకని కామెంట్స్ వచ్చిన్నప్పటికీ తనకో బ్రేక్ ప్లస్ ఇమేజ్ తెచ్చిన ఆ సినిమాకు కొనసాగింపు ఉండాలని విశ్వక్ లక్ష్యం. ఒకవేళ ఇది హిట్ అయితే రివర్స్ లో మల్లువుడ్ లో రీమేక్ చేస్తారేమో చూడాలి.
This post was last modified on June 30, 2022 7:47 pm
సౌత్ ఇండియన్ ఫిలిం ఇండస్ట్రీలో చేసిన రెండు సినిమాలతోనే చాలా ప్రామిసింగ్గా అనిపించిన వారసుల్లో ధ్రువ్ విక్రమ్ ఒకడు. అర్జున్…
సుకుమార్ లాంటి స్టార్ డైరెక్టర్ తీసే సినిమాలో.. ఓ పెద్ద హీరో నటించినపుడు చిన్న సన్నివేశమైనా సరే సుక్కునే తీయాల్సి…
ఆంధ్రప్రదేశ్ మంత్రి రోజా చాలా ఏళ్ల పాటు జడ్జిగా వ్యవహరించిన జబర్దస్త్ షోలో స్కిట్లు చేసే కమెడియన్లతో ఆమెకు మంచి…
టీడీపీ అధినేత చంద్రబాబుకు.. బిగ్ బ్రేక్ వచ్చింది. ఇప్పటి వరకు కేంద్రంలోని పెద్దలు ఎవరూ.. ముఖ్యంగా బీజేపీ అగ్రనాయకులుగా ఉన్నవారు…
ఏపీలో సంచలనం చోటు చేసుకుంది. ఎన్నికల వేళ అధికార పార్టీకి అనుకూలంగా వ్యవహరిస్తున్నారన్న ఆరోపణల నేపథ్యంలో ఇప్పటికే చాలా మంది…
ఏపీలో ఎన్నికలకు మరో వారం రోజులు మాత్రమే గడువు ఉంది. ఈ నెల 13న అంటే వచ్చే సోమవారం.. ఎన్నికల…